190 මේ දවස් වල බ්ලොග් ට්‍රෙන්ඩ් එක!/අගනා රහස් කීපයක් නොමිලේම!

නවක බ්ලොග් කරුවන් හට අත දීම සඳහා ලියවන්නකි.

ඔබලා මේ ක්රේශ්ත්‍රයට පිවිසි පසු සෑම බ්ලොගයක ලිපි ලියවෙන රටාව හොඳින් අවධානය යොමු කරන්න.පසුව ඒ ඒ කාලවලට ජනප්‍රිය බ්ලොගය සමග රැඳී සිට ඔවුන්ගේ පෝස්ටු වෙත නිතරම නිතරම කොමන්ට් පළ කරන්න.පසුව එම පොස්ටුවන්හිම තවත් අය කර ඇති කොමන්ට් වලට ඔබ යටින් ඇති රිප්ලයි යන බටන් එක ඔබා ඔවුන්ට යම් යම් හිනා යන දේවල් වලින් උත්තර දෙන්න.එමඟින් ඔබේ බ්ලොගය වෙත පාඨකයින් ඇදී එනවා නිසැකයි.මන්ද දැනට සමහර ප්‍රවීණ බ්ලොග් කරුවන්ද ඔය පිළිවෙත අනුගමනය කරයි.


පසුව ඔබ ලියන ලිපි තුලින්
ඒ ඒ කාලය තුල ජනප්‍රිය මාතෘකාව යටතේ ලිපි ලියන්න පෙලෙඹේන්න
දැන් අපි බලමු දැනට බ්ලොග් අවකාශයේ යම් යම් කාලවලට ජනප්‍රිය වුන මාතෘකා?


කලක් ඇනොනිමස්ලා කෙරෙහි බොහෝ සෙයින් ලිපි ලිවීමට සියලුම බ්ලොග්කරුවන් වගේ උත්සුක වුයේ එය කාලයක් නැගලා ගිය ටොපික් එකක් හෙයිනි.පසුව එය ක්‍රම ක්‍රමයෙන් නිවී ගියේ ඇනොනිමස් කොමන්ට් වලට වාරණයක් නොදැමීමට සහ එසේ පළ කරන ලද ඇනෝ කොමන්ට් වල වගකීම අධාල බ්ලොග් කරුවන් බාර ගැනීම යටතේ ඇති වූ එකඟතාවයන් තුලින් එහෙත් ඒ ක්‍රමය ඒ විදියටම අපේ බ්ලොග් කරුවන් ඉටු කරනවාද යන්න නම් ගැටළුවක්?.


පසුව බොහෝ සෙයින් නැග ගිය මාතෘකාවක් වුයේ පුක ය!
පුක ගැන කතන්දර හා තවත් ජනප්‍රිය බ්ලොග් කරුවන් බොහෝ සෙයින් විලි ලැජ්ජා නොමැතිව ලිව්වේ ය.ඒ පිළිබඳව මළ පැනපු මොතාගෙදර නම් අයෙක් මාරයා හට දොස් තැබුවේ පුක යනු ඉතාමත් පහත් වචනයක් හා එය ලිවීමට සුදුසු නැතැයි පවසමින් ය.එහෙත් සියලු බ්ලොග් කරුවන් ඔහුගේ දෝෂාරෝපණයට විරුද්ද වී "පුකට පුක නැතුව අහවල් එකක් කියනවද" යනුවෙන් ඔහුව නිහඬ කරවිය.එකළ පුකට ආදේශක නමක් නොදන්නා හෙයින් අපද මේ දෙස ඉතාමත් ආතල් එකේ බලා සිටියෝ ය.


පසුව කතන්දර ඇතුළු ප්‍රවීණයෝ අනිත් අයගේ මත නොවිමසා ඒකමතිකව තීරණය කරේ පුක යනුවෙන් ඕන පුකකට කෙලින්ම පුක කියා ලිවිම සුදුසු බවයි.පසුව එය මා ඇතුළු සියලු බ්ලොග් කරුවන්/කාරිනියන් අකුරටම ක්‍රියාත්මක කළෝ ය.පුක් ටොපික් එකේ උණුසුම බැස ගිය පසු මා පුකට පශ්චාත් බාගය ලෙස බාවිතා කරන්නට හුරු වුනා සේ ඔබටත් පසුව ට්‍රෙන්ඩ් එකෙන් මිදිය හැක.


තවත් කලක නැග ගිය ටොපික් එක වුයේ 
යම් ජනප්‍රිය බ්ලොග් කරුවෙකුගේ ලිපියකට ඔහු ලිපිය ලියා පළ කරන තෙක්ම ඔහුගේ බ්ලොගය රිෆ්‍රෙශ් කර කර නව ලිපියක් වැටුණු සැනින් ලිපිය කියවන්නේවත් නොමැතිව "මම එකඅඅඅඅ" යනුවෙන් කොමන්ට් කිරීමය.එයට ගොඩක් උනන්දුව දැක්වුයේ මුලින් මුලින් නම් බ්ලොග් කාරිනියන් ය එහෙත් පසුව බ්ලොග් කරුවන්ද සාරි ඇදගත්තාක් මෙන් බ්ලොග්කාරිනියන්ව අනුගමනය කලේ ය.(සැලකිය යුතුයි අනුකරණය නොව!).ඒ පිළිබඳව මළ පෑ ඇතැමෙක් එය සිඟිති ආතල් එකක් ලෙස පෙන්වා ලිපිද ලිව් බව මා හට මතකේ ය.ඉතින් ඔබටත් යම් ජනප්‍රිය බ්ලොග් කරුවෙකුගේ බ්ලොගයක මම එකඅඅඅ යනුවෙන් කොමන්ට් කර උදහසට හෝ යම්කිසි සැලකීමකට ලක් වී ජනප්‍රිය විය හැක.


පසුව  ඉතාමත් කෙටි කලක් නැග ගිය ටොපික් එක වුයේ හොල්මන් අවතාරය.
සෙන්නා,මාරයා,රජා,මීගොඩයා හා තවත් නම් මතක නැති බ්ලොග් කරුවන් පිරිසක් හොල්මන් ගැන හොල්මන් ආකාරයෙන් ලිවිය.එකල්හි එය අනුගමනය කොට (සැලකිය යුතුයි අනුකරණය නොව!)
තමන් අසා ඇති,මුහුණ දී ඇති,හා මවා පෑ භූත කතා රැසක් පළ කිරීමට සමත් වූහ.මාද ඒ දවස් හි හොල්මන් කතා හෙව්වත් නොලැබුණු හෙයින් ඒ අදහස අත් හැරිය.නමුත් නවක වුවත් ඔබලා වැනි දක්ෂ බ්ලොග් කරුවන් හට යම් කතා මවා පා ලිවිය හැකි වේ යැයි මා විශ්වාස කරමි.


ඉන්පසු තරමක් නැග ගිය ටොපික් එක වුයේ නයි ය.
මුලින්ම නයි ඇරියේ කව්ද කියා ඔබද දනී මා නොදනී.නමුත් මා දන්නා දෙයක් වේ එනම් නයි ද ඉතා ඉක්මනින් ලැව් ගින්නක් මෙන් නැග ගියේ ය.සමහරු නයි මගින් මඩ ගැසුවෝ ය.ආතල් ගත්තේ ය එය තවමත් බැස ගොස් නැත.දැනටත් ඉඳ හිට සිංහල බ්ලොග් අවකාශයේ කොහේ හෝ නයෙක් ඇදෙනු ඇත.ඔබත් නයෙක් ඇරීමට හෝ යමෙක් ඇරී නයෙක් චා කිරීමට උත්සහා ගන්නේ නම් ඔබටත් ඉක්මනින් ජනප්‍රිය විය හැක.


මේ දවස් වල නැගලා යන ටොපික් එක?
මේ දිනවලදී නැගලා යන ටොපික් තුනකි  එකක් වනුයේ ලොවෙත් උත්තර නැති උගතෝකෝටික ආතල් පැන  ය.අසන්නාම පමණකි උත්තර දන්නේ.ඊට අමතරව බුකිය මගින් ඔහුගේ මිතුරන්ද උත්තරේ දැනගනිති.මා ඇතුළු උත්තර සපයන්නන් පිස්සු බල්ලන් මෙන් කොමන්ට් කරති ප්‍රශ්න ලිපි නැගලා යති බල්ලෝ උඩු බුරති ප්‍රශ්නේ අසන්නා සතුටින් ඉපිලෙති(කොමන්ට් හා හිට්ස් එකසිය ගානට ලැබෙනවනේ),ඉතින් ඔබටත් හැකිය යම් උත්තර නොමැති ප්‍රශ්න අසා ජනප්‍රිය වීමට.


මේ දවස් වල නැගලා යන දෙවෙනි ටොපිය මොකක්ද?
ඒ තමයි යම් බ්ලොග් කරුවෙකු අලලා ලියවෙන ඇනෝ බ්ලොග් වල ලිපි වලට කොමන්ට් දැමීම.ඇනෝ බ්ලොග් මගින් විවේචනයට ලක් වෙන බ්ලොග් කරුවන් මත ඔබට තීරණය කල හැක ඔහුට පක්ෂව කොමන්ට් කරනවාද නැත හොත් ඔහුට බැන ඔබ කෙරෙහි අවධානය දිනා ගන්නවාද යන වග?.


විවේචනයට ලක් වෙන බ්ලොග් කරුගේ තත්වය සලකා බලන්න ලැබෙන අනිත් කොමන්ට් වැඩි පුරම ඔහුට විරද්ධ නම් ඔබත් විරුද්ධ වන්න.විවේචනයට ලක් වෙන බ්ලොග් කරු සමඟ අනිකුත් බ්ලොග් කරුවන් සිටි නම් ඔහුට පක්ෂව ඔහුගේ ගුණ ගයා කොමන්ට් කරන්න.මේ සඳහා කිසි විටෙකත් ඇනෝ ප්‍රොෆයිල් භාවිතා නොකරන්න එසේ කල හොත් ඔබට ලැබිය හැකි හිට්ස් අඩු විය හැක.ඔබ දමන කොමන්ට් මගින් ඔබේ බ්ලොග් අඩවිය අනාගතයේදී ජනප්‍රිය වෙනවාද අසාර්ථක වෙනවාද යන වග තීරණය වේවි.


නැතහොත් ඔබටත් හැක ඇනෝ කෙනෙක් ලෙස බ්ලොගයක් පටන්ගෙන ***** වගේ තමාගේම අනිත් බ්ලොගයට මඩ ගැසීම.මෙම ක්‍රමය **** විසින් 100%ක් ම සාර්ථක බව ඔප්පු කර ඇත.එයින් ඔබේ බ්ලොගය අනිවා ඩෙපා ඉතා ජනප්‍රිය වන්නේ ය.නමුත් උණුසුම බැස යනකම් පමණය.


මේ දවස් වල නැගලා යන තුන්වන ටොපිය?
ඒ තමයි අපේ පමණක් නොව මුළු විශ්වයටම රජු රාවණා රජු ගැන! මේ ටොපියට නම් ඔබට ලේසියෙන්ම ඇතුල් විය හැක.ඉදිරියේදී රාවණ රජු නැවත නැගිටීමකට ලක් වේ.ඒ පිළිබඳව ඔබට දැනුමක් ඇත්නම් වහා ඒ පිළිබඳව බේගල් ඇද බා ජනප්‍රිය වන්න!






මේ මා පෙන්වුයේ ඔබට නැගී සිටීමට හැකි ක්‍රම හා පහුගිය සමයේ සිංහල බ්ලොග් අවකාශයේ නැගලා ගිය ටොපික් හා ඔබට එම වකවානු වලදී එයට එන්ටර් විය හැකි ක්‍රමයි.මෙය මේ මා ලිව් ටිකට පමණක් සීමා වන්නේ නැත.තවත් ඉදිරියට නව ටොපික් අනිවාර්යෙන්ම පැමිණේ එවිට ඔබ ඉතාමත් හිතා මතා කටයුතු කළහොත් ඔබටත් එම ටොපික් වෙත ක්‍රමානුකූලව ඇතුලත් විය හැක.මෙම ක්‍රම මා තනිව අත්හදා බැලූ ඒවා පමණක් නොව දැනට සිටින සමස්තයක් බ්ලොග් කරුවන්ද අත්හදා බැලූ ඒවා බව සලකන්න.


කිසි විටකත් තරහාකාරයෙකුට බැන පෝස්ට් නොදමන්න
මන්ද එයින් පසුව ඔබටම ඔබ ගැන ලැජ්ජාවක් ඇති වීමට ඉඩ ඇත!


හැම විටකම නිහතමානි වන්න!
මා දුටු නිහතමානිම බ්ලොග් කරුවන් තිදෙනා වන්නේ වෙනියාත්,සෑමාත්,කතන්දරත් පමණි!


හතර වෙනියෙකු සිටි නම් ඒ මා බව මාගේ විශ්වාසයයි.


ඔබේ දුර්වල කම් බ්ලොගය තුලින් නොපෙන්වන්න.
එය ඔබට නොපෙනුනත් අනිත් අයට පෙනිය හැක.උදාහරණයක්‌ ලෙස කතන්දරව ගත්තොත් ඔහුගේ දුර්වල කමක් ලෙස මා දකින්නේ ඔහු ජොක්කු අඳිනා බව ලොවට පෙන්වීමට දැඩි වෙහෙසක් දරා පෝස්ට් දැමීමයි.




ලින්කු දැමීම!
ඔබගේ අඩවියේ ලින්කු වෙනත් බ්ලොග් වලට දැමීම  මඟින්ද ඔබට ට්‍රැෆික් හදාගත හැක.එක් ප්‍රවීණයෙක් එලෙස කරනු ඔබ ද දැක ඇත යම්විට.එහෙත් ඉඳ හිට එලෙස දැමුවත් නිතර නිතර ඔබත් ලින්කු දැමීමට උත්සහ කර ඇනෝ කොමන්ට් මඟින් දොශාරෝපනයට ලක්නොවන්න!


මේ ලිපිය මඟින් ඔබට සෑහෙන්න දැනුමක් ලබා ගත හැකි බව මාගේ විශ්වාසයයි.ඔබට යම් පැන ඇත්නම් දැනගැනීමට පහලින් කොමෙන්ටුවක් දමන්න මේ වෙනතෙක් කිසිවෙක් කොමන්ට් කර නොමැති නම් මම එකඅඅඅඅඅ යනුවෙන් කොමෙන්ටුවක් දැමීමටද උත්සුක වන්න..දියුණු වන්න ජනප්‍රිය වන්න මගෙන් ඔබ සැමට සුබ පැතුම් ශ්‍රී රාවණ සිද්ධම්.
_______________________________________________