85 නත්තලට කලින්!

තව පැය කිහිපයකින් නත්තල.පොඩි කාලේ නම් නත්තල ලං වෙද්දී ෆුල් ආතල් ඉස්කෝලත් නිවාඩුනේ.ඉතින්  
දවල් වෙනකම් නිදියලා ඇති තරම් සෙල්ලම් කරනවා.අම්මා අලුත් ඇඳුම් අරන් දෙනවා රතිඤ්ඤා අරන් දෙනවා සෙල්ලම් බඩු හම්බ වෙනවා.

ඒත් දැන් නත්තල ආවම එපා වෙනවා මට නම් පිස්සු හැදිලා තියෙන්නේ.ගෙවල් අස් කරන්නයි,මකුළු දැල් කඩන්නයි,තීන්ත ගාන්නයි,හැමදේම දැන් මට පැටවිලා :).අවුරුද්දට සැරයයි වුනාට හොඳ ගණන්.අද දවසට එක හුස්මට වැඩ ගොඩක් කරා ඒ මදිවට අම්මට නත්තල් ගහකුත් හදන්න ඕන වෙලා.ඔන්න ඒකත් හැදුවා.


ඊට පස්සේ ටවුන් ගිහින් හෙට ගෙවල් වලට බෙදන්නයි,ගෙදරට එන යට සංග්‍රහා කරන්නයි කෑම බීම ගත්තා.ඕවා උස්සගෙන කඩයෙන් කඩයට යද්දී එපා වෙනවා.අනික සෙනග පිරිලා මේ දවස් වල ටවුන් එකෙත්.අද ගෙනාව කේක් කිලෝ 2යි.ආනමාලු කැනකුයි,මස් වර්ග,තව ඔය එක එක උයන බඩු.

ඕවා උස්සන් එන්න ඕනෙත් මමමයි.ඇඳුම් ගද්දීත් ඔය වගේම තමයි හැබැයි ඇඳුම් ගන්න නම් මේ පාර වේලාසන ගියා15,16 වගේ.වේලාසන යද්දී සෙනග අඩුයි කඩවල් වල.ඒ ඇවිත් ආපහු ගේ මොප් කරලා රෑට පල්ලි යන්න ඇඳුම් ලැස්ති කරලා තමා මෙතන වාඩි වුනේ පොඩ්ඩක් විවේකයක් ගන්න කියලා.හෆ්ෆා ඇඟට නම් ටිකක් අමාරුයි අද :).

එකොළහා මාරට පල්ලි යන්නත් තියෙනවා ඇවිත් රතිඤ්ඤා පත්තු කරන්නත් තියෙනවා.ඊට පස්සේ හතර ගාතේ දිග ඇරගෙන නිදිය ගන්නවා.ආයේ හෙට උදේ පාන්දරම නැගිටලා අම්මා හදන කිරිබත්,ගෙනාපු කේක්,බිස්කට්,කෙසෙල් ගෙවල් වලට බෙදන්නත් ඕන.අපේ ගමේ කතෝලික අය අඩුයි ඒක නිසා අඳුරන හැම බෞද්ධ ගේකටම කෑම පිඟන් යවනවා.ඕවා වලට රිටන් එන්නේ සිංහල අවුරුද්දට තමයි,අෆ්ෆා කැවුම්,කොකිස්,කිරිබත් පිඟන් එනවා අපි කෑම බෙදන හැම ගේකින්ම.අපිට තියෙන්නේ එන ඒවා කාලා බීලා ආතල් එකේ ඉන්න :).

හෙට දවල්ටත් විශේෂ කෑම ගෙදරට එන අයටයි අපිට කන්නයි.

හෙට ගෙවල් 25ක් 30ක් විතර තියෙනවා කෑම බෙදන්න ඔය සේරටම මම තමයි කෑම පිඟන් උස්සන් යන්න ඕන.ඕකත් එපා වෙන කෝස් එකක් අෆ්ෆා.අම්මත් වැඩ දැනුත් මොනාද කරනවා කුස්සියේ.එයා කෑම හදන වැඩ ලැස්ති කරනවා.මේ පාර අම්මා දාපු බිබික්කන් එකනම් මරු.පැණි බේරෙනවා අඩියෙන් අඩියට කජු කෑලි.පෝරණු කාරය පොඩ්ඩක් වැඩියෙන් පුච්චලා වැටි කරවෙලා.ඒවා කපලා අයින් කරා.අනේ මොන ඩයට් ද ඒවා නම් මගේ බඩේ.අප්පා පට්ට රහයි.

ඊට පස්සේ වයින් එක.අනේ මට නම් එකේ සුවඳ අල්ලන්නේ නැහැ තාම පල් වෙනවා පෙරුවෙත් නැහැ.ඕකත් හෙට පෙරයි සමහරවිට.මම නම් ඒකට එච්චරම ආස නැහැ ඒත් අහල පහල උන් ඉන්නවා ඕක බොන්න බලාගෙන.ඔය මොනවා වෙතත් හෙට අනිද්දට ,මට නම් බොන්න හම්බ වෙනවා.හැමදාම නැහැනේ කියලා මේ පාරත් බොන්න ඕන කරටි කැඩෙන්න :).එක පාරක් එකෙක් එක්ක බෝතලයක් බීලා ඩොක් ගාලා වැටුනා තූ පාරක් දාන්න ගිහින් එද්දී පුටු ගොඩකුත් පෙරළගෙන :).

මේ පාර නම් පුටු අරවා මේවා කලින්ම අයින් කරලා තියනවා බීලා ඇවිදියි කියලා හිතන තැන්වලින්.දැන් එහෙනම් මම නවතිනවා හෙට නැත්තම් අනිද්දා තමා ආයේ මේ පැත්තේ එන්නේ.එහෙනම් සුභ රැයක්.

ඒ වගේම ප්‍රීතිය දනවන සුභම සුභ නත්තලක් වේවා කියා මගේ බ්ලොග් සහෘදයන් සියලු දෙනාටම පතනවා!.පාටි එහෙම සෙට් වුනොත් ඔන්න වැඩිය බොන්නේ නැහැ හරිද? :).