104 සිහින උළෙලේ බනිස් කෑමේ සූරයා!

සිහින උළෙල ඉවර වෙලා අදට දවස් හයක් හතක් වෙනවා ඒත් තාම උණුසුම නම් ගිහින් නැහැ.මඩ ෆොටෝ හැමතැනම ඒ වගේමයි බ්ලොග් පෝස්ට් ටිකත්! ඒත් මට තාම හරියට පෝස්ට් එකක් ලියන්න බැරි වුනා ෆෙස්ටිවල් එක ගැන! මොකද මඩිස්ස ප්‍රසිද්දත් මඩ ඉසින්න කියලා දෙතුන් දෙනෙක් කියනවනේ.ඒත් වැඩේ කියන්නේ මට මඩ ටිකක් හොයාගන්න බැරි වුනා!

මේ පාරත් ෆෙස්ටිවල් එකට නොයා ඉන්න තමා හැදුවේ වැඩක් නිසා ඒත් අන්තිම මොහොත වෙනකම් උත්සාහය අත් හැරියේ නැහැ.ශම්මි,සමියා (මුදියා),සුදු මහත්තයා වගේ සමකාලින බ්ලොග් ලියන්නෝ යනවද ඇහුවම මට නොයා ඉන්න බැරි වුනා.කොහොම හරි අන්තිමට යන්න අවසරය අරගෙන මංජුල අයියාගෙන් ඇහුවා යනවද කියලා(අටම්පහුර). එදා ගම්පහ
එකේදිත් මිනිහා මාව හලලා චමියා එක්ක ගියා.මේ පාරත් ඉතින් අහලා බැලුවම කිව්වේ සෑමා එක්ක යන්නේ උගෙන් අහලා කියන්නම් කියලා.

කොහොම හරි ආයේ කෝල් එකක් ආවා හරි හරි සෑමා එක්කන් යන්නම් කිව්වා උඹ වරෙන් ස්ටේෂමට හතාමාර වෙද්දී කැළණියෙන් අපි සෑමට සෙට් වෙමු කියලා.කිව්වා වගේම උදේ ස්ටේෂමට ගිහින් හිටියා මංජුල අයියා නැහැ.කෝල් එකක් දුන්නම විනාඩි දහයෙන් එනවා ඔහොම හිටහන් කිව්ව නිසා මම ගියා බීම එකක් බොන්න.බීම එක ඕඩර් කරාම වේටරයා වෙන වෙන වැඩ.මාත් ඌ දිහා බලන් ඉන්නවා බීම එක ගේනකම්.විනාඩි දහයකට විතර පස්සේ ඔන්න ඌ ෆ්‍රිජ් එකේ දොර අරිනවා.එවෙලේම මංජුල අයියගෙන් කෝල් එකක්.

කොහෙද උඹ ඉන්නේ?

මම ස්ටේෂම ඉස්සරහා අයියා

ඉක්මනට වරෙන් මම ස්ටේෂම ඇතුලේ!

මම නැගිටලා එන්න ආවා.මම එද්දී වේටරයා බීම එක අරන් හෝටලෙන් එලියට ඇවිල්ලා මට කතා කරනවා මම පස්ස නොබලා ක්ෂණික ස්ටේෂම ඇතුලට ගියා.ස්ටේෂම ඇතුලේ අටමා නැහැ කෝච්චියක් නම් තියෙනවා!

ගත්තා කෝල් එකක්
කෝ කොහෙද ඉන්නේ?

නැගහන්කෝ කෝච්චියට මම ඒකෙ ඉන්නේ

හා හා ඔන්න එහෙනම් නැග්ගා ඈ?

කෝච්චියට නැග්ග ගමන් කෝච්චියත් ඇද්දා තව පොඩ්ඩෙන් එදත් මාව හලලා මේකා යනවා!
ටික වෙලාවක් කතා කර කර යද්දී තමා මතක් වුනේ ටිකට් ගත්තේ නැහැ කියලා.

කැළණියෙන් බැස්සම මෙන්න යකෝ එලියට යන තැන ටිකට් බලනවා.අටමට දුවත් එක්ක එතනින් එලියට යන්න කියලා මම එහා පැත්තේ වේදිකාවට පැනලා පාරට බැහැලා ඒ පැත්තෙන් එලියට ගියා.ඊට පස්සේ නලින් අයියා නැහැ.ඒකාත් ඒ කෝච්චියෙම පිටි පස්සේ පෙට්ටියක ආවාලු.කෝල් එකක් දීලා බලද්දී කඩයක් ගාව ඉඳන් එනවා.

සෑමා මෙතනට නේද එනවා කිව්වේ?දැන් වෙලාවත් හරිනේ? ඒ අටමා

තරියත් එක්කනේ බන් එන්නේ!වෙලාවකට වැඩ කරන්න පුළුවන් ඈ ඌ එක්ක? ඒ නලින් අයියා


කොහොම හරි සෑමා ඇවිත් කෝල් කරනකම් නලින් අයියා ගානේ තැඹිලි ගෙඩියකුත් බොන්න හම්බ වුනා.
සෑමා එක්ක තරියත් හිටියා අපි තුන්දෙනත් ඒකට නැගලා ආවා.හෆ්ෆා නැග්ග වෙලේ ඉඳන් සෑමට බ්ලොග් කාරිනියන්ගෙන් කෝල්! යකෝ අපිට එහෙම එක කෝල් එකක්වත් නැහැනේ?

මහරගමට යනකන්ම ලනු හොය හොයා ගිහින් අන්තිමට මහරගම හාඩ්වෙයාර් එකකින්ම තමා ලනු හොයාගන්න හම්බවුනේ.මංජුල අයියගේ පොඩි එකී බොහොම සෆාන් එකේ ආවේ.කොහෙද මේ හිපාටුව සැරින් සැරේ කෙල්ලගෙන් අහනවා "දුව ඕක්කම්  වගේද?" කෙල්ල "නැහැ තාත්තේ" අටමත් පහුබහින්නේ නැහැ ආයේ විනාඩි දහයකින් ඒකම අහනවා :D

කොහොම හරි යූත් එකෙන් ඇතුලට දාද්දීම කෝල් කරපු බ්ලොග් කාරිනියක් සෑමට හම්බ වුනා.මට මේ හිතාගන්න බැරි මේකාට කොහෙන්ද මෙච්චර පිනක් කියලා.

ඇතුලට ගියාම ආපු සෙට් එක විසිරුණා මට සෙට් වුනේ කනා මුට්ටි බඳින්න.ශම්මි කෙල්ලයි සාදිරිසයි සමියයි  සොනිකුයි බට්ටයි නලින් අයියයි තවත් කව්ද හිටියා නමුත් මතක නැහැ.කොහොම හරි කනා මුට්ටි ටික ගෙට ගහලා කීප පාරක්ම එහෙට මෙහෙට කරලා මුට්ටි ටික එල්ලුව.ඔන්න ඔය අවස්ථාවේදී තමයි ශම්මි කෙල්ල අර ඇඩ් එකක් කරේ රෙඩ්බුල් ගැන!

ජාතික ගීය ගයලා හා හා පුරා කියලා මුලින්ම කරේ කනා මුට්ටි බිඳින එක.කොහෙද තුන් වෙනියට හිටිය ලාස්ට් රෝ බුවා කෙලියනේ හරියටම නිල් පුරවපු එකට!

ඊට පස්සේ අලියට ඇහැ තිබ්බා.යූත් එකේ අයියා කෙනෙක් සුපිරියට අලියෙක් ඇඳලා දුන්නා.මම කොහෙද අහක යන පොතකට තමා ඇහැ තිබ්බේ ඒ අස්සේ කව්ද එක්කෙනෙක් මාකර් එක වෙනුවට පොල්ලක් අරන් අලියට පොල්ල තියමු කියලා පොල්ලක් උස්සන් ගියා :).

ඊට පස්සේ වෙනියව හම්බ වුනා.අනේ හරි සීදේවි අයියා.හොම්බ දිග කැමරාවකුත් අරන් ගෑණු ළමයි වගයක්ව ෆොටෝ ගගහා හිටියා.ඊට පස්සේ තව දැකලා පුරුදු මූණක් වගේ එකක් දැක්කා.කව්ද මේ?....

අම්මට සිරි මේ මාරයා තුමා නේද? ලඟට ගිහින් කතා කරා.මම හිතුවේ කතා කරන එකක් නැහැ කියලා.මොකද ටිකක් අහංකාරයි වගේනේ.

අයියේ අයියා මාරයා නේද?

ඔව් මල්ලි?

මම ම.නිශාන්!

ආහ් මේ මලයද? හරි කෙට්ටුයිනේ? මම හිතුවේ අර පෝස්ට් එකේ විදියට මහතයි කියලා.

ඇයි ඉතින් මම කිව්වේ මම කෙට්ටු වුනා කියලා.

ඒ වුනාට මම හිතුවේ මීට වඩා මහත ඇති කියලා.

ඔහොම කයියක් ගොඩ නැගෙද්දීම තරියා කැමරාවක් උස්සන් ඇවිත් මාරයාවයි තරියාවයි ෆොටෝ එකක් ගන්න කිව්වා.

ඉවාන් පාවුලුෂාත් හම්බ වුනා හොඳ අයියා කෙනෙක්.මී ගොඩයා ලඟට ඇවිත් ඇහුවා නිශාන් නේද කියලා.

ඔව් නිශාන් තමා ඔයා?

මම මීගොඩයා!

අඩේ හරි පොඩියිනේ.ඒ මම

ඔව් මට වයස විසි එකයි!

ඈ ? මට විස්සයිනේ ඉතින්?

ඔව් බන් මට විසි එකයි දැනට අවුරුදු 8කට කලින්!

ඊට පස්සේ රෙපාව හම්බ වුනා.රෙපාව දැක්ක ගමන් මට මතක් වුනේ ස්ටේෂමේ ටිකට් බලපු එකාව මොකද මේකාත් එතන ටිකට් කඩනවා.

කොහෙද අස්සක ඉඳලා රජාව හම්බ වුනා.අපෝ මූ හෙන කුලෑටි පොර එදා ගම්පහදී වගේමයි.අරලිය ගහ අස්සේ හැංගි හැංගි ඉන්නවා.මම ඌ ළඟටම ගිහින් කතා කරා.

අඩෝ රජා!

ඒ උඹ එන්නේ නැහැ කිව්වා නේද?ඒ රජා

ඔව් බන් එන්නේ නැතුව ඉන්න හැදුවේ කොහෙද එහෙම කරන්න බැරුව ගියානේ.උඹ බයික් එකේද ආවේ?

නැහැ බන් බස් එකේ.

කා එක්කද බන් ගවේශකයා එක්කද? ඒ මම

නැහැ බන් කෙල්ලෙක් ආවා බන් මා එක්ක!

නෑහ් ඒ කවුද බන්?

දන්නේ නැහැ බන් අන්න අර හරියේ හිටියා මට කොටුවෙන් සෙට් වුනේ!

ඊට පස්සේ රජාව මිස් වුනා.ආයේ හම්බ වුනු හැම පාරකම මම මූට අඩගහුවා මොනා හරි තරඟ වලට වරෙන් කියලා.

මූ කියනවා මම අපේ සෙට් එකේ එකෙක් එව්වා බන්

ආ උඹලා සෙට් පිටින්ද බැහැලා ඉන්නේ?

ඔව් බන් වෙඩික්කාරයාව එව්වා දැනුත්.

අනේ මේ හුයන්නෝ වරෙන් බන්.

අඬ ගහලා ගහලා කොහොම හරි මොකක් හරි එකකට මූ ආවා.

පහුගිය පෝස්ට් වල දකින්න ඇතිනේ මාරයා බනිස් කනවා,එතකොට සමියා ආදරෙන් බනිස් බදාගෙන බිම පෙරලිගෙන බනිස් කනවා.හැබැයි එකෙක්ටවත් මීටර් නැහැ ඒ තරඟයෙන් කවුද දිනුවේ කියලා.

බනිස් කෑමේ තරඟයෙන් දින්නේ මම බොලව්!

ඒ තරඟය දින්නෙත් හෙන අමාරුවෙන්.මාරයයි සමියයි මාරුවෙන් මාරුවට බනිස් බෙදන් කනවා.කට්ටිය කෑගැහුව ගමන් දෙන්නා ආයේ වෙන වෙනම කනවා.ඒක දැකලා මට හිනාගිහින් තව පොඩ්ඩෙන් බනිස් හිර වෙලා මැරෙනවා.

කොහොම හරි බනිස් ගෙඩිය කට ඇතුලට දාගෙන දිව්වා මම පළවෙනියා!.පපුව හිර වෙලා හුස්ම ගන්නත් බැහැ මම හිතුවේ මාව ඉස්පිරිතාලේ ගෙනියන්න වෙයි කියලා.ඒ අස්සේ නලින් අයියා කියනවා

ඕක ගිලපන් ඕක ගිලපන් කියලා

කොහෙන්ද මන්දා ක්‍රීම් සෝඩා බෝතලයක් හම්බුනා ඒකෙන් තමා බේරුනේ.ඊට පස්සේ දෙන්නෙක් නටනවා පිට්ටනියේ.සමියටත් නටන්න ඕන වෙලා මට කතා කරා.ජීවිතේට කට්ටියක් ඉස්සාරහ නටලා නැති මම මූව නටවන්න ඕන නිසාම ගිහින් නැටුවා.ආයිස් අම්මා සමියා බ්‍රේකින් ඩාන්ස් පාරවල් දාලා පට්ට ඩාන්ස් එකක් දැම්මේ.ඊට පස්සේ කට්ටිය ඔක්කොම වගේ සෙට් වුනා නටන්න.නාඩියා දුශ් එක්ක Step Up ෆිල්ම් එක බලලා එකේ විදියට නැටුවා අපි ගන්ග්නම් ස්ටයිල් නැටුවා පට්ටම ආතල්.තුන්පා දිව්වා දෙහි ගෙඩිය හැන්ද මත අරන් ගියා.එකකින්වත් දිනුවේ නම් නැහැ ඒත් දෙහි ගෙඩිය සාක්කුවේ දාගත්තා පස්සේ ඕන වෙයි කියලා.

ඊට පස්සේ තමා හතර වෙනි තට්ටුවට එක්කන් ගියේ.සුදීක අයියා රෙඩ්බුල් විතරක් නෙවේ එදා බොන්න දුන්නේ!ඔන්න මම තව රහසක් එලි කරා.හතර වෙනි තට්ටුවේ මංජුල අයියගේ දුවව සිෆ්ට් ක්‍රමයට බලාගත්තේ පවනි අක්කයි නලින් අයියයි අටමයි.

ඒ අස්සේ නොහික්මුණු ඇය ෆ්‍රෙන්ච් ෆ්‍රයිස් පිඟානක් ඉවර කරේ තමන් කියලා සුදීක අයියා එක්ක කේස්.දෙමල නයන්න ප්‍රසන්න අයියා නම් හෙනම අහිංසක මනුස්සයෙක්.ලොකු ජෝන් අයියා සුමිත් අයියා වෙනම කතාවක්.ඒ අස්සේ පොඩි පරම්පරාව වශයෙන් සුදු මහත්තයා තව ශම්මියෙක්(කොල්ලෙක්) වෙනම කතාවක්.මම මුන් දෙගොල්ලොගෙම කතාවට එකතු වෙනවා.

ඒ අස්සේ මේ ශම්මි ඊ මනි කරන හැටි කියවනවා.නොහික්මුණු ඇය අයිපී වලින් බ්ලොග් කාරයෝ හොයන හැටි කියනවා.අනේ මන්දා මුන්ට වෙරිද කොහේද!

ඒ අස්සේ සීයා කෙනෙක් බියර් බොනවා දැකලා ෆොටෝ එකක් ගන්න හැදුවා.කොහෙද ඒ මනුස්සයා එක උගුරක් බීලා සුරුට්ටුව අතේ තියන් වහල දිහා විනාඩි 20ක්ම හිටියනේ අනිත් උගුර බොන්න!

 ඒ අස්සේ සුදු මහත්තයා සිංදු කියන්න ගිහින් රෙස්ටුරන්ට් එකේ සේවකයෙක් බෝඩ් එකක් පෙන්නුවා.මූට ඒක පේන්නේ නැහැ කියලා මගේ ෆෝන් එකත් අරන් ගිහින් එකේ ෆොටෝ එකක් ගහන් ආවා.ෆොටෝ එක ගහලා තිබ්බේ ඔලුවෙන් හිටගෙන වගේ.මූ ෆෝන් එක අනිත් අතට අල්ලන් ගහලා තියෙන්නේ.මට ඇවිත් කියනවා ඕක අනිත් පැත්ත හරවලා අප්ලෝඩ් කරපන්ලු.ඔය ඒක තමා පල්ලෙහා තියෙන්නේ

ඔය අස්සේ සුදු මහත්තයට කෝල් එනව අක්කා කෙනෙක්ගෙන්!

කවුද බන්? ඒ මම

අක්කා කෙනෙක් බන් මා එක්ක ආවේ.ඒ සුදු මහත්තයා

අක්කා කෙනෙක්? වයස කීයද?

උඹට වඩා වැඩිමල් බන් අර රොසෑන් අක්කා බන්!

ඒ අස්සේ නොහික්මුණු ඇයටත් කෝල්

කවුද බන්?

ශම්මි බන්! මට බනිනවා හෝ ගාලා හික්ස්,ඌම හික්ස් ගෑවා :D

පස්සේ කට්ටියම සමසේ බිල බෙදාගෙන එලියට ආවා.ඒ එන අතරතුරේ මම හැමෝගෙන්ම දෙහි ගෙඩිය අරන් ලඟට ගිහින් ඇහුවේ ඕනෙද කියලා.

සුදීක අයියේ දෙහි ඕනද?

එපා බන්

ප්‍රසන්න අයියේ දෙහි ඕනද?

එපා මල්ලි

ජෝන් අයියේ දෙහි ඕනද?

දෙහි? හිටපන්කෝ ඕක මම පෝස්ට් එකක් දාන්නම්!

මංජුල අයියේ දෙහි ඕනද?

තව ටිකකින් උඹට ඕන වෙයි ඕක තියාගනින්!

සුමිත් අයියේ දෙහි ඕනද?

"වෙරි" ගුඩ්!

සුමිත් අයියට දෙහි ගෙඩිය ඕන බව මට පෙනුනා.

කට්ටියම ඇතුලට ගිහින් ලන්ච් එක ගන්න හැදුවා ඒ වෙද්දී ඔක්කොම වගේ කාලා ජන ගී ගයනවා!

කවුන්ටරේ ලන්ච් පැකට් වගයක් තියෙනවා.අයියා කෙනෙකුත් ඉන්නවා අයියේ පැකට් එකක් ගන්නද?

අනේ ගනින් බන් ඉස්සෙල්ලා කට්ටිය පොර කෑවා ලන්ච් එකට දැන් කෑමත් ඉතුරුයි.

පවනි අක්කා හැමෝටම ලන්ච් එක දුන්නා.කන වෙලාවේ තමා මානවක හම්බ වුනේ.පොරත් එවෙලේ තමා කෑවේ අපිත් එක්ක.ඔය වෙලේ සුදු මහත්තයාගේ රොසෑන් අක්කත් ආවා අපි ඉන්න තැනට :)

මේ අස්සේ නොහික්මුණු ඇය නැහැ.එලියට ගිහින් බලද්දී මූ එළියේ ශම්මිව ශේප්  කරනවා.ශම්මි නාගිනා වගේ රවාගෙන ඉන්නවා.නොහික්මුණු එකා නාඩියව දැකලා ඌව ඇදන් පිට්ටනිය පැත්තට ගියා.අනේ පව් අප්පා ශම්මි කෙල්ල.එකී අරු දිහා කන්න වගේ බලන් ඉන්නවා.

ශම්මි ඔය මූණ පීද ගනින්කෝ, ඒ මම

මගේ දිහත් රවාගෙන ඉන්නවා

සිරාවට කිව්වේ ලේන්සුවක් නැද්ද? ඔය මූණ පිහිද ගනින්කෝ මූනේ තෙල් බේරෙනවා!

ලේන්සුවක් නැහැ යකෝ,ෂම්මිට මල පැනලා

එන පොට හරියන්නේ නැහැ ගහන්නත් බැරි නැහැ.මමත් ගියා නොහික්මුණු එකා ගාවට

මොකෝ බන් ශම්මි අවුල්ද?

නැහැ බන් මම 90 චොකලට් එකක් අරන් දීලා හෙන අමාරුවෙන් ශේප් කරගත්තා හිහි හිහි,ඌට තාම වෙරිද කොහෙද :D

ඔය අලකලංචි අස්සේ සෑමා යන් කිව්වා.ඊට පස්සේ දැක්ක හැමෝටම කියලා අපි ආවා.එද්දී මට අර ශම්මි කොල්ලගෙන් කෝල් එකක් ආවා.

හෙලෝ ශම්මි අපි යනවා බන්.

සෑමා

ශම්මි? අඩෝ හූ මූට ශම්මි කෝල් කරනවා

නලින් අයියා

නැහැ නැහැ ඒ පිරිමි ශම්මි බොලව්!

යකෝ ශම්මි කෙල්ල කෝල් කරත් මොකෝ එකී මගේ හෙන ෆ්‍රේඩානේ.මුන් කතා හදන්නමයි හදන්නේ!පේනවනේ සහෝදරවරුනි?.එද්දී නලින් අයියයි මායි අටමයි දෙමටගොඩින් බැස්සා.මේ අස්සෙත් තව තව සීන් වගයක් වුනා ඒවා නම් කියන එක හරි නැහැ නලින් අයියයි අටමයි මට දොස් තියයි.

නලින් අයියා ෆෘට් ජූස් හොයන්න දුවද්දී අයිස් වතුර බෝතලයක් පෙන්වලා බොහොම අමාරුවෙන් නවත්ත ගත්තේ.

ඔන්න ඔහොම ලස්සනට එදා දවස ඉවර වුනා.ප්‍රදීප් අයියා ඇතුළු සංවිධානය කරන්න මහන්සි වුනු හැමෝටම ස්තුතියි ඒ වගේ දවසක් ලබා දුන්නට.ඒ වගේම කට්ටියව අඳුරගන්න ලැබුන එකටත් බොහොම සන්තෝෂයි.අවන්කයෙන්ම මට නම් පෙන්වන්න තරම් කිසිම වැරද්දක් නැහැ.

සුදීක අයියටත් ස්තුතියි රෙඩ්බුල් අනුග්‍රහයට! රෙඩ්බුල් දෙක දෙක බීපු උන් ගෙදර ගිහින් සුදීක අයියටම බැනලා තිබ්බ ඒවා ගැන නම් කතා කරලා වැඩක් නැහැ.ගුණමකු මිනිස්සුත් කිහිප දෙනෙක් ඉන්නවා.ෆෙස්ටිවල් එක නම් පට්ටම සුන්දරයි.ලබන අවුරුද්දේ එකටත් මම අනිවා සෙට් වෙනවා.ආපු නැති අය කොහොම හරි එන්න උත්සහ කරන්න. ඒ වගේම මම සංවිධායකවරුන්ට සුභ පතනවා ලබන අවුරුද්දේ එකත් හොඳින් කරගන්න ලැබේවා කියලා!