29 වරදක් කළොත් අනිවා ගෙවන්න වෙනවමයි(සත්්ය සිදුවීමක්)

සිරාවට සිද්ද වෙච්ච පට්ට සිද්දියක් අරන් ආවා අද මන්.ඔන්න එහෙනම් අහා ගන්නකෝ.කියවන්න කලින් ඔය පින්තූරේ ඉන්න අහින්සක ඉබ්බ දිහා බලලා ඒ සතා ගැන මානුෂික හැගීමකින් හිතලා බලලාම කියවන්නකෝ(බැරි නම් එපා මට මොකෝ හිකිස්)



හර්ෂ* ආමි එකේ ඉදලා නිවාඩුවට ගමේ ආවා එයාගේ හොදම යාළුවා තමා දිනේශ්.හර්ශ ආමි වුනාට මොකෝ හරි හොද කොල්ලා ඒත් දිනේශ් නම් අම්මටත් හුයන්නෙන් බනින ජාතියේ තත්වයෙන් පහත් කොල්ලෙක්.මේ දෙන්නා යාළුවෝ වුන එකත් ඇත්තටම පුදුමයක්.

ඕන් ඉතින් හර්ෂ නිවාඩුවට ආවම කරන්නේ යාළුවා එක්ක එකතු වෙලා අම්බානක රවුම් ගහන එක(රස්තියාදු).දිනේශුත් යාළුවාගේ මාර්ගෙන් ඒ දවස් ටික ෆුල් එන්ජෝයි කරනවා(ඉන්ග්‍රීසියෙන් කිව්වම කික් එකක් එන නිසා එහෙම කිව්වේ හොදේ).

කොහොම හරි අදාල දිනේත් උදා වුනා. එදා තමා හර්ෂගේ නිවාඩුවේ අන්තිම දවසට කලින් දවස.ඉතින් හර්ෂ ඒදාත් මධුවිතින් තම යාළුවාට සන්ග්‍රහ කරන්න අමතක කරේ නෑ.දැන් දෙන්නා බාර් එකෙන් බෝතළෙකුත් ගෙනල්ලා ගෙදරින් තිබ්බා(තාම බොන්න පටන් ගත්තෙ නැහැ හොදේ)

දිනේශ්ගෙ හැටි මන් පටන් ගද්දිම කිව්වනේ.කොල්ලා ඉතින් යාලුවා ගානේ බෝතලෙ ගෙනාවා මන් ගානේ හොද බයිට් එකක් දෙන්න ඕන කියලා හිතලා.තමන්ගේ වත්තේ ලිදේ අවුරුදු ගානක් ඉන්න ඉබ්බාව ගත්තා ගොඩට.මේ වෙලේ මේක කරේ දිනේශ් තනියම මොකද හර්ෂව පුදුම කරවන්න හිතන්නේ දිනේශ් හිටියේ.ඉතින් දිනේශ් ඉබ්බාව අරන් ගිහින් දැන් ශුද්ද කරන්න මාර ගේමක් දෙනවා.ඒත් දිනේශ්ට නම් ඕවා අලුත් වැඩ නෙවේ(කාළකන්නි).අහින්සක ඉබ්බාත් මැරෙන්න යන මොහොතේ වෙන්නේ මොනාද කියලා බලන්න බෙල්ල එළියට දාගෙනමයි හිටියේ.දිනේශ් දෙපාරක් හිතුවේ නැහැ ගත්ත ගමන් මන්නෙන් ඔලුවටම කෙටුවා ඉබ්බාගේ.ඔලුවෙන් කෑල්ලක් කැපිලා ගැලවිලා වෙන්වෙලා

ඊට පස්සේ දිනේශ් මූව බයිට් එක කරලා කොහොමින් හරි ඒත් කෙළා තාප්පෙට බොන වෙලාවෙදි හර්ෂ කියා පිය අපො බන් මට නම් එපා ඔය ජරාව උබම කාපන්.මන් මේ මුරුක්කු පැකට් එකවත් කන්නම් කියලා එද්දි කඩේකින් අරන් සාකුවේ දාන් ආපු බයිට් පැකට් එක පෙන්නුවා.

කල්යාන මිතුරාගේ එම වදනින් අප්සෙට් වුනු දිනේශ් නැති වෙන්නම බිව්වා(ඒ කියන්නේ පෙරේත කමට බොන්නේ(ලග නමන්නේ)).දැන් බෝතලෙයි බියර් බෝතලෙයි 2ම ඉවරයි.ඉබි බයිට් එකත් සමග වැඩි පුරම බිව්වේ දිනේශ්.මේ දෙන්නා බිව්වේ දිනේශ්ලගෙ ගෙදර

කාපු බීපු තැන්වල සතා සර්පය ඉන්නෙත් නැහැ කිව්වට මේ දෙන්නම එතනම නිදි දැන්.පැය දෙහෙකට විතර පස්සේ ඔන්න දෙන්නටම ඇහැරුනා.වෙරි නම් තාම හිදිලා නැහැ ඒත් දෙන්නාම නැගිටලා කලින් ප්ලෑන් කරන් හිටපු විදියට ඒ දවසෙම සෙට් වෙච්ච සන්ගීත ප්‍රසන්ගයක බලන්න යන්න ලැහැස්ති වුනා මොකෝ හර්ෂගේ අන්තිම දවසනේ.දෙන්නා දැන් හර්ෂගේ බයික් ඒකේ යනවා වැළිවේරියට පැදගෙන ගියේ දිනේශ්.මගදි එක තැනකදි(තැන හරියටම දන්නේ නැහැ) පොඩි වන්ගුවක් තිබිලා මේ වන්ගුව දිනේශ් බොහොම හිමින් අරන් තියෙන්නේ ඒත් බයික් එක ලිස්සලා වැටිලා.පිටිපස්සෙන් ගිය හර්ෂ අමාරුවෙන් නැගිටලා දිනේශ්ට කතා කරා.දිනේශ්ගෙන් කිසි ප්‍රතිචාරයක් නැහැ.ලග පාත හිටපු මිනිස්සු දෙන්නවම රෝහළ් ගත කරලා.හර්ෂට නම් කිසි අමාරුවක් නැහැ ඒත් දිනේශ්ගේ ඔලුවට ලේ බැහැලා ලේ ගල් වෙලාලු.

මාසයකට අධික කාලයක් රෝහළේ ඉදලා අන්තිමේදි දිනේශ් අවසන් හුස්ම හෙළුවා.ඒ මාසය පුරාම සැත්කම් 5ක් ඔලුවට කරලා.ඒ දවස් ටිකේම දිනේශ් හෙල්ලිලාවත් නෑහැ ඔලුවේ සැත්කම් කරලා තියෙන්නේ අර ඉබ්බාගේ ඔලුව කැපිලා ගිය පැත්තෙන්මයි ඔලුව අම්බානක හාරලාලු..දීනේශ්ව බේරගන්න දොස්තරලත් පුලුවන් උපරිමෙ කරා කියන්නේ(ඒක නම් ඉතින් තහවුරු කරලා කියන්න බෑහැ)

ඉතින් කස්ටිය මේ සිද්දිය කොහොමද දකින්නේ?.මන් නම් හිතන්නේ කරපු පව එවෙලෙම පල දුන්න කියලා.මේ ලොකේ අපි කරන වැරැදි වලට අනිවාර්යෙන්ම දඩුවමකුත් හිමි.මේ සිද්දියේ වගේ එවෙලෙම පලනොදුන්නත් කවදා හරි දවසක රිටන් එක ගෙවන්නම වෙනවා ඒකාන්තයි.

*ආදේශිත නම් පමනි.

ප.ලි,මේක සිද්දවුනේ රාගම අවට ගමක.දැන් කට්ටිය මාව හොයන්න එපා මේක ඇයි බ්ලොගියේ දැම්මේ කියලා.හිතෙන ඕනම දෙයක් කමෙන්ටුවක් ලෙස පළකරලා යන ලෙස කාරුණිකව ඉල්ලා සිටිමි.ප්‍රතිචාර දක්වයි කියාද මා බළාපොරොත්තු වෙමි.