111 (මඟුල්) කෑම!

මට මොන දේටත් වඩා ලොකු කන එක ඒ වගේමයි මොන දේ කරන්නත් කලින් මම කන එක තමයි කරන්නේ!

මම රස්සාව කරගෙන පාඩුවේ ඉන්න හදද්දී තමා මට මේ ජව්සමට අහුවෙන්න සිද්ද වුනේ.කල වයසත් හරිය කියලා අපේ අම්මලා මට කසාදයක් සූජානම් කරා.බැහැයි කියන්න කියන්න කොහොම හරි මනමාලිව බලන්න යන්න මාව කැමති කරව ගත්තා.

ඕන්න මනමාලි බලන්න යන දවසේ අපේ නෑදෑයෝ ටික දෙනෙක් ආවා අපිත් එක්ක යන්න.උන්දලා එන්නේ මනමාලිගේ වත්කම් බලන්නයි දෑවැද්ද ගැන කතා කරන්නයි මනමාලිගේ ගෙදරින් දෙන බත් වේල කන්නයි තමා.


නැකතක් එහෙම බලලා තිබ්බේ උඩහ මාමා.නැකත් වෙලාව කිට්ටු වෙද්දී උතුර බලන් වෑන් එකට නගින්න කිව්වා.ඔය මොන දේ කරන්න කලිනුත් කාලා ඉන්න ඕන නිසා මම පිඟාන පිරෙන්න කිරිබත් කෑලි හතරයි කෙසෙල් ගෙඩි දෙකකුයි දාගෙන කෑවා.මේන් මුන් කෑගහනවා නැකත හරිය යන්ය කියලා.

කොහේ යන්නද මම කාලා ඉන්නෙපයි!

මම කාල එනකම් අනිත් උන්දලා වෑන් එකේ ඉඳගෙන මට දොස් කිය කිය ඉන්නවා.ඊට පස්සේ ඕන්න අපි පිටත් වුනා.ගමන කොහොමත් පැය තුනක් වත් යනවා.නැකත බලපු වෙලාව නම් මොනවා වුනත් රත්තරන් වටිනවා.මොකද අපි මෙහෙන් පිටත් වෙලා එහෙට සේන්දු වෙද්දී දවල් කෑම වෙලාව හරි.

ඔහොම අතරමග යද්දී පාර අයිනේ තම්බලා විකුණන බඩඉරිඟු කරල් දෙක තුනකුත් මම අරන් කෑවා.ඕවා ගන්න නවත්වන වෙලාවත් අපරාදේ කිය කිය මට බැන්න උනුත් යස අගේට පස්සට වෙලා බඩඉරිඟු කනවා.

පැය තුනහාමාරක ගමනකින් පස්සේ අපි මනමාලිගේ ගෙදරට ගියා.මම බැස්ස ගමන් වෙලාව බැලුවේ දවල්ට කන්න තව කොච්චර වෙලා තියෙනවද කියලා.

අපි බහිද්දිම මාමණ්ඩි ඇවිත් අපිව පිළිගත්තා.ගෙටත් එක්කන් ගියා.ඊට පස්සේ වාඩි කරවලා විස්තර එහෙම තාත්තාගෙන් අහනවා.මම නම් බලන් හිටියෙම කෑම වෙලාව එනකම්.ඔන්න ඔය වෙලාවේදී තමයි මම දැක්කේ කර්ට්න් රෙදි අස්සෙන් කෙල්ලෝ දෙතුන්දෙනෙක් හොරෙන් බල බල කොකම් පානවා.පස්සේ තමා දැනගත්තේ ඒ මනමාලිගේ නංගිලා කියලා.

මාමණ්ඩි කතා කරාට පස්සේ බුලත් හෙප්පුවත් අතින් අරන් ඔසරිය ඇඳලා ඇඹරි ඇඹරි ඔය ආවේ මනමාලි.කකුලක් ටිකක් කොටද කොහෙද පොඩි නොන්ඩියක් තිබ්බා!.

බුලත් හෙප්පුව මට දීලා පොඩි හිනාවක් දාලා ආයේ ගෙට ගියා.ඊට පස්සේ කට්ටිය දෑවැදි ගැන එහෙමත් කතා කරා.ඔන්න ඊට පස්සේ තමා මම බලන් හිටිය මොහොත උදා වුනේ!

මොනවා හරි කාල ඉමු නේ එහෙනම්!

මාමණ්ඩිය එහෙම අහද්දී මම පැනපු ගමන් අනේ හා මාමන්ඩියේ කිව්ව එක තාත්තට නම් ටිකක් අප්සට් ද කොහෙද! අනේ මට මොකෝ මගේ බඩගින්න නිවාගන්න මම එපෑ කන්න!

කෑම මේසේ තිබ්බ කුකුල් කරිය ඉස්සෙල්ලම බෙදාගත්තේ මම.ඊටපස්සේ කට්ටියම ඒකත් දාගත්තා!එහෙන් හොඳට කාලා අතුරුපසට කිරි පැණිත් කාලා ආයේ ආවා අපි.එද්දී අපේ මාමාල නැන්දලා මනමාලිගේ කොරේ ගැනයි කෑම වල රස අඩුවැඩිය ගැනයි කතා කර කර ආවේ පිටිපස්සේ ඉඳන්.මමනම් බලන් හිටියේ කොයි වෙලේ ගෙදර යයිද කියලා රෑට කන්න!

සති දෙකක් විතර ගියැයි කියමුකෝ දෑවැද්ද නිසා අපේ එවුන් ටික මනමාලිට කැමැත්ත පලකරලා එහෙට දන්වලා තිබ්බා මටත් පුරස්නයක් නැහැ.කසාදෙ දවසත් ආවා ලොකු හෝල් එහෙක තමා වෙඩිම ගත්තේ.කට්ටියට කතා කරන්න යන්න කියලා අපි දෙන්නට තාත්තා කිව්වා.මම නම් කිව්වේ අපි කාලම ඒක කරමු කියලා කොහේද මේ වයසක උන්දැලා හරි හිතුවක්කරයිනේ!.

කට්ටියව හම්බ වෙන්න මේසයක් මේසයක් ගානේ ගියා.අනේ ඒ යද්දී ඒ මේසවල් වල තියෙන කෑම,කටගැස්ම එහෙම දකිද්දී මගේ බඩගින්න සීග්‍රයෙන් ඉහල ගියා.ඔය කර්තවය ඉවර වෙලා ආපු ගමන් මම මනමාලිවත් ඇදගෙන ගියේ කන්න.

ශා කෑම ටික නම් පංකාදුයි.කිරි කජු මාළුව පට්ට,චිකන් කරිය අමුතුම විදියකට උයලා ග්‍රීන් පීස් දාපු රයිස් එක.අම්මේ... මගේ ආහාර රුචිය වැඩි කරා.හොඳට දාගෙන දෙපාරක් විතර කාලා වටලප්පන් හතරකුත් පොඩි එකෙක්ට කියලා ගෙන්වන් කෑවේ කෑම හරි සැරයි කියලා බොරුවකුත් කියලා.

හවස අපිට දෙවෙනි ගමන.ඒකත් හොටෙල් එකකම තමා ඩිනර් එක පට්ට බඩ පිරෙන්නම කාලා රූම් එකට ගියා.මගේ මනමාලි රතු සාරියෙන් නයිටියට මාරු වෙලා ලැජ්ජාවෙන් ඇඹරි ඇඹරි කොර ගගහා ඇඳට ගිහින් වාඩි වුනා.ඒ ඇඹරිල්ල එදා එයාව බලන්න ගිය වෙලේ තිබ්බ එකමයි.

එයා මගේ දිහා බලන් ලැජ්ජාවෙන් හිනා වේගෙන "  එන්නකෝ අනේ "    කියනවා.

මේකි මගුලක් කතා කරනවා!....මට මේ උස්මුරුත්තේ හැදෙන්න කාලා ඉන්න වෙලේ නිකන් ඉන්නත් බැහැ වගේ.

තව ටිහිකින් එන්නම් තමුසේ ඔහොම ඇලවෙලා ඉන්නවකෝ!

මම එහෙම කිව්වේ ඒකිගේ හිත සනසන්න එහෙම කියලා,ටීවී එක දිහා බලන් ඉද්දි මට දන්නේ නැතුවම නින්ද ගිහින්.ඇහැරුනේ උදේ 6ට!

නැගිටලා බලද්දී ගෑණි නැහැ බාත්රූම් එකෙත් බැලුවා නැහැ කොහේ හරි ඇවිදින්න යන්න ඇති කියලා හිතලා මම උදේ කෑම ඕඩර් කරලා වොෂ් එකක් එහෙම දාගෙන ආවා.ඕඩර් කරපු කෑමත් ගෙනත් තාම ගෑනි නැහැ.අනේ ඕකි කොහේ හරි ඉඳන් එන්නේ නැතෑ කියලා හිතලා මම හොඳට කාලා ඇඳට ගියේ හාන්සියක් දාන්න.

මෙන්න බොලේ ඇඳ උඩ ලියුමක්! මම ගෑණිව වැඩිය ගණන් ගත්තේ නැහැ කියලා ඒකි ගෙදර ගිහින් මදැයි වෙච්චි දේ!

මමත් තිබ්බ සකලමනාවල් ටික පැක් කරන් ගෙදර ගිහින් මේ ආයේ ගෑණිගේ ගෙදර යන ගමන්,බස් එකේ ඉඳගෙන ඇවිල්ලම බඩත් ගිනියි කියලා බැහැපු ගමන් හොටෙල් එකකට ආවා කන්න.කෑම ගේනකම් තමා මන් මේ සිද්දිය ඔන්න ඇදබෑවේ.කාලම යනවා ගෑණිගේ ගෙදරට අපි එහෙනම් පස්සේ හම්බ වෙමුකෝ!


                                                                              -නිර්මාණයක් පමණි!