111 ඔයාලා ක්‍රොස් වෙද්දී බබෙක්ගේ රූපයක් කාමරේ ගහගෙන ඉන්න එපෑ?

අපේ ගෙවල් පැත්තේ ඉන්නවා වයස 65ක විතර මනුස්සයෙක් නෝමන් කියලා මෙයාට සහෝදරවරු/වරියන් 11 දෙනෙක් ඉන්නවා.ඒ කාලේ මෙයාගේ අම්මයි තාත්තයි මේ ළමයි එකොලොස් දෙනාටම දාලා තියෙන්නේ "න" යන්නෙන් පටන් ගන්න නම්.

අද කතාවේ නායකයා  නෝමන් මාමා.මේ යකා ගාව තියෙනවා පියාජෝ ත්‍රී වීල් එකක්.අර ලොකු ත්‍රී වීල් ගුජු ගුජු ගගා යන්නේ ඩීසල් වලින්?

අන්න ඒකක්.නෝමන් මාමා හරිම පණ්ඩිත ඩයල් එකක් ඒ වගේම සල්ලි වලට හරිම කෑදරයි ඒක නිසා ඔය ත්‍රී වීල් එකේ කව්රු හරි දුර හයර් එකක් වැරදිලා හරි ගියොත් ගාන කපනවා ආයේ බෙල්ලෙන්ම.මේ යකා කියවන්න ගියාමත් එහෙමයි එයාට වඩා දේවල් දන්න කෙනෙක් ආයේ අපායේවත් නැහැ.

කොහේ හරි පාරක් අයිනේ කුණු ගොඩක් තිබ්බොත් කව්රුවත් පේන්න නැත්තම් ශේප් එකේ ඕක ඇදලා බලලා ගන්න පුළුවන් දෙයක් තියෙනවා නම් අරන් ගිහින් ත්‍රී වීල් එකේ එල්ලලා ඩෙකරේෂන් කරනවා.

අපේ ගෙවල් ගාව ඉඳං ටවුමට  ඕනෑම ත්‍රී වීල් එකක් ගන්නේ හයර් එක රුපියක් 120/=ක් වගේ තමා ඒත් නෝමන් මාමා ත්‍රී වීල් එක ලොකුයි කියලාත්,බජාජ් ඒවාට වඩා හදන්න වුනාම සල්ලි යනවා කියලාත් වැඩි පුර සල්ලි ගන්නවා.අනිත් ඒවා 120යි නම් මෙයා 150ක් ගන්නවා.වැරදිලා හරි ගිය එකෙක් ආයේ නම් මැරෙන්න පණ ඇද්දත් මෙයාගේ වාහනේට නම් නගින්නේ නැහැ.

දවසක් අපේ ගේ හොයාගෙන  ආපු මිනිහෙක්ව ගේ ඉස්සරහින්ම නග්ගගෙන පරංගියා කෝට්ටේ ගෙනියනවා වගේ වට පාරකින් ගේ පිටි පස්සේ පාරට ගෙනල්ලා  රුපියල් 100ක් අරන් තිබ්බා.

මෙයා ටවුමට  රුපියල් 150ක් ගන්නවා කියලා මම කලින් කිව්වනේ ඒත් දන්නවද මෙයා පාන්දරට ටවුමට ගෙනියන්න ගන්නේ රුපියල් 30යි.

පාන්දර හතරේ ඉඳන් වැඩට යන මිනිසුන්ව අදින මෙයා එක්කෙනෙක්ව  ටවුමට  ගිහින් දාන්න රුපියල් තිහයි ගන්නේ හැබැයි සැමන් පැක් කරා වගේ 8 දෙනෙක්වත් දාගන්නවා.එතකොට තිහේ ඒවා අටක් 

පාන්දර වෙලාවට බස් නැති නිසා ගොඩක් මිනිස්සු මේ සැමන් ටින් එකේ යනවා.තවත් සමහර වෙලාවට පිටි පැස්සේ දොරෙත් තුන් හතර දෙනෙක් දාගෙන යනවා එතකොට 10 දෙනෙක් විතර තිහ ගානේ ගෙවලා යනවා.හැබැයි ඔය පිටි පැස්සේ දොර කඩන් වැටුනොත් එහෙම ලොකු අනතුරක් වෙනවා දොරේ යන අයට.මම කවදාවත් එහෙම වෙන්න කියලා නම් හීනෙකින්වත් හිතන්නේ නැහැ.ඒත් නෝමන් මාමා කෑදර කමට ඔය වැරදි වැඩේ කරනවා.ඒ වගේම මෙයා ත්‍රී වීල් එකේ මිනිස්සු විතරක් නෙවේ අත් ට්‍රැක්ටරයක අදින බඩු වුනත් අදිනවා හැබැයි හයර් එක  ලොරියක ගානක් ගන්නවා.එක පාරක් බඩු ඇදපු එකෙක් ආයේ ජීවිතේට මෙයාගේ ත්‍රී වීල් එකේ නම් බඩු අදින්නේ නැහැ.

නෝමන් මාමා හරි චැටර් එක මෙයාගේ ලයිසන් එක අරන් තියෙන්නේ 1970 ගණන් වල බර වාහනවලට.මිනිහට ඕක ලොකු ආඩම්බරයක් කොයි වෙලෙත් කියන්නේ මගේ ලයිසොමටම දැන් අවුරුදු හතළිහක් වෙනවා කියලා.

මෙයා එක්ක ත්‍රී වීල් පාක් එකේ අනිත් ත්‍රී වීල් කාරයෝ තරහයි මොකද මෙයා අනිත් අයගේ හයරුත් බලෙන් ගන්න නිසා බොරු කියලා.

දවසක් පාක් එකට ආපු මිනිහෙක්ට නෝමන් මාමා කියනවලු තමාට ඒසී බස් එකක් සහ මෙවැනිම පියාජෝ ත්‍රී වීල් රථ තවත් දෙකක් තිබෙන බවත් ඒවා තමාගේ පවුලගේ ගමේ බවත් ය.

මේක අහන් හිටපු ත්‍රී වීල් පාක් එකේ එකෙක් නෝමන් මාමට කිව්වලු
නෝමන් මාමේ ඔයාට ඒසී බස් එකයි තව ත්‍රී වීලුයි තියෙනවා නම් මොන *ත්තකටද අපේ දුප්පත් හයර් ටික කඩන්නේ කියලා.

එවෙලේ නෝමන් මාමා හා හා තොපිලම මෙතන හයර් කරපල්ලකෝ මම එන්නේ නැහැ ආයේ මේ පාක් එකේ හයර් කරන්න කියලා වාහනෙත් ස්ටාට් කරන් ගිහින්.මෙන්න හවස ආයේ පාක් එකේ වාහනේ ගහන් ඉන්නවලු .


__________________________________________
තවත් දවසක් එක මනුස්සයෙක් මෙයාගේ ත්‍රී වීල් එකට අත දාල නැගලා වැඩ ඇරිලා ගෙදර යන්න.නෝමන් මාමා ඔය වගේ හයර් අතාරින්නෙ නැහැ ඒක නිසා මේ මනුස්සයව දාගෙන මේ මනුස්සයගේ ගෙදර ට ගිහින්.ඒ ගෙදර ඉන්නේ අර හයර් එක ආපු මනුස්සයාගේ තරුණ බිරිඳයි පොඩි  දරුවයි.මේ ළමයට පොඩි අංග විකල ගතියක් තිබිලා.මේක දැකපු නෝමන් මාමාට කට පියන් ඉන්න බැරුව අර මනුස්සයට  කියලා 
ඔයාලා ක්‍රොස් වෙද්දී කාමරේ බබෙක්ගේ රූපයක් ගහගෙන ඉන්න එපෑ කියලා.

මේක ඇහුන ඒ අයියට නහුතෙට මල පැනලා 
අයිසේ ක්‍රොස් වෙන්න අපි බල්ලෝ නෙවේ ඕයි කියලා

_____________________________________________
තවත් දවසක් අපේ ගෙදර ලැට් බටේ මගින් කැඩිලා ඒකට පස් පිරිලා බටේ හිරවෙලා තිබ්බා.මේ කැඩිච්ච තැන වෙනකන් මාසෙක විතර අසූචි බටේ පිරිලා තිබ්බා.මම හෙන ගේමක් දීලා බටේ ගලවලා ගත්තා කැඩිච්ච තැන හොයාගන්න බැරුව.බටේ තිබ්බ බඩු ඔක්කොම චරාස් ගාලා බිම ඉහිරුනා.

මේ ටික ගඳ නිසා මම සවලකින් පරණ ප්ලාස්ටික් බාල්දියකට දාලා ඒක උඩින් අපේ ගෙදර තිබ්බ කුණුයි පරණ සි.එෆ්.එල් ලයිට් වගේකුයි තව තව විසික් කරන ඉලෙක්ට්‍රිකල්ස්  බඩු වගයකුයි  දාලා අපේ ගේ ඉස්සරහා අයිනකින් තිබ්බා පහුවෙනිදට කුණු ගෙනියන වාහනේ එන නිසා.

පහුවදා උදේ මම බලනකොට මෙන්න බොලේ මේ අසූචි බාල්දිය හොරු ගෙනියලා තිත් දෙකයි ඩියන්න.

දවස් දෙක තුනකට පස්සේ මම මොනාට හරි වැඩකට නෝමන් මාමලාගේ ගෙවල් පැත්තෙන් යද්දී අර බාල්දිය නෝමන් මාමගේ වත්තේ කෙලවරේ විසි කරලා තියෙනවා දැක්කා.

__________________________________________
මේ ලඟකදී නෝමන් මාමා බඩේ ගල් වලට පොඩි ඔපරේෂන් එකක් කරලා ඉස්පිරිතාලේ නවත්වලා.මොනා වුනත් ගමේ පරණ මනුස්සයනේ.ඒක නිසා මමයි අම්මයි ගියා පොරව බලන්න පොරත් ඇඳේ ඉන්නවා මාළු කඩේ සාලය වගේ.අපිව දැකපු ගමන් මිනිහා අමාරු පාට ඩබල් කරගෙන කෙඳිරි කෙඳිරි ගගා "ආ උඹලා ආවද බලපන් ළමයිනේ මගේ කොන්දට මුන් ඉන්ජෙක්ෂන් ගැහුවනේ" කියලා සරම කඩලා පෙන්නපිය.

අඟල් දෙක තුනේ ශෝටක්වත් ඇඟේ නැහැ තව අඟල් දෙක තුනක මොකක්ද එකක් බෝල දෙකකුත් එක්ක තිබ්බා වැහැරිලා වගේ.අම්මා ක්ෂේනිකව අහක බලාගත්තා මටත් ලැජ්ජයි වගේ හරි කුජීතයි.ළඟ හිටපු නර්ස් අක්කා අනිත් ඇඳ පැත්තට හැරුනේ ඊයක් වගේ.ඒ වුනාට මම දැක්කා එයා ආපහු හොරෙන් නෝමන් මාමා දිහා බලනවා.

නෝමන් මාමාගේ වයිෆුත් ලැජ්ජාවේ ඇඹරි ඇඹරි අතින් සරම හදනවා.

___________________________________________
පහුගිය වෙසක් එකට අපි කොල්ලෝ සෙට් එක එකතු වෙලා  ගමේ බත් දන්සැලක් දුන්නා ඕකට නෝමන් මාමා අනිත් අයට පේන්නත් එක්ක බැහැලා වැඩ කරා අපිත් එක්ක හරි හරියට.කුස්සිය වගේ හට් එකක් ගහලා ගෑණු,පිරිමි බරටම වැඩ ඕකේ.නෝමන් මාමා ත්‍රී වීල් එකේ බඩු ගේන්න හට් ගෙන්න මාර විදියට සප් එක දුන්නා.ඒ මදිවට මෑන්ගේ පණ්ඩිත කමට ගෑනුන්ට උයන හැටි කියලා දෙන්න ගිහින් කව්දෝ ඇන්ටි කෙනෙක් බැනලා එළවලා තිබ්බා.ටිකෙන් ටික රෑ වෙද්දී කුස්සිය කළුවර නිසා ඉලෙක්ට්‍රිකල් වැඩ දන්න එකෙක් ඇවිත් වයර් ඇදලා ලයිට් එකක් එහෙම ඇදලා දීලා ගියා.ඒත් පස්සේ කාගේ හරි අතින් මොකක් හරි වැදිලා ඔය ලයිට් එක නිවිලා.එවෙලේ අපි කොහෙට හරි ගිහිල්ලා නිසා කට්ටිය නෝමන් මාමටා කියලා පොඩ්ඩක් බලන්න කියලා.

නෝමන් මාමත් පුළුවන් විදියට දන්න දන්න ඒවා කරලා ඒත් හරි ගිහින් නැහැ.ඔතන හිටපු ගෑණු කෙනෙක් මට කෝල් එකක් දුන්නා ටක් ගාලා ඇවිල්ලා මේක හදලා දෙන්න කළුවරයි කියලා.

මම එද්දී නෝමන් මාමයි තව වයසක පිරිමි දෙන්නෙකුයි ඉන්නවා කයියක් දාගෙන.මම ගිහින් බැලුවා මොකද වෙලා තියෙන්නේ කියලා.බැලින්නම් ෆියුස් එකක් ගිහින්.

දඩිබිඩි ගාලා වයර් කෑලි දෙකක් අමුනලා ඒක හැදුවත් කුස්සියේ ලයිට් එක පත්තු වෙන්නේ නැහැ.මටත් දැන් චාටරේ වගේ මොකද මම වැඩ්ඩා වගේ ඇවිල්ලා අරක හැදුවනේ.

බැලුවා බැලුවා ලයිට් එකත් ගලවලා බැලුවා හොයාගන්නම බැහැ හේතුව.පස්සේ ලයිට් එකට එන වයර් දෙක දිගේ බලන් යද්දී එක තැනක ජොයින්ට් එකක් තියෙනවා.ඒ ජොයින්ට් එකේ නිව්ටල් එකයි ලයින් එකයි කව්රු හරි එකෙක් ෆියුස් බෝඩ් එකේ ඉඳන් එන වයර් දෙකේ ලයින් එකට අමුණලා.මම ටක් ගාලා ඒක ගලවලා ආයේ නිව්ටල් එකේ වයර් එක නිව්ටල් එකටත් ලයින් එකේ වයර් එක ලයින් එකටත් ඇමිණුවා එවෙලේ නෝමන් මාමා ළඟ හිටපු වයසක අංකල් කෙනෙක් ඇවිත් මගෙන් ඇහුවා මොකද කියලා.

මං තුමාගේ උත්කෘෂ්ට සිතුවමක්,(අපිටත් පුළුවන් ඈ චිත්‍ර අඳින්න හහ්)

මම කිව්වා බලන්නකෝ අංකල් මේ කව්ද බුරුවෙක්‌ නිව්ටල් එකයි ලයින් එකයි එකම වයර් එකට දීලනේ.

අංකල් කාරයත් කට තියන් ඉන්න බැරුවට වයර් එක වැරදියට අමුනපු එකාට බැන බැන හිටියා මී හරකෙක්නේ,මහා මෝඩ මිනිහෙක් වෙන්න ඇති,ඔන්න ඔය වගේ මට මතක නැති නම් වගයක් කිය කිය .ඒ වෙලේ නෝමන් මාමා ටිකක් එහාට ගියා.

පස්සේ මම ලයිට් එක දාලා දීලා එලියට යද්දී නෝමන් මාමා මගෙන් ඇහුවා මොකද වුනේ කියලා.

මම කිව්වා බලන්නකෝ නෝමන් මාමේ කව්ද බුරුවෙක්‌ වයර් දෙකම එකට අමුනලානේ කියලා.

නෝමන් මාමා කියනවා 
"කෑගහන්න එපෑ යකෝ මමයි වයර් දෙක එකට ගැහැව්වේ පත්තු වෙන්නේ නැති නිසා" කියලා.

ලයිට් එක අතක් වැදිලා හෙල්ලුන නිසයි නිවිලා තියෙන්නේ.නෝමා ලයිට් එක තද කරන්නේ නැතුව වයර් දෙක එකට ජොයින් කරලා.ඒකයි ෆියුස් එකත් ගිහින් තියෙන්නේ :) ___________________________________________
මේක නම් වෙලා ටිකක් කල් 
ඔය නෝමන් මාමාට ලැජ්ජාව කියන එක වැඩිය ගෑවිලා නැහැනේ.මං හිතන්නේ ලැජ්ජා නහරේ කැපිලා නැත්තම් කුපාඩි කම වෙන්ටෑ.

මෙයාට හදිසියෙවත් මුත්‍රා අඩස්සියක් ඇති වුනොත් එහෙම කිසි බයක් ලැජ්ජාවක් නැතුව ඕන පාරක් අයිනේ ත්‍රී වීල් එක නතර කරලා තාප්පයක් වේවා,වැටක් වේවා ඕන මඟුලක් තෙමනවා.

මෙයා ත්‍රී වීල් එක ගහගෙන ඉන්න හන්දියේ වත්තක් තියෙනවා ටිකක් ලොකු,දවසක් මෙයා ඔය වත්තේ වැටට මුත්‍රා පාරක් දාගෙන ඉද්දි ඔය වත්තේ ගෙදර මනුස්සයා ඒ වත්තට ආපු ගැරඬියාට භූමිතෙල් ගහලා එළවලා.භූමිතෙල් වැදුන ගැරඬියා හුසේන් බෝල්ට්ටත් වඩා වේගෙන් දුවගෙන ඇවිත් තියෙන්නේ නෝමන් මාමා මුත්‍රා කර කර හිටිය පැත්තට 

නෝමන් මාමා පණ්ඩිතයා වුනාට සර්පයන්ට හරිම බයයි.

ගැරඬියා එනවා දැකපු නෝමන් මාමා සිප් එකවත් වහගන්නේ නැතුව චූ පෙරී පෙරී දුවන්න පටන් අරන් පාර දිගේ.ගැරඬියාත් ඔය පාරේම නෝමන් මාමා ගිය පැත්තටමයි ඇවිත් තියෙන්නේ.නෝමන් මාමා හිතලා තියෙන්නේ නෝමන් මාමගේ පස්සෙන් එනවා කියලා අහවල් මෙව්වා එකත් එළියේ දාගෙන කලින් කිව්වා වගේ චූත් පෙරී පෙරී මීටර් 50ක් විතර දුවන් ඇවිත් හරි ජුගුප්සාජනක දර්ශනයක් පෙන්වලා එවෙලේ පාරේ හිටපු අයට.කලිසමේ චූ එහෙන්,මෙහෙන් මිනිස්සු හිනා වෙනවා නෝමාට මළ පැනලා වහනෙත් ස්ටාට් කරන් ගෙදර ගිහින්.සමහරු නම් අදටත් හිනා වෙනවා ඔය සීන් එකට.