85 පණ යන්නේ ජනේලෙන්ද?

මේ ලඟකදී මගේ යාළුවෙක් බස් එකේ යද්දී එක මනුස්සයෙක් පනා විකුනනවලු.ඔව් ඔව් අර කොන්ඩේ පීරන ඒවා තමා.හැබැයි මේවා එසේ මෙසේ ඒවා නෙවේ ටිකක් ස්පෙෂල් පනා!.

මේ පනාවල විශේසත්වය තමා මේවා කොච්චර නැව්වත් කැඩෙන්නේ නැති එක.ඉතින් මේ මනුස්සයා පනා නව නව කියනවලු ගන්න මහත්තයා කැඩෙන්නේ නැති පනා මේවා කිය කියා.ඔහොම බස් එකේ ඉස්සරහා ඉඳන් පස්සට එද්දී මිනිහගේ අතින් එක පනාවක් නවන්න ගිහින් කැඩුනලු.

"මෙන්න බලන්න මහත්තයා කැඩෙන්නේ නැති පනාවල
ඇතුල් පැත්ත"
කියලා ගාණක් නැතුව  මිනිස්සුන්ට පෙන්වලා පිටි පස්ස දොරෙන් ශේප් එකේ බැහැලා ගියාලු.
-------------------------------------------------------------------------------------------------------

මේක නම් වෙන කතාවක්.අර ඇම්ඩාගේ ලාම්පු ගිල්ල කතාවේම වර්ෂන් එකක්.අහලා නැතුව ඇති කියලා හිතුන නිසා ලියනවා.

ඔන්න දවසක් එක ඉස්කොලෙකදී 2 වසර පන්තියේ ළමයින්ට සර් කෙනෙක් උගන්වනවලු බොහොම සරලව ආත්මය ගැනත්,ශරීරය ගැනත්.මේ සම්බන්ධව කරුණු ගොඩක් කියලා දීලා මේ ගුරුවරයාට දැනගන්න ඕන වුනාලු තමන් උගන්වපු දේ මේ ළමයින්ට තේරුම් ගිහින්ද කියලා බලන්න.


ඉතින් පන්තියේ ඉන්න ළමයින්ගෙන් ඇහුවලු
"ළමයි කියන්න බලන්න පණ යන්නේ කොහෙන්ද කියලා?"

ගුරුවරයාට දැනගන්න ඕනේ වුනේ පණ යන්නේ ශරීරයෙන් කියලා පිළිතුරක් ලැබෙයි කියලා.ඒත් එක ළමයෙක්වත් සද්දයක් නැහැල්ලු.තමන් කියලා දුන්නු දේවල් තේරුනේ නැති වුනා කියලා හිතුනම හැඟෙන විදිහ ඩූඩ් සර් නම් දන්නවා ඇති.ඉතින් මේ ගුරුවරයාත් ටිකක් අප්සෙට් එකෙන් බලන් ඉද්දි එක ළමයෙක් නැගිටලා කිව්වලු

"සර් පණ යන්නේ ජනේලෙන්" කියලා.

මේ පිළිතුරෙන් අන්ද මන්ද වුනු ගුරුවරයා ඇහුවලු ඒ කොහොමද කියලා.

අර ළමයා කිව්වලු.
සර් මේ ලඟකදී රෑ මට ඇහුනා අක්කාගේ කාමරේ ඇතුලෙන් අක්කා කියනවා
"අනේ පණ ඔයා ඉක්මනට ජනේලෙන් එලියට යන්න"කියලා !