130 අමතක වීම!

අපේ පැත්තේ පොරක් ඉන්නවා මේකා ඉස්සර කරන්න පුළුවන් හැම ජහජරා වැඩේම කරලා දැන් පවුල් පන්සල් වෙලා ඉන්නේ.ඉස්සර මේ යකා වැඩි හරියක් ඉන්නේ හිරේ ඒ වුනාට හිත හොඳයි දැනටත් රාගම නොදන්න එකෙක් නැහැ මෙයාව.පොරට වැඩි වයසකුත් නැහැ මම හිතන්නේ අවුරුදු 30ක් විතර ඇති.පොර මාත් එක්කත් ටිකක් ෆිට්.

බඹා කොටපු විදියට මිස් කෝල් එහෙකින් මෙව්වා වෙලා මේ යකාට හෙන දුර ගමකින් කෙල්ලෙකුත් සෙට් වුණා.කෙල්ලට 19යි කොහොම හරි බර දවසක් ආශ්‍රේ කරලා අන්තිමට පවුල් පන්සල් වුණා.පොර ඊට පස්සේ ටිකක් වගකීම් සහිත පොරක් වුණා.දිනපතා කුලී වැඩක් කරලා කීයක් හරි හොයලා ගෙදරට මොන මොනා හරි කරන්න පුරුදු වුණා.


ඔහොම සාමයෙන් සමගියෙන් කාලේ ගෙවිලා යද්දී පොරට සුභ ආරංචියක් ආවා ඒ කිව්වේ පොර තාත්තා කෙනෙක් වෙන්න යනවා.මට මේ ලඟකදී රාගම ඉස්පිරිතාලේදී පොරව හම්බ වුණා.

ආහ් නිශාන් මලයා කොහෙද ගියේ?

**න් අයියා මම මේ මාමා බලන්න ආවා තමුසේ මොකද මෙහෙ?

මම තාත්තෙක් වුණා බන්.පොර හෙන සන්තෝෂෙන් කිව්වේ.

ශා මරුනේ කොල්ලෙක්ද?

ආයිත් අහලා චන්ඩියෙක් බන්.

එහෙනම් ඉතින් **නා ගොඩ ඈ.එළකිරි අපෙනුත් මොනා හරි වෙන්ඩ ඕන්නම් කියන්න ඕන ඈ.

අනිවා අනිවා නිසා.මේ ඒක නෙවේ මගේ පලවෙනි දරුවනේ.(පොර එහෙම කිව්වේ තව හතරක් පහක් බලාපොරොත්තුවෙන් වගේ.)ඒක නිසා ඔන්න හෙට රෑට අපේ ගෙදර පොඩි පාටියක් දානවා උඹ එන්නම ඕන හරිද?.

පොරගේ ගෙදරටවත් වැඩිය ගිහින් නැති වුනාට ඒ ඉල්ලීම එවෙලේ අහක දාන්න බැහැනේ ඉතින් මාත් එන්නම් කිව්වා.කොහොම හරි පහුවෙනිදා හැන්දෑවේ මම පොරගේ ගෙදර ගියා.පොර පොඩි එකාවයි වයිෆ් ගාවටයි මාව එක්කන් ගියා.අනේ හරි ෂෝක් පොඩි එකා රෝස පාටයි.පොරටත් හෙන සන්තෝෂයි.මම ඉතින් ගෙනියපු ඒවා පොරගේ අතට දීලා පොඩි එකාව පොඩ්ඩක් හුරතල් කර කර ඉද්දි ඔන්න තව පොරගේ යාළුවො තුන්දෙනෙක් ආවා.

බලද්දී පොර පාටිය කියලා තියෙන්නේ මටයි යාළුවො දෙතුන්දෙනෙක්ටයි විතරයි.

රෑ වෙද්දී කොහොම කොහොම හරි කට්ටියට සූර් මට නැතුව මොකද මම බිව්වේ නැහැනේ.මම මුන් ටිකගේ කයිවාරුව අහගෙන හොර කොට කොට හිටියේ.දැන් පොරටත් හොඳට වෙරි මේ යකා දැන් දොඩවනවා.

මම ඉස්සර කුඩු ගැහුවා! ඊට පස්සේ ඒක නවත්වලා ගංජා ගැහුවා දිල්කි එක්ක යාළු වුනාම ඒකත් නැවැත්තුවා(දිල්කි කියන්නේ වයිෆ්). පස්සේ හොරෙන් හොරෙන් පැණි ගැහුවා දැන් ඒකත් නවත්තලා තියෙන්නේ.බලපන්කො බොරුද කියලා ළමයා හම්බ වුනාට පස්සේ මම බොන එකත් නතර කරනවා අම්මපා.
_____________________________________________________________________
කතාව මීටර් වුනේ නැත්තම් කොමෙන්ටුවක් දාලා යන්නකෝ!