23 හොදම බඩ,හොදම තට්ටය,හොදම හිනාව,හොදම බොරුව

මේක පරණ කතාවක් අවුරුදු කාලෙක වෙච්ච දෙයක් නිසා ලියන්න හිතුනා.අපේ  කොළබ ඉන්න එක පත්තර මාධ්‍ය වේදියෙක්  අවුරුදු නිවාඩුවට මිනිහගේ ගමට ගියාලු.ගමත් ටිකක් පිටිසර ඈත ගමක්ලු,



මේ ගමේ කස්ටිය සංවිධානය කරලා තිබුනලු අවුරුදු උත්සවයක්.මේක ටිකක් ලොකුවට කරන්න තමාලු සංවිධායක මණ්ඩලේ අධිස්ඨානේ.ඉතින් ගමේ ඡන්දෙන් පත්වුණ ඒ පළාතේ ප්‍රධාන අමාත්‍යවරයාව ගෙන්නන්න කට්ටිය සැලසුම් කරාලු.ගමෙන් තේරුණා වුනාට දින්නට පස්සේ ආයේ ගමක් තිබ්බද කියලවත් බලන්නේ නැති පොරක් තමාලු මේ අමාත්‍යවරයාත්.ඒත් ඉතින් මේ වගේ වැඩකට නෑවිත් බැහැනේ.ආයේ ඡන්දයක් එද්දී මූනූ පොඩ්ඩ ගමේ මිනිස්සුන්ට මතක තියෙන්න මොනවා හරි කරන්න ඕන නිසා අමාත්‍යතුමාත් කැමති වුනාලු.


මුලින් කිව්ව මාධ්‍යවෙදියාට ආරාධනාවක් හම්බ වුනාලු මේ අවුරුදු උත්සවය විනිශ්චය කරන්න.කොළබ ඉදන් ආපු පොරක් හින්දත් අනික මෑන් යමක් කමක් දන්න උගතෙක් නිසාත් ගමේ මිනිස්සු අවුරුදු උත්සවය විනිශ්චය කරන්න එන්නමයි කියලා මෑන්ට කිව්වලු


මේ වගේ දේකට බැහැ කියන්න බැරි හින්දත් අකමැත්තක් නැති හින්දත් අපේ මාධ්‍යවේදියා වැඩේට කැමති වුනාලු.


ඔන්න දැන් අවුරුදු උත්සවය පටන් ගන්න දිනයත් ආවලු ඒත් අපේ මාධ්‍යවේදී තුමාට පොඩි වැඩක් හින්දා පොල්තෙල් පහන පත්තු කරන වෙලාවත් පහුවුනාට පස්සේ තමාලු එන්න වුනේ.මෙයා යද්දී සංවිධානේ කට්ටියත් මග බලාගෙන ඉන්නවලු.ඒ පොල්තෙල් පහන පත්තු කරන්න දෙන්න නෙවේ තරග විනිශ්චය කරන්න දෙන්න.මොකද වෙන එකෙක්ට එන්න කියලත් නැහැනේ.


මේ වෙනකොට අමාත්‍ය තුමා සහ ආරාධිත අමුත්තෝ පොල්තෙල් පහන පත්තු කරලා ඉවරයිනේ.ඒක නිසා මාධ්‍යවේදී තුමාට අමාත්‍ය තුමාව දකින්න ලැබිලා නැහැ.


වැඩේ ජයටම කෙරීගෙන යනවලු,මාධ්‍ය වේදී තුමා දැක්කලු මේ අවුරුදු උත්සවයේ ගොඩක් දක්ෂකම් තියෙන කෙනෙක්ව,මොන දේ කරත් මෑන්ට හිත යන්නේ අර මිනිහා දිහාටමලු


කොහොම හරි එනවුන්ස් කරන එකා ඒ මිනිහට කියන නම අහගෙන අපේ මාධ්‍යවේදී තුමත් විනිශ්චය අගේට කරන් ගිහින්.




දැන් හවස් වෙලා අවුරුදු උත්සවේ ඉවර වෙන්න තෑගී බෙදා දීමේ උත්සවය තියන්නලු යන්නේ.


සංවිධායකවරු අපේ විනිශ්චය කාරයට වේදිකාවට එන්න කිව්වලු ජයග්‍රාහකයොන්ගේ නම් කියලා තෑගී දෙන්න


විනිශ්චය කාර තුමත් වේදිකාවට නැගලා මයික් එක අල්ලං කතාවක් කරලූ


මං කොළබ හිටියට හැමදාමත් හිතින් ඉන්නේ මේ ගමේ මෙහෙ වගේ එහෙ සිරියාවක් නැහැ අනික මේ ගම්වල ගොඩක් දක්ෂයෝ ඉන්නවා.බලන්න අද තරග කිහිපයක්ම දිනලා එකම තරග කරුවෙක්.විශ්වාස කරන්න මං වෙන කිසිම අවුරුදු උත්සවයක මෙහෙම කෙනෙක්ව දැකලා නැහැ.ඔයාල සතුටු වෙන්න ඕන අපේ ගමේ මෙහෙම දක්ෂයෙක් ඉන්න එක,

• හොදම බඩ
• හොදම තට්ටය
• හොදම හිනාව
• හොදම බොරුව        

මේ තරග 4ම  ජයග්‍රහණය කරලා තියෙන්නේ එක්කෙනෙක් 
 ඒ තමයි   ********   **********


අපේ විනිශ්චය කාර තුමා නම කියපු ගමන් වේදිකාවෙන් පල්ලෙහා බලන් හිටපු මිනිස්සු සමහරක් දෙනා කට අල්ලන් හිනා වෙනවලු,තවත් කට්ටියක් විනිශ්චය කාර තුමා දිහා කන්න වගේ බලන් ඉන්නවලු.


මෑන්ට හිතුනලු මොකක් හරි අවුලක් ඇති කියලා ඒක නිසා මෑන් වේදිකාවේ හිටපු සංවිධායක බුවෙක්ගෙ කනට කරලා ඇහුවලු  ඇයි මල්ලි මොකක් හරි අවුලක්ද? මොකද මේ කට්ටියක් හිනාවෙන්නේ තව කට්ටියක් රවන් ඉන්නේ කියලා


සංවිධායක බුවා කිව්වලු 
විනාශයි මහත්තයා ඔයා කිව්වේ අපේ ඇමති තුමාගේ නමනේ කියලා
!@#$%^&*()