137 ගම්පහ ගෙට්ටුවේ ආතල්!

මුලින්ම කියන්න ඕන දුක හිතුන කතාව.ඒ තමයි මම මඩිස්සලේ නිශාන් කිව්වමත් කව්රුත් මාව දන්නේ නැති වීම :D තවත් සමහරු මඩිස්ස කියන එකක් අහලත් නැහැ.

මම පරක්කු වුන නිසා කට්ටිය අඳුනා ගැනීම මඟ හැරුනා.ගේට්ටුව ගාවට එද්දී සමියයි,මාව කලින් දැකල තියෙන කම්මලයයි ටිකට් ටිකට් කඩනවා.ටිකට් එක දෙන්න සමියා මගේ නම හොයනවා ලිස්ට් එකේ.ඒ අස්සේ ඌ අහනවා මඩිස්සලේ කියන එකට මුලට එන්නේ මයන්නද කියලා.පස්සේ මන් මගේ නම හොයලා දීල ටිකට් එකත් ගද්දි සිරා එතනට ආපු නිසා සිරා අයියගේ ඇන්ටික් ස්කූටියේ නැගලා එන්න චාන්ස් එකක් හම්බ වුනා.


ස්කූටියෙන් ඇවිත් බහිද්දී මුලින්ම දැක්කේ ඝෝසා කරමින් සිටි මාළු කඩේ මාළු මුදලාලිලා මෙන් සෙට් එකකි.ඉස්සරහටම ආවේ සෑමා.මාව දැකල හිනාවක් දාලා කව්ද කියලා ඇහුවා.මම නම කිව්වාම සෑමා කින්ඩි හිනාවක් දාලා මාව පිළිගත්තා.

සෑමා කොහෙද ගියායින් පස්සේ කට්ටිය මැද්දේ මම තනිවුනා.හැමෝම ගැන්සි ගැසී කතාව.අඳුරන මූණවල් හොයද්දි ලාවට වගේ මීටර් මූණක් දැක්කා.දෙයියනේ සුදීක අයියා.ලඟට ගිහින් කතා කරාම මාව පිලි අරන් මුලින්ම කිව්වේ මන් පොඩි එකෙක්නෙ කියලා.හිතන් ඉඳලා තියෙන්නේ මන් හෙන ලොකු එකෙක් කියලා.

සිරා කිහිප වාරයක්ම හඬ නගා කතා කිරීමෙන් පසුව කට්ටිය සිරා පසු පස ඇදුනේය.කපල් දැක සුදීක අයියා ඔවුන් ගැන ගුණ ගායනා කරා අපිත් එක්ක.පස්සේ සිරා අයියා බිම තිබ්බ මුලක් ගාවට ගිහින් මොනවද මන්දා පැය කාලක් විතර කියෙව්වත් මුකුත් ඇහුනේ නැහැ කට්ටිය කින්ඩි කතා කිය කිය හිනා වුන නිසා.

ඊට පස්සේ සූටි වටයක් මල් වත්තේ ගිහින් හිටපු තැනටම ආවා.මල් වත්ත කිව්වට එකේ මල් නැත්තේය.ඇත්තේ විශාල රබර් ගස් හා කපල්ස්ය.ඉන් පස්සේ ක්‍රිකට් ගහන්න කට්ටිය බෙදුවා.ටීම් එකට දෙන්නයි.කැමති එකෙක් තෝරාගන්න කිව්වම මම ළඟ හිටපු සෑමට යෝජනා කරා සෑමා එක පයින් මට කැමති වුනා :).පස්සේ නම් දුන්නට පස්සේ සෑමා නංගිලා දෙන්නෙක් ගේන්න තියෙනවා කියලා මාරු වුනා.

ක්‍රිකට් ගේම නම් ෆන් කට්ටිය ෆීල්ඩ් කරද්දී ගෙඩි පිටින් 22ක් පිට්ටනියේ.අම්පයා සුදීක අයියා.මුලින්ම ආපු උඩ පන්දුව කරුමෙට මගේ පැත්තටම ආවා.මම ඒක අත ඇරියේ බැට් කරපු එකාගේ මුහුණේ දුක්බර පෙනුම නිසාය.දෙවෙනි එක අත ඇරියේ මට ටෙනිස් බෝලවලින් සෙල්ලම් කරලා පුරුදු නැති නිසා.අපි ගමේ වෙලේ සෙල්ලම් කරන්නේ ලෙදර් බෝලෙන්නේ.

කැච් දෙකක්ම අත ඇරපු නිසා මම හෙන ලැජ්ජාවෙන් හිටියේ ඒත් මාව ලැජ්ජාවෙන් බේරිමට නාඩියා,සෑමා,සහ තවත් කිහිප දෙනෙක් තරඟෙට මෙන් කැච් මිස් කළේය.ඒ වෙනකොටත් මාව කව්රුත් වැඩිය දන්නේ නැහැ :(.

සෑමා සහ මම ඇතුළු අපේ ටීම් එකේ බෝලින් හා බැටින් සුපිරිය.මම දිල්ස්කූප් එකකුත් ගැහැව්වා සුදීක අයියා සාක්කි.සෑමා අන්තිමට කීපිනුත් කරා වැනි වැනි.

රජා කුජීත චරිතයක් වුනාට බ්ලොග් ලෝකෙදි,ඉතා අහිංසක කොල්ලෙකි.ලැජ්ජාවෙන් ඇඹරි ඇඹරි ගස් වලට මුවා වෙමින් සිටියේය.දේවාත් සුදීක අයියා මෙන් මා පොඩි එකෙක් බව මගේ මුහුණ බලන් පැවසුවාය.

කට්ටිය නැටුම් තෙල් හිස ගාද්දී මටත් ඇරයුම් ලැබුනේය.මම පොඩි එකා නිසා පැත්තකට වී සිටියේය.හිස තෙල් ගෑ උදවිය නම් මට කියලා අයිස් කැට කුඩු කරගත්තේය.මා හොරෙන් හොරෙන් සැන්ඩි වලටද වැඩ දුන්නේ කාටත් හොරෙන්ය.

වී අයියා නම් හරිම අහිංසක මනුස්සයෙක්.පස්සේ වේලාසන ගියා වී අයියගේ බෝලින් නම් සුපිරි.සිරාගේ බයිසිමොටෝව උඩ සිට වීයා ජායාරූපකරනීය වුනේය.නලින් අයියා වයසයි වයසයි කිව්වට කියන තරම් වයසක් පෙනුනේ නැත.විස්සේ කොල්ලෙක් මෙන් මට නම් පෙනුනේ.හැමෝවම වැළඳගෙන ඉතාමත් උණුසුම් ලෙස අගය කළා.

සුමිත් නිරිඇල්ල අයියා නම් මා එක්ක වැඩිය කතා කරේ නැහැ එත් එයාගේ කව්බෝයි තොප්පිය කට්ටිය තොප්පි පාස් කරන්න අරන් තිබ්බා.සුදීක අයියා සුද්දා වගේ හැමොත් එක්කම කතා කරා.නිරහංකාර චරිතයක්.

සිරා අයියා ගොඩක් මහන්සි වෙලා තිබ්බා සංවිධානය කරන්න.එවේලේත් දුවලා පැනලා කට්ටිය එකතු කරගෙන තරඟ තිබ්බේ.සෑම් නම්  බ්ලොගේ සිටින සෑමාම තමා ඊටත් වඩා කුජීතයි.අන්තිමට අපි නොදන්නා සින්දුත් තනු දාලා ගී ගයලා බ්ලොග් කාරිනියක්ව පරදා දැමුවා.ඒ සින්දු එවෙලේ නිර්මාණ වුන ඒවා කියලා පස්සේ ආරංචි වුනා.එත් ගායනය සමඟ රංගනය නම් අපූරුයි සෑමාගේ.

තරියා හිතුවට වඩා කෙට්ටුයි.බුකියේදී අතිජාත මිතුරෝ එවෙලේ කතාවත් කරේ නැහැ.සම වයසේ ෆිට්ම උන්ට හිටියේ සමියා,ජින්ජිබිරිස්,රජා,ගවේෂක පමණි.අනිත් උන් කතා කරේ පොෂ් අය එක්ක විතරද කොහෙද.චමියා සමඟ අටමා කොහෙන්ද මන්දා පාත් වී කන සාක්කුවට වැටෙන කම් නැටුම් තෙල් හිස ගෑවාය.රෝස පාට ටොප් එකක් ඇඳන් ගෑල්ලමයෙක් හිටියා.හැමෝම දුරින් ඉද්දි බැලුවේ එයා දිහා කියලා තමා ආරංචි හවස අන්තිම මොහොතේදී මගෙන් ඇවිත් අහනවා මම මඩිස්සලේ නිශාන්ද කියලා මම ඔව් කිව්වම ඒ ශම්මිලු.යකෝ කලින් කියන්න එපැයි බුදු බොක්කක්නේ මේ ඉඳලා තියෙන්නේ.සිත්තමි අක්කත් මාව හොයාගෙන ඇවිත් කතා කරා.අපේ සෙට් එකේ අය කෝ කියලා තමා ඇහුවේ.

ඇත්තට අපේ සෙට් එක කව්ද කියලා මටත් එවෙලේ වැටහුනා.අනේ උනුත් හිටියා නම් කියලත් හිතුනා ඒත් කොහෙද ආවේ නැහැනේ සමහරු ආපු උනුත් මාව අදුරන්නෙත් නැහැ.අටමාගේ ස්තුති කතාව නිසා ශම්මි කුජීත වුනා කියලා තමා ආරංචි වුනේ.ඇත්තට ශාම්මිගේ මූණෙන් එච්චරට තෙල් බේරුනාද අෆ්ෆා?.මට නම් මීටර් නැහැ :D

රෙපාත් මා එක්ක වැඩිය කතා කරේ නැහැ අනේ මන්දා.ඕනමැන්ටල් ලියන ඕනයාට නම් රියල් එකටම මැන්ටල් :).නැටුම් තෙල් හිස ගාන වෙලාවේ පිටසක්වල ජීවින් ගැනත් වාදයක් ගියා.

මට නම් ෆොටෝ ගන්න හම්බවුනේ නැහැ වැඩිය.දෙක තුනක් තිබ්බා .

පොඩි සැට් එක වැඩ අල්ලයි සහ සෑමාගේ මරුටිය.

ශේප් එකේ දාලා දියන් කියලා රජා පැත්තකට වී.

ෆොටෝ බ්ලොග් වල නම් දාන්න එපා කිව්වා.

ඔය උඩ ෆොටෝ දෙකේ රතු පාට කමිසයක් පේන්නේ කාගේද දන්නේ නැහැ.එත් කට්ටිය කිව්වේ සිරා ඇඳන් හිටියෙත් රතු ටී ෂර්ට් එකක් කියලා.

කෑල්ලක්වත් නැද්ද මන්දා(වීයා)

සිරාගේ වන්ඩිය

ආතල් නම් කෝටියයි.ඒත් මගේ සැගවුණු කුසලතා එලි දක්වන්න බැරිවීම ගැන කනගාටුයි.ආයේ ගෙට් එක තියෙන්නේ අප්‍රේල් 21. ආපු නැති අය ඒකටවත් එයි කියලා බලාපොරොත්තු වෙනවා.වැඩි විස්තර පස්සේ පස්සේ කියයි.


ප.ලි
රෑ ගෙදර ගියාට පස්සේ කෝල් එකක් ආවා.
මචන් මම චමියා එක්ක ආවා.ඌට වැඩිද මන්දා බන් බයික් එකත් හප්පගන්න ගියා.අපි දැන් ආයේ බොනවා බන්.

අද දවල් ආයේ කෝල් එකක්.
මේ මම ඊයේ මොනවද බන් කියෙව්වේ.චාටර් වුනාද?.මට ඊයේ අන්තිමට මොනවත් මතක නැහැ බන්.උඹ අපි එක්කද ගෙදර ආවේ?.මම අවුල්ද?

මට මේ දෙපාරක් කෝල් කරේ කව්ද?