111 ගම්පහ ගෙට්ටුවේ අදෘර්ශමාන බලවේගයේ එළිදරව්ව!

27වෙනිදායින් උදා වූ ඉරු දින ඉතාමත් ප්‍රීතිජනක ඉරිදාවක් වුනේ ලංකාවාසී සියලු බ්ලොග් කරුවන් ගම්පහදී රැස්වීම නිසාවෙනි.එදින පැමිණි හෝ එදින සිදු වූ දේවල් ගැන කියවූ සෑම කෙනෙක්ටම එය සදාකාලිකව මතකයේ රැඳී දිනකි.එසේ ඉතිහාසයට එක්වෙද්දී (බ්ලොග් ලෝකයේ) එදින සෑම කෙනෙක්ටම මතකයේ රඳවන සිදුවීමක් මා නිසා සිදුවුනි හා එදින ගැන විස්තර ලිවූ සෑම බ්ලොග් එකකම මා ගැනද සඳහන් වුනි.


දුකකින් උවද කීමට සිදුවන්නේ එම සිදුවීම සිදු වූයේ උඩ පන්දුවක් අල්ලා ගැනීමට ගොස් එය අත හැරීමයි.එදින තව කිහිප දෙනෙකුන් උඩ පන්දු රැක නොගත්තද අමරණීය වූයේ මගේ උඩ පන්දු රැකිල්ලයි.සිද්දිය සිදු වී දවස් දෙකක් ගත වුවද සිදු වූ දේ ගැන හිතාගන්නට බැරිව සිටින විට අහම්බෙන් මෙන් නවීන තාක්ෂනය නිසා එම සිදු වීම කැමරා කාච ගත වී ඇත.එම ජායාරූපය පිටපත් කොට විශාල කර බැලීමෙන් එම පන්දුව රැක ගැනීමට නොහැකි වීම එළිදරව් වුනි.

එය මා මෙසේ එළිදරව් කරමි.
පහත සඳහන් ජායාරූපය හොඳින් නීරීක්ෂණය කර බලනු මැනවි!එවිට යම් ගුප්ත වලාකුලක් වැනි දෙයක් මගේ හිස උඩ රැඳී ඇති බව ඔබට පෙනේවි.

මෙම ජායාරූපවලින් පෙනෙන විදියට යම් ගුප්ත බලවේගයකට මාව අපහසුතාවයකට හෝ අවමානයට පාත්‍ර කිරීමට අවශ්‍ය වී ඇති බව පෙනේ.කෙසේ නමුත් එම සිදු වීම නිසා මා කිසි කලක අමතක නොවනු ඇත කාටවත්.ගම්පහ ගෙට්ටුව යැයි සඳහන් කිරීමත් සමග මාද සිහියට නැගෙනු ඇත!.
_____________________________________________________________________________
මේ එක්කම මඩ ටිකකුත් දාන්නද අවසාන වතාවට?
ගෙට්ටුව ඉවර වෙලා රෑ ගෙදර ආවට පස්සේ කෝල් එකක් එනවා අටමගෙන්.

අටමා:මේ උඹ ගෙදර ආවද?

මම:ආ ඔව් ඔව් ඔයාල පරිස්සමින් ගියානේ? දැන් ගෙදරද?

අටමා:ඔව් බන් චමියට වැඩියි බන් බයික් එකත් හප්පගන්න ගියානේ එද්දී!

මම: නැහැ??

අටමා:ඔව් බන්

මම:එහෙනම් ඔකාව අද ගෙදර යවන්න එපා වැඩි නම්!

අටමා: පිස්සුද බන් අපි ආයේ බොනවා!

මම:හෑ එහෙමද? එහෙනම් අද ගෙදර තමා චමියව තියාගන්න වෙන්නේ?.

අටමා: පිස්සුද යකෝ ඔකාව අපේ ගෙදර තියාගන්න? බැහැ බන් ගෑණිත් ඉන්නවා.අනික මූ දැනටම මා ගැන එක එක ඒවා කියලා ලකුණු දාගත්තා දෙක තුනක් අපේ උන්දැගෙන්.
__________________________________________________________________________
ගෙට්ටුව වෙලේ රජාත් මාත් කතා කරමින් සිටින තැනට පැමිණි ලාවට රත් වී පදම් වුනු අටමා.

අටමා: මේ උඹලා හරි පොඩියිනේ බන්.බලපන්කො මේ රජාගේ කොට! දැන් ඉන්න උන් හරි පොඩියි තව ඉස්සරහට ඉපදෙන උන් තවත් පොඩි වෙයි.

රජා: අනිවා

අටමා:(මගෙන් අසයි) උඹට මතකද ඉස්සර මම පොඩි කාලේ උඹලගේ වයසේ කොච්චර චූටිද?.අපේ පන්තියෙන්ම පොඩි මම.රත්නේලාගේ උසම බලපන්කො ඒ කාලේ?

මම: අපිත් එහෙම තමා අයියේ.අපිත් ඔය වයසට එද්දී කාලා බීලා උස මහත් වෙලා එනවා ඉතින්!
නේද බන්?(රජා දෙස බලමින්) (රජා හිස වනයි)

අටමා:මේ තියෙන්නේ මේක තමා දැන් ඉතින් උඹලගේ ලොකු වෙන්නේ!(දකුණු අත දික් කර වම් අතෙන් වැලමිට හරිය අල්ලාගෙන පෙන්වයි.අප දෙස බලා සිටි ඇන්ටි කෙනෙක් අහක බලාගත්තා)
________________________________________________________________________________
ටිකට් කඩන තැන සමියා

මේ එග් වලට මුලට එන්නේ ඊ අකුරද?(කම්මලගෙන් අසයි)(ඊට කලිනුත් මගේ නම සෙවීමේදී මයන්නදැයි මඩිස්සලේ මුලට එන්නේ ඇහුවා)
________________________________________________________________________________
අන්තිමේදී කට්ටිය විසිර යාමේදී අටමා කොල්ලෝ බදන් ගුණ කියයි.

රජා බදන්:මේ උඹ ලියන ඒවාට මම හෙන කැමතියි බන් ඒවා කියවද්දි කොල්ලෝ ගහන්න හිතෙනවා.
(කට්ටිය ඈත් වුනි.රජා අටමාගේ ග්‍රහණයෙන් මිදෙන්නට වෙර දරයි)

දෙවෙනි බයිට මම:(මාව අල්ලන් දෙක තුනක් පහර දුනි.පසුව මාව අතින් අල්ලන්)
මූ ඉස්සර හරි පොඩි එකා.මම මුන්ගේ අම්මා එක්ක කතා කරද්දී ශාන් පුතේ කියලා මූණ ඇල්ලුවම මූ අම්මගේ සාරියේ කොන අල්ලාගෙන අම්මට මුවා වෙනවා.(මම ඕක අම්මට කිව්වම අම්මා නම් කිව්වේ පිස්සුද බන් ඉස්සර ඔය කොල්ලෝ මා එක්ක කතා කරන්නෙත් නැහැ හෙන ලැජ්ජයි.අනික මම ඉස්සර තියා දැනටත් සාරි ඇන්දා ඈ? ):P

පසුව සමියා අල්ලන්:මේ උඹව හරි පොඩියට බන් පේන්නේ O_o
_______________________________________________________________________________
සුදීක අයියා අඳුනගත්ත ගමන්

මම:ඉතින් අයියා කොහෙද?

සුදීක අයියා:මම රතනපුරේ මල්ලි

මම:ටිකක් දුරයි නෙහ් කාර් එකේද ආවේ?

සුදීක අයියා: බීලා කොහොමද බොල කාර් එකේ යන්නේ මම ආවේ කෝච්චියේ!
_______________________________________________________________________________
සුදීක අයියා කපල් පෙන්වමින්

මුන් නම් හරිම අසබ්‍යයි අනික දැන් මේ බදාගෙන ඉන්න කපල් එකක කෙල්ලෙක් මම හෙට පාරේ දැක්කොත් මට වුනත් අහන්න පුළුවන් මල් වත්තට යන්ද කියලා.

සමියා: ඔව් ඔව්

________________________________________________________________________________
මම තරියා බැටින් කරන වෙලේ තරියාට චියර් කළේය

කමෝන් තරියා හයක් ගහපන්

කව්ද මන්දා එකෙක් පැත්තක ඉඳන් කියනවා:
උඹ ෆීල්ඩ් කරන නිසා ඌට හයක් ගහන එක සිම්පල් බන්

!@#$%^&*