81 වල් බල්ලෝ!

හොඳ බල්ලොයි වල් බල්ලොයි කියලා ජාති දෙකක් ඉන්නවා.හොඳ බල්ලන්ව හොඳ කරෙත් වල් බල්ලන්ව වල් කරෙත් මිනිස්සුමයි.මිනිස්සු අතීතයේදී බල්ලෝ ජාති වලට බෙදුවේ නැත්තම් අද බල්ලෝ කියන්නෙත් එකම ජාතියක් වෙන්න ඇති.හොඳ බල්ලෝ කීකරු ගෙයි කැත නොකරන නිසා හොඳයි වල් බල්ලෝ ගොඩක් වෙලාවට කරන්නේ වල් වැඩ ඔහේ තැන තැන බෙටි දානවා,නැත්තම් චූ කරනවා.



ඒ වුනාට සමහර වල් බල්ලෝ හොඳ බල්ලන්ටත් වඩා හොඳයි.කීකරුයි පිරිසිදුයි කන්න දීපු කෙනෙක්ව කවදාවත් අමතක කරන්නේ නැහැ.පෝසත් මිනිස්සු සල්ලි වැය කරලා හොඳ වර්ගවලින් බල්ලෝ අරගෙන ඇති කරනවා.ඒත් අපි වගේ දුප්පත් මිනිස්සු ආශාවට වල් බල්ලෝ පැටවූ කොහෙන් හරි අරගෙන ඇවිත් ඇති කරනවා.සමහරු වල් බලු පැටව් පන්සල්,පල්ලි ගාවින් ගිහින් තියලා එනවා.

සමහර පෝසත් මිනිස්සු ගෙවල් ආරක්ෂා කරන්න වල් බල්ලෝ ඇති කරනවා එත් හරියට කන්නවත් දෙන්නේ නැහැ.මං ඇතුළුව දෙන්නෙක් ගියා ටිකක් පෝසත් ගේකට ඒ ගෙදර අලුත්වැඩියා කටයුත්තකට.ගෙදර කව්රුත් පදිංචි නැහැ වහලා තියෙන්නේ.අයිතිකාරයා උදේට හවසට ඇවිල්ලා යනවා ඒ ළඟම ගේක පදිංචි නිසා.ඒ එන්නේ ඒ ගෙදර ඉන්න වල් බල්ලෝ දෙන්නව එලියට දාන්නයි කූඩු කරන්නයි.

උන්ට කන්න දෙන්නේ උදේට විතරයි.ඊටපස්සේ කූඩු කරනවා ආයේ  රෑට ඇවිත් උන්ගේ කූඩුව ඇරලා වත්තේ ගේට්ටුව වහලා යනවා කන්න දෙන්නේ නැහ.එතකොට බඩගින්නේ නිසා රෑට බල්ලෝ හරි වසයිලු.ඒත් උන් සෝමාලියාවේ මුහුදු කොල්ලකරුවෝ වගේ කෙට්ටුයි.ආයේ උදේට ඇවිත් කන්න දීලා කූඩුවලට දාලා යනවා.ඉඳලා හිටලා හරි උදේට එන්න බැරිවුනොත්පහුවෙනිදා උදේ වෙනකන් දවස් දෙකක් කන්න හම්බ වෙන්නේ නැහැ.

අපි ගිය වෙලේ උන් ඔහේ කූඩුවලට වෙලා අපි දිහා බලන් හිටියේ  රේස් දාපු සල්ලි ඔක්කොම පරාද වුනු සූදු කාරයෝ  වගේ.මම වතුර බෝතලෙන් වතුර බොද්දි එකෙක් මන් දිහා දුක්බර ලුක් එකක් දාගෙන හිටියා.මම කූඩුව ගාවට ගිහින් බැලුවම උන්ගේ වතුර දාන බඳුනේ වතුර නැහැ.මම
දැල අස්සෙන් ඒකට වතුර දැම්මාම උන් දෙන්නම බීගෙන බීගෙන ගියා.

බල්ලෝ දෙන්නගේ සෝචනීය තත්වේ දැකපු නිසා මට මේක ලියන්න හිතුණා ඔන්න මම ලිව්වා.

මේ මම බලු පැටියෙක් ගෙනාව තැනක හිටපු අනිත් උන්