23 මන් කරපු දේ වැරදිද?.

අපේ ගෙවල් ගාව ඉන්නවා අක්ක කෙනෙක්.එයාගේ මහත්තයා ඉන්නේ රට.මේ අක්කා හිටපු ගමන් එනවා අපේ ගෙදර ඒ අර  අයියා එක්ක ස්කයිප් එකෙන් මල් කඩන්න.එයාලට ළමයින් දෙන්නෙකුත් ඉන්නවා.මෙයා ආවම ඉතින් මල කරදරේ පැයක් එකහමාරක් මල් කඩනවා.මට ඉතින් කොම්පියුටර් එකේ වැඩක් කරගන්න නැහැ.හිටපු ගමන් මගේ ඩයලොග් කනෙක්ශන් එක මට මාර සප් එකක් දෙනවා ඒ කිව්වේ හිටපු ගමන් ඩිස්කනෙක්ට් වෙනවා.ඒක පෝර්ට් වෙනස් කරලා හදාගන්න දන්නේ මන් විතරයි.ඒත් මන් ඕවා එයට කියන්නේ නෑ කිව්වොත් මටමනේ කෙළ වෙන්නේ.ඒ වෙලාවට WWW අසනීප වෙලා මැරුනා කියලා බයිලාවක් ගහලා ඒ වාතේ පිටමන් කරනවා.


                        එයා දැන් කොම්පියුටර් එකක් අරගෙන කව්දෝ මන්දා ඩයල් එකකුත් එක්කන් ඇවිත් ඉන්ටර්නෙට්,ඊ මේල් එකවුන්ට් අරවා මේවා හදා ගන්නවා ඔන්න ඔය අතර තුර තමා මට කෝල් කරේ. කෝල් කරලා මගෙන් ඊ මේල් ලිපිය ඉල්ලුවා.මන් හිතුවා ඒක ඉල්ලන්නේ මාව කන්ටැක්ට්ස් ගොඩට දාගන්න වෙන්න ඇති කියලයි.

                                   ඒත් ඊට පස්සෙ පාස්වර්ඩ් එකත් ඉල්ලනවා.මන් ඇහුවා මොකටද කියලා.ඊට පස්සේ අක්කා පොඩ්ඩක් ඉන්න කියලා අර ඩයල් එකට ෆෝන් එක දුන්නා.

ඌ මට කියනවා මල්ලි ඔයාගේ ඊ මේල් එකයි පාස්වර්ඩ් එකයි පොඩ්ඩක් දෙන්න පුලුවන්ද? අපිට ඒකට ලොග් වෙලා සයින් අවුට් වෙලා අපේ එකට ලොග් වෙන්න ඕන කියලා.

              ඈ යකෝ ඒක මොන හතර බීරි කතාවක්ද?.එයාලගෙ එකට ලොග් වෙන්න ඕන්නම් සේවාව සපයන වෙබ් සයිට් එකට ගිහින් ලොග් වෙන්න පුළුවන්නේ.මේක නිකන් මාව හැක් කරන්න මගෙන්ම පාස්වර්ඩ් එක ඉල්ලනවා වගෙනේ මන් ගත් කටටම කිව්වා සොරි අයියේ ඒක නම් දෙන්න බැහැ කියලා.

          ඌ ටක් ගාලා ෆෝන් එක ආයේ අක්කට දුන්නා.අක්කා ටිකක් තරහෙන් වගේ අහ් හරි මල්ලි කමක් නැහැ කියලා ලයින් එක කට් කරා.මට දැන් ෆුල් අප්සෙට් මෙච්චර ෆිට් එකේ හිටපු අක්කා මා එක්ක තරහා වුනා.අනේ මන්දා කාට හරි කියන්න පුළුවන්ද මන් කරපු දේ හරිද වැරදිද කියලා.

           මන් ඒක එවෙලෙ නුදුන්නේ මගේ ජීවිතේ පෞද්ගලික දේවල් ගොඩක් මේ හා බැදිලා තියෙන නිසා.මේ බ්ලොග් එක වුනත් දුවන්නේ මගේ ඊ මේල් එක උඩ.මෙච්චර දවසක් ආදරෙන් ආසවෙන් කරන් ගිය මේකටත් කෙළ වුනොත් මන් අර අක්කා එක්ක රන්ඩු කරන්නද?.ඒකයි බැහැ කිව්වේ ඒත් මගේ හිතට හරි නැහැ

                   මන් තනියෙන් ඒ කියපු දේ වැරදිද මන්දා කියලා දැන් මට හිතෙනවා.ප්ලීස් මට කියන්න මන් වැරදිද?.මන් එවෙලේ බැහැයි කියපු එකට දැන් මගේ හිත විදවනවා