115 නයි (ද),හොරු (ද) සමඟින් මගේ අලුත් මෙව්වා එක!

මං දැන් අවුරුදු දෙකකට පෙර ගත්තා චයිනිස් ටීවී ෆෝන් එකක් ඔරිජිනල් ෆෝන් ගන්න සල්ලි නැහැනේ.ඒ දවස් වල ඒක මම ගත්තේ මෙමරි කාඩ් එකත් එක්ක රුපියල් 8000කට.පස්සේ ඕක ගොඩක් කල් පාවිච්චි කරා කිසි අවුලක් නැතුව ඒත් පරණ වෙන්න වෙන්න මේවායේ කොලටි ලොවෙත් නැහැ.

2010 ගත්ත ෆෝන් එකත් එක්ක 2012ටත් පා තැබුවා ඒකත් දැන්නම් ටික ටික අබසරණ වෙලා තිබ්බේ.පහුගිය පොසොන් එකට අනුරාධපුරේ ගිහින් ආපු වෙලේ පාඩු ගොඩක් වුනා.


එක : ගුටි කන්න ගිහින් අනු නවයෙන් බේරුණා
දෙක : 480ක් දීලා ගත්ත සස්සනම සස්සන සෙප්පු දෙක මිහින්තලේදී මිසින් වුනා
තුන :චයිනිස් ෆෝන් එක වැටිලා ස්ක්‍රීන් එක ගියා.


තුන් වෙනි එක තමා ලොකුම පාඩුව ආයේ ඕක හදනවට වඩා හොඳයි අලුතෙන් එකක් ගන්නවා කියලා හිතුවත් කෝ සල්ලි?ඕක හදන්න ගියත් 1000ක් වත් ඉල්ලනවා.ඒක නිසා හදන්නේ නැතුව මම ඒක දිගටම පාවිච්චි කරා


 මට නම් ඉතින් එක්ලක්ෂ දහදාහක ෆෝන් එකක් මාස දෙකේ පඩියෙන් ගන්න ජොබ් එකකුත් නැහැ දේවාට වගේ.ඇන්ඩ්රොයිඩ් ෆෝන් තෑගී දෙන්නත් යාළුවො නැහැ මම දුන්නොත් මිසක්.සෑමාට වගේ ලොතරැයි ඇදෙනවා ඈ? මාරයා අයියාට වගේ කැමරා රටින් එවන්න යාළුවොත් නැහැ.මට වින්චැට් කිරිල්ලියොත් නැහැනේ යුරෝ එවන්න.අනික අභීත අයියලාට වගේ ඉන්දික උපශාන්තලත් නැහැ ඉල්ලපු ගමන් බෑන්ක් එකට සල්ලි එවන්න.රජාට වගේ මට ගෙදරින් බයික් අරන් දෙන්නෙත් නැහැ අපි දුප්පත්!.සිගරට් බොන්න තිබ්බ සල්ලි අංකල්ලට දෙන අටම්පහුරයා වගේ එකෙක් නැහැනේ අහල පහළකවත්.වෙනියට වගේ වැඩිපුර ඉතුරු සල්ලි වත් හම්බෙන්නේ නැති කොට මං හිතාගත්තා ඉතින් මම හෙන අන්ලකි කියලා


ඔහොම හිතාගෙන ඉද්දි මගේ පරණ බැංකු පොතක තිබ්බා රුපියල් අටදාහක්.ආයේ දෙපාරක් හිතුවේ නැහැ විත්ඩ්රෝව් කරා සල්ලි තව තුන්දාහක් අලුත් බැංකු පොතෙන් ඉස්සුවා අම්මට හොරෙන් ඒකෙ තිබ්බෙත් පන්දහද කොහෙද .


ගත්තා අලුත් කිටි කිටියේ එකොලොස්දහකට සැම්සුන් චෑම්ප් ෆෝන් එකක්.

මේක ෆුල් ටච්

                                                       

                                                                                       

මම ඉතින් හුරුවෙලා තියෙන්නෙත් ටච් ඒවාට නිසා මේක තමා ගත්තේ.හරි හුරුබුහුටි ෆෝන් එක,ඒ වුනාට ගාන වැඩිද දන්නේ නැහැ මම ගත්ත.

කොහොමද මගේ අලුත් මෙව්වා එක?.තම හිසට තම අතමලුනේ හෙවනැල්ල!