65 කණාමැදිරි හොම්මන!

ශෝයි අෆ්ෆා

මේක හොල්මන්මද දන්නේ නැහැ ඒකයි හොම්මන් කියලා කියන්නේ.සමහර විට ඔයාලටත් වෙනවා ඇති පොඩ්ඩක් හොඳට හිතලා බලන්න එහෙම වෙලා ඔයා බය වෙලා තියෙනවද නැත්තම් ඒක නිකම්ම ගණන් නොගෙන අත්හැරලද කියලා.
                අපේ ජීවිතයේ සමහර අය අපි ලංකරගන්න හැදුවම එයාලා  ඒක නිසා.....ම ඈත්වෙන වෙලාවල් තියෙනවනේ.උදාහරණෙකට ගත්තොත් මූණු පොතේ වගේ නම් අන්ෆ්රෙන් කරලා දානවා.ඒ වගේ දේවල් කරාම නම් අපිත් ඉතින් ආයේ ඌ/ඒකි දිහා ඇහැක්වත් ඇරලා බලන්නේ නැහැ අපිත් සම්පූර්නෙන්ම එයාලව ඈත් කරනවා ඒත් සමහර මිනිස්සු වගේම සත්තු,ආත්ම වගේ දේවල් නම් මූනුපොතේ වගේ අන්ෆ්රෙන් කරන්න බැහැ දුම්මල ගැහැව්වත් අපේ ජීවිත වළින් එලවන්න බැහැ.පස්සෙන්ම එනවා.

ඒ වගේ මගේ පස්සෙනුත් එන ආත්මයක් හෝ සතෙක් ඉන්නවා,ඒක මං හරියටම දන්නේ නැහැ ආත්මයක්ද කියලා ඒත් මට සැකයි :/

මෙහෙමයි කතන්දරේ මං පොඩි කාලේ ඉදලම කණාමැදිරියෙක් මං රෑට නිදියද්දී ලගට එනවා.ඇවිල්ලා කොට්ටේ හරි ඇඳේ හරි කොහේ හරි මුල්ලක වහලා එලිවෙනකන්ම ඉන්නවා.හැමදාම රෑට ලයිට් නිවලා නිදාගන්න ඇලවුන ගමන් ඔන්න කොහේ හරි ඉදන් එනවා ලයිට් එක සැරින් සැරේ පත්තු කර කර.

මේ කණාමැදිරියා ගැන මගේ අම්මතුමිය ටිකක් සැලකිලිමත් වුනා හොදටම ෆිට් එකේ ඉන්න වැඩිහිටි කෙනෙක් හම්බුනාම අම්මා මූ ගැන කියනවා.අන්න ඔය වගේ වෙලාවල් වලට අර නාකි ඩයල්/ඩයලිච්චියන් කියන කතා අතරේ මට ඇහිලා තියෙනවා ඔය නම් කොල්ලගේ පස්සෙන්ම එන ආත්මයක් වෙන්න ඇති කියලා.

තවත් සමහරු කියනවා කොල්ලගේ කේන්දරේ බලාපන් කෝකටත්,වෙලාව බලපන් ,ශාශ්තරයක් අහපන් වගේ දේවල් 

ඒත් මං ක්‍රිස්තියානි කොල්ලනේ ඉතින් අම්මතුමියවත් මම තුමාවත් ඕවා කරන්න ගියේ නැහැ.ඒත් මගේ හිතේ නම් මූ මුකාද කියලා දැනගන්න ආසාවක් තියෙනවා අදටත්,මොකද මේ මගේ ගිය ආත්මේ වයිෆ් ද දන්නේ නැහැනේ o.O

කෝම හරි දවසක් රෑ 8ට විතර  ලයිව් @ එයිට්‌ බල බල ඉද්දි ඔන්න වෙනදට වඩා කලින් එනවා දිලිසි දිලිසි 

හරි වරෙන්කො දෙන්නම් තොට කියලා හිතාගත්තු මම මූ ලගට එනකම් ඉදලා එක පාරට මූව අල්ලගත්තා,අල්ලගෙන ආ......♪ අද වරෙන්කො මා ගාවට පුළුවන් නම් කියලා මූව දැම්මා බෝතලේකට දාලා වැහුවා.වහලා ප්‍රවෘත්තිත් බලලා ආවා බ්ලොගේ පැත්තේ 

හෑ......මෙන්න බොලේ මූකා ඉන්නවා කාමරේ!

මං ටක් ගාලා ගිහින් බැලුවා බෝතලේ (o_o) මළා බෝතලෙත් ඉන්නවා.දැන්නම් යකෙක්ටවත් බය නැති මම ටිකක් බය වුනා මොකද සෙල්ලම් නැහැනේ දැන් ආත්ම දෙකක්ද දන්නේ නැහැනේ.බෝතලේ ඉන්නේ ගෑණි නම් කාමරේ ඉන්නේ ළමයද දන්නෙත් නැහැනේ.

මුකා වුනත් දැන් ඉතින් වැඩක් නැහැනේ කියලා බෝතලේ හිටපු එකාවත් මං නිදහස් කරා.තාමත් රෑට අරූ එනවා මගේ ළගට ඇවිල්ලා එලිවෙනකන්ම ඉදලා යනවා.

දැන් නම් මට මූව එච්චර ගානක් නැහැ සාමාන්‍ය සිදුවීමක් වෙලා 

ඒත් ටිකක් පුදුම මේ නාගරියකරණය වුන මගේ ගමේ වෙන තැන්වල ආසවකටවත් දකින්න කණාමැදිරියෙක් නැහැ.හැමතැනම ගෙවල් ගහලා ඒක නිසා අපේ ගෙදරට විතරක් ඇවිල්ලා ඒකත් මගේ ගාවම රෑට ඉදලා උදේට යන මේ සතා මට හරි ගුප්තයි.

කණාමැදිරියෝ පිරිලා ඉන්න පළාත්වල නම් ගෙදරට එකෙක් දෙන්නෙක් එන එක හිතන්න දෙයක් නැහැ ඒත්  මගේ ගාවට එන එකා ගැන නම් දැන් මට හිතන්න වෙලා 

ඉතින් ඔයාලට මේ ගැන මොනවද හිතෙන්නේ?මං අහන්නේ ඇත්තටම හිතෙන දේවල්?

හොම්මනක් ද නැත්තම් නිකන්ම නිකන් සතෙක් ද නැත්තම් සංසාර ගත බැඳීමකින් එන දෙයක්ද?

එහෙමත් නැත්තම්..........මුකෙක්ද?

බලන් ගියාම කොහෙන් හරි මටත් ෆයර් කෙනෙක් ඉන්නවා මං කිව්වේ ෆයර්ෆ්ලයි කෙනෙක් 

(මුකා නැති වුනත්)

(සමහර විට මගේ තනි රකින)

(මට එළිය දෙන)

සැනසීමක් හිතට

නුඹවත්

ළඟ සිටීම

මගේ තනියට..

හිරු කිරණ වගේ

මගේ අඳුරු

ලෝකේට

එළිය නුඹේ..