104 තොපිලා මගේ යාළුවෝ ද?

අයියා අපිට ගේන්නකෝ රයිස් ඇන්ඩ් කරි 4ක්.

මොනවද මල්ලි ඕන චිකන් බීෆ් පෝක් එග් වෙජි?

චිකන් ගේන්න අයියා ආහ් තව කෝක් හතරකුත් ගේන්න.

මායි පැතුමයි දුලාරයි දිලායි හෝටලේකට ගියේ ක්ලාස් ඇරිලා එන ගමන් දවල්ට කෑම අනුභව කිරීම සඳහායි.කට්ටියම සල්ලි දාලා තමයි කන්නේ අද කතා වුන විදියට මගෙන් තමා වැඩි බරපැන.ඒක නිසා කාලා ඉවර වෙලා යෝගට් ඕඩර් කරන්න කලින් මොකක් හරි බොරුවක් ගහලා මුන්වත් ඇදන් ඉක්මනට යන්න ඕන කියලා හිතන් තමා එදා මම හෝටලේට ගියේ.

වේටරයා චෙෆ් පබිලිස් වගේ බත් සවාන උරහිසේ තියන් ඇවිත් මේසය මත තබා ගොස් එවැනිම සවානක තබා කරී ප්ලේට් හතරක් රැගෙන ආවේය.පරිප්පු,කැරට් ව්‍යාංජනයක්,මැල්ලුමක් චිකන් කරිය ඒකෙ කෑලි හතරක් තිබුනා.ඒවාත් මේසේ උඩ තියලා යන්න හැරිලා ආපහු හැරිලා

තව පොඩ්ඩෙන් අමතක වෙනවා මල්ලි කියලා සාක්කුවට අත දාලා පපඩම් හතරක් අරන් මේසය මත තබා කෝක් ගේන්නට ගියේ ය.

අරුන් හනි හනිකට බත් බෙදාගනියි මාත් පැනලා බෙදාගත්තා මොකද බත් ඉවරවුනොත් එහෙම?.කට්ටියම සමසමව බෙදාගෙන කන්නට පටන් ගත්තේය.

අනේ ඌරො රැළ උඹලා අතවත් හේදුවේ නැහැ නේද?

අපි ක්ලාස් එකෙන් එන ගමන් අත් හෝදන් බන් ආවේ.කටේ බත් අහුරක් පුරවගත්තු පැතුමා දුබල හඩකින් කීය.

මුන් හේදුවට මම අත් හෝදගෙන නැහැනේ ඒක නිසා මම බෙදාගත්තු බත් පත එහෙම්ම තියලා ගියා අත්හෝදන්න.අතුත් හෝදන් එද්දී අම්මිට සිරි මගේ පිගානේ මස් කෑල්ල නැහැ.මම අරුන් තුන්දෙනාගේ මූණු දිහා රවලා බැලුවා ම්හ් උන් එකෙක් වත් දන්නේ නැති ගානට කනවා.

මට නහුතෙට මළ පැන හෙන කේන්තියෙන් ඉඳ ගත්තෙමි.ඉඳගෙන මුන්ගේ බත් දිහා බැලුවේ ය එහෙත් එකෙකුගේවත් බත් පිගන් වල අමතර මස් කෑල්ලක් නොමැත.දැන් මුන්ගෙන් මස් කෑල්ල ඉල්ලුවට වැඩකුත් නැත මුන් මහා අසමත්ජාති මිතුරන්ය.මස් කෑල්ල ඉල්ලීමට ගොස් කිච වීමටද බැරිය.

මුන් තුන්දෙනාට ඇහෙන පරිදි 

මගේ මස් කෑල්ල කාපු එකාට දෙයියනේ අදම බඩ පලයන්.දවස් හතරක් යනකන් ඒක හොඳ නොවේවා.

අහිංසකව මා දෙස සිනාසෙමින් බැලු දුලාර

ඔන්න මට නම් ඕවා වදින්නේ නැහැ බන් මම කාගේවත් මස් කෑවේ නැහැ.

එහෙනම් ඉතින් අරුන් දෙන්න තමා මම මටම කියාගෙන හෙන කේන්තියෙන් බත් පරිප්පුත් කැරටුත් සමඟ අනා කෑවේය.කන ගමන් පැතුමාත් දීලාත්  දිහාත් හොරෙන් බැලුවේය.උන් උන්ගේ බත් පත් දෙස බලමින් යන්තම් කින්ඩි හිනාවක් දාගෙන තලු මර මර කති.

(හිතින්)

මුන් මහා වල් බල්ලෝ අර සිංදුවකුත් තියෙන්නේ මල්ලියේ නරක මිතුරන් ඇසුරු කරනු එපා කියලා.ඒ මුන් වගේ උන් ගැන තමා කියන්නේ.අම්මත් කට කැඩෙනකන් කියනවා මුන් එක්ක රස්තියාදු ගහන්න එපා කියලා  ඇත්ත තමා මේ වගේ නරි රැලක් ආශ්‍රේ කරනවට මට මඩු වලිගවලින් ගහන්න ඕන හෑ???? මඩු වලිග කියන්නේ මොනාද? මොනා වුනාම මොකෝ මුන් වගේ කාලකන්නි ආශ්‍රේ කරනවට ඕවාලින් ගහලත් මදි මට.ඒ වුනාට මුන් අක්කගේ වෙඩින් එක දවසේ සෑහෙන්න උදව් කරානේ.ඒවා ඉතින් යුතුකම්නේ යාළුවෝ උනාම ඒවා කරන්නම එපෑ.ආයේ නම් මගේ වෙඩිමටවත් මුන්ට කියන්නේ නැහැ මුන් එදාටත් මගේ බත් ඒකෙ මස් කෑල්ල කයි.වයිෆ්ටත් බැල්ම දැම්මොත්.මුන් එහෙමට සත්තු අදින් පස්සේ මම මුන්ව මගහරින්න ඕන.

හිතින් බැන බැන බත් එකෙන් තුනෙන් දෙකක්ම කා ඇත.මැල්ලුම තිබු පැත්ත තාම අතින් වත් අල්ලා නැත.පරිප්පුයි කැරටුයි ඉවර වී ඇත.මැල්ලුම් එක්ක හරි මේ ටිකත් කන්න ඕන කියලා හිතලා මැල්ලුමත් බතුත් අනන්නට විය.ඔන්න එතකොට මම දැක්කා පැතුම් කාලා ඉවර වෙලා අත හෝදන්න යනවා.දුලාර චිකන් 

කට්ටක් සූප්පු කරනවා.දීලා කෝක් එක උරනවා.හුටා මේන් මස් කෑල්ල!

කාගේ පිගානේද?

මන් අත හෝදන්න ගිය වෙලේ මුන් කුපාඩිකමට මගේ පිගානේ තිබ්බ මස් කෑල්ල මගේ පිගානේම තිබ්බ මැල්ලුමට යට කරලා උඩින් මැල්ලුම් දාලා වහලා දන්නේ නැහැ වගේ ඉඳලා.

අත හෝදන් ආපු පැතුම් මම මස් කෑල්ල ඇඟිලි වලින් එහෙට මෙහෙට කරද්දී අරුන් දෙන්නට කියනවා මුගේ මස් කෑල්ල කාපු එකාට අද බඩ යයි බන්.

____________________________________________________________________________

ඕන් මේක මට වුනු එකක් කියලා එහෙම හිතන්න එපා ඈ.

දැන් ඔයාල හිතනවා ඇති මේ මස් සිද්දිය වෙච්ච එකා බඩ යයි කියලා මස් කෑල්ල නොකා හිටියා කියලා ඌ ඒක කාලා අන්තිමට නිකන්ම මැල්ලුම් එක්ක :D