131 තේවත්තේ හොල්මන!

මම නම් ගොඩක් ආස හොල්මන් ෆිල්ම් බලන්න මේ මාසෙට මම හොල්මන් ෆිල්ම් 6ක් බාලා තියෙනවා.වැඩර් වගේ මේවා කිව්වට පොඩි කාලේ නම් ටීවී එකේ හොල්මන් ෆිල්ම් යද්දී අත් දෙකෙන් මූණ වහගෙන ඇඟිලි අස්සෙන් යන්තමට හිඩැසක් හදන් ඒකෙන් තමයි බයානක හරි බලන්නේ.ඊට පස්සේ ඉතින් චූ කරන්නවත් තනියම කුස්සිය පැත්තටවත් යන්නේ නැහැ කුස්සියෙන්නේ එලියට යන්න තියෙන්නේ.

ඒත් දැන්නම් හොල්මන් ෆිල්ම් කාමරේ ඉඳන් තනියෙන්මයි බලන්නේ දැන්නම් ඉස්සර තරම් බය නැහැ ඒත් මොනිටරේ දිහා බලන් ඉද්දි මට හිතෙනවා මගේ පිටි පස්සෙ ඉඳන් ආත්ම කීයක් මේ වෙලාවට මොනිටරේ දිහා බලන් ඉන්නවද කියලා වගේ දේවල්.ඒත් මීයෙක් දුවන සද්දයක් ආවත් මම නම් හැරිලා බලන්නේ නම් නැහැ.

මේ හොල්මන් සීන් ටික ලියන්න හිතුනේ උඩ හෙඩිමට අදාළ සීන් එක නිසා.රාගම ඉඳන් තේවත්ත පැත්තට එද්දී තියෙනවා බටුවත්තට හැරෙන්න තියෙන හංදියක් ඕකට කියන්නේ කුරුස හංදිය කියලා.ඔය හරියේ රබර් වතු දෙකක් තියෙනවා දැන්නම් එකක රබර් ගස් ඔක්කොම කපලා.ඔන්න ඔය හරියේ මීට අවුරුදු තුනකට විතර උඩදී ඒ කියන්නේ 2009දී විවාහයට අකමැති වෙලා ගෑල්ලමයෙක් ඔය හරියෙම ලිඳකට පැනලා පණ ටික යවාගත්තා.

ඊට පස්සේ හරි අපූරු දේවල් තමයි ඔය හරියෙන් අහන්න ලැබුනේ.කුරුස හන්දියෙන් රෑ වෙලාවට ත්‍රී වීල් වලට ගෑනු කෙනෙක් නැගලා බටුවත්ත පැත්තට යන් කියනවලු.ත්‍රී වීල් එලවන අයත් දාගෙන ගියාම ඔය තරුණියගේ ගේ ගාවින් බැහැලා පොඩ්ඩක් ඉන්න කියලා ඇතුලට යනවලු හැබැයි ආයේ එන්නේ නැහැලු.මුලින් මුලින් ගෙදරට කතා කරාම ගෙදර මිනිස්සු ඇවිත් ඒ තරුණිය මිය ගිය අයෙක් බව කිව්වම සමහර අය නම් ගොඩක් බය වෙලා.පස්සේ ඔය කියන හරියට රාගම ත්‍රී වීල් හයර් ගියෙත් නැහැ රෑට.

පස්සේ රබර් වත්ත අස්සෙන් ගෑනු කෙනෙක් අඩන සද්ද ඇහිලා තියෙනවා.ඔය ඔක්කොම මම එක එක්කෙනාගෙන් අහපු දේවල් එත් මගේ හිතවත් කෙනෙක්ටත් ඕකට මුහුණ දෙන්න සිද්ද වුණා.

ඒ මගේ තාත්තගේ යාලුවෙක් මිනිහා දවසක් වයිෆ්වත් දාගෙන ත්‍රී වීල් එකේ කුරුස හන්දියෙන් යද්දී වන්ගුව ගන්න ස්ලෝ කරද්දීම කවුද ගෑනු කෙනෙක් ඇතුලට නැගලා.වයිෆ් බය වෙලා කෑගහලා එත් මේ මනුස්සයා වයිෆ්ගේ  කෑගැහිල්ලට හැරිලා බැලුවම කව්රුත් නැහැලු.එත් වයිෆ් කියනවලු මේ ඉන්නේ අනේ ඔයාට පෙන්නේ නැද්ද කව්ද මේ කියලා.ඊට පස්සේ දෙන්නම ත්‍රී වීල් එක අයිනෙන් නවත්වලා බැහැලා.

බැස්සට පස්සේ ගෑනු කෙනාටත් අර නැග්ග කෙනාව පෙනිලා නැහැ පස්සේ ඔය හරියේ මිනිස්සු ඔය හොල්මන් සීන් එක කිව්වම ගෑනු කෙනා එතනම සිහිය නැතුව වැටිලා.

ඊට පස්සේ ඔය හොල්මන් සීන් එක නැතුව ගියා.ඒ හොල්මනගේ අයියා ගුරුකමක් කරලා හොල්මනව අල්ලලා කියලා තමයි ආරංචි වුනේ.

ඒත් දැන් අවුරුදු තුනකට පස්සේ ආයෙත් මේක සිද්ද වෙනවා.ඒකත් මම ටිකක් දන්නා කෙනෙක්ට.එයා බිස්නස් වැඩකට දුර ගමනක් ගිහින් සේවකයෝ දෙන්නෙක් එක්ක පාන්දර එකට විතර බටුවත්තට ලොරිය හරවද්දී සුදු සාරියක් ඇදගත්තු ගෑනු කෙනෙක් ලොරිය පිටිපස්සෙන් යනවා සයිඩ් කන්නාඩියෙන් දැකලා.පස්සේ මෙයාලා තුන්දෙනාම ලොරිය ස්ලෝ කරලා හොඳට බැලුවම කව්රුත් නැහැල්ලු.කට්ටියම යන් කියලා හිතලා ඉස්සරහා බලද්දී පාරේ ඈත ඉඳන් ලොරිය දිහා බලන් ඉන්නවලු සුදු සාරියක් ඇදගත්තු ගෑනු කෙනෙක්.තුන්දෙනාම ටිකක් බය වෙලා ටික වෙලාවකින් ඒක නැතුව ගිහින්.

ඊට පස්සේ දවසක පොලිස් නිලධාරියෙක් පාන්දර 4ට ඔතනින් යද්දී දැකලා ජීන්ස් එකක් ඇදගත්තු ගෑල්ලමයෙක් එයාගේ ඉස්සරහින් යනවා.ඉතින් එයා මේ ගෑල්ලමයට කතා කරලා වෙලාව අහලා.ගෑල්ලමයත් පිටිපස්ස බලන්නේ නැතුවම එක පාරට හතරයි කිව්වලු.

පොලිස් නිලධාරියා  මූණ බලන්න හිතාගෙන අඩිය ටිකක් ඉක්මන් කරලා මෙන්න මේ ගෑල්ලමයා දුවන්න පටන් අරන්.පොලිස් නිලධාරියාත් පස්සෙන් දුවලා.මේ ගෑල්ලමයා දුවගෙන දුවගෙන ගිහින් අර කිව්ව ලිඳට පැනලා.පොලිස් නිලධාරියා හොඳටම බය වෙලා කෑගහලා.අහල පහල ගෙවල් වල මිනිස්සු දෙතුන් දෙනෙක් දුවන් ඇවිත්.පොලිස් නිලධාරියා සිද්දිය මේ මිනිස්සුන්ට කිව්වම එක මිනිහෙක් කිව්වලු එයාගේ අම්මත් දවසක් ඕක දැකලා තියෙනවා කියලා.

දැන් මේක ලියද්දිත් (මේක ලියන වෙලාව 10:47PM)මට ආයෙත් හිතෙනවා මගේ පිටි පස්සෙත් කව්රු හරි ඉන්නවද මන්දා කියලා.මම ඉන්නෙත් කුස්සිය පැත්තට වෙන්න තියෙන කාමරේ තනියම කළුවරේ.අම්මත් ඉස්සරහ ටීවී බලනවා ඉතින් මම නවතිනවා.

මේ ලිපිය ලිව්වේ ඔය මැරුණයි කියන ගෑණු ළමයටවත් එයාගේ පවුලේ අයටවත් අපහාසයක් කෙරෙන්න හිතාගෙන නම් නෙවේ.මට කියන්න ඕන ඔය කියන හරියෙන් ඔයාලා කව්රු හරි බයික් වල ත්‍රී වීල් වල යනවා නම් රෑ වෙලාවට වෙන පාරක් බාවිතා කරන්න කියලා.මේ ලඟකදී ඔය සිද්දිය නිසා රාගම ත්‍රී වීල් එකක් රෑ හයර් එකක් ඇවිත් තේවත්තට පරංගියා කෝට්ටේ යනවා වගේ වෙන පාරවල් දාල :D

එහෙනම් අපි ගියා හොල්මන් ෆිල්ම් එහෙකුත් බලන්න තියෙනවා.