92 පෝලිමේ හිටිය මොඩ් අක්කලා දෙන්නා!

කලින් මතකනේ ඇස් වාට්ටුවට ගිහින් එද්දී අක්කා කෙනෙක් මං ගැන හිතපු හැටි? එදා මම ඇස් වාට්ටු ගියේ ඇයි කියලා මගේ යාළුවො දෙතුන් දෙනෙක්ම මගෙන් ඇහැව්වා 


අවුරුදු එකහාමාරක් මම කොම්පියුටරය ඉස්සරහා රෑට රෑට ගත කරලා අන්තිමට මගේ ඇහැකට මම කෙලවගත්තා කිව්වොත් වැරදි නැහැ.පහුගිය දවස් වල බ්ලොග් දෙක තුනකම වැටුනා
පරිගණකයක් ඉස්සරහා වැඩි වෙලාවක් ගත කිරීම නිසා ඇස් වියලෙනවා කියලා.ඕවා අනිත් අය වගේම මම ගණන් ගත්තෙත් නැහැ .ඒත් ඇස් වේලිලා ඇසෙ තෙතමනය රඳවාගන්න ක්‍රමවත් වන වැඩ පිළිවෙලක් වෙනස් වෙලා මගේ වම් ඇහැ යට ගෙඩියක් ඇවිල්ලා.

ඒකට මොන මොන බෙහෙත් ගත්තත් හරිගියේ නැහැ අන්තිමට ඇස් වාට්ටු ගියාම එතනිනුත් දුන්නා ක්‍රීම් එකකුයි ඇහැ පිරිසිදු කරන්න උපදෙස් සහිත පත්‍රිකාවකුයි.සති දෙකක් ඒ විදියට කරලා හරිගියේ නැත්තම් ඇහැ ඇතුල් පැත්තෙන් කපලා ඒ ගෙඩිය අයින් කරනවලු ඒක ඇත්තටම පොඩි ඔපරේෂන් එකක්.මම නම් ඔපරේෂන් වලට ටිකක් බයයි.


ඔන්‍න‍ ඕකයිලු මම ඇස් වාට්ටු යාමට හේතුව හරිද.


මම කොහේ ගියත් මට මොකක් හරි වින්දනීය දෙයක් දකින්න ලැබෙනවනේ ඉතින් එදා ඇස් වාට්ටුවේ පෝලිමේ ඉද්දි ඒ පෝලිමේම හිටියා ටිකක් සෙක්සි අක්කලා දෙන්නෙක් එයාලා හරිම මොඩ්,ජීන්ස් ඇඳලා කර පළල් ටොප් ඇඳලා ලිප්ස්ටික් ගහලා හම්මා සුවඳ විලවුන්වල සුවඳ?.අනේ නැහැ කිසිම නරක සිතුවිල්ලක් ඒත් ඉතින් ඒ දෙන්නා හිනා වේවි මුකුළු කර කර ඉද්දි නිකන්ම බැලෙනවා.අම්මා එහා පැත්තේ ඉද්දි මට ඉතින් ඔය එක එක අක්කලා දිහා බලන්නත් බැහැනේ ඉතින් මම වැඩිය බැලුවේ නැහැ ඈ.

ඒත් ඒ පෝලිමේම මම වගේම තවත් කොල්ලෙක් හිටියා.මිනිහා නම් මං වගේ දැහැමින් සෙමින් පොරක් නෙවේ ඒ යකා එතන හිටපු ගෑනු උදවිය එක්ක හරි හරියට මුසාවාද දොඩවනවා.මම නම් වැඩිය සද්දේ නැතුව ශේප් එකේ අක්කලාට බැල්මත් දාගෙන මගේ පාඩුවේ හිටියා.


එතන අලුතෙන් ගිය අයට කතා කරන්නේ ටිකට් එකේ තියෙන නම්බරේට අනුව ඒත් පරණ අයට කතා කරන්නේ ටිකට් එකේ තියෙන නමයි ගමයි කියලා.අර අක්කලා දෙන්නත් පරණ දෙන්නෙක් මොකද එයාලට කතා කරෙත් නමයි ගමයි කියලා.


මට එතන වෙච්ච වින්දනීයම දේ වුනේ ඒ නමුයි ගමයි තමා 
නම් ගම් කියලා කතා කරන නර්ස් වගේ ඇන්ටි කෙනෙක් අපි පෝලිමේ ඉද්දි


සෝමාවතී අම්පාර ජයවතී අම්පාර දෙන්නා එන්ඩ...........
කියලා හයියෙන් කෑගහනවා.


මං ඉතින් බලන් හිටියා ඇන්ටිලා දෙන්නෙක් හරි ආච්චිලා දෙන්නෙක් හරි නැඟිටලා යයි කියලා ඒත් නැඟිටලා ගියේ අර අක්කලා දෙන්නා.


ඒ දෙන්නගේ නම් තමා සෝමාවතියි ජයවතියි ඇවිල්ලා තියෙන්නේ අම්පාරේ ඉඳලා මං හිතුවේ සමහර විට ඒ එයාලගේ අම්මලාගේ නම් කියලා ඒත් පරීක්ෂණ කාමරේට මම ගියාමයි දැක්කේ ඒ දෙන්නගෙත් ඇස් පරික්ශා කරනවා .


________________________________________________
සඳහන් කල යුතුම දේකුත් තියෙනවා!.
මම ඉස්සෙල්ලාම ඇතුල් වෙන තැනින් ටිකට් එක ගද්දි එතන හිටපු අයියාට මම විස්තරේ කිව්වා ඇහැ ගැන අනේ ඒ අයියා මට පුතේ කියලා කතා කරලා ටිකට් එකත් දීලා යන්න ඕන තැනුත් කියලා දුන්නා.


හොටු  කෙල්ලෝ මට මල්ලි කියද්දී මම අයිය අයියා කියද්දී මට පුතේ කියපු ඒ අයියාට මාගේ මහත් ප්‍රමාණය පුද කර සිටිමි!