65 තරුණියකගේ සංවේදී සිතුවිල්ලක් මම විසින් බොඳ කරා!

දිනුෂි පුරහල අසලින් බසයට නැග්ගේ යායුතු ගමනාන්තයෙන් බැසිය යුතු නිසාවෙනි.බසයට නැග ගත් ඇය අසුන් දෙස බැලුවේ අසුන් ගැනීමට හිස් වූ අසුනක් ඇද්දැයි සොයමින් එහෙත් අවාසනාවකට හිස් වූ එකදු අසුනක්වත් බසයේ නොමැති විය එහෙත් ඇයගේ ඇස් නතර වුන තැනක් විය එනම් මැදිවියේ කාන්තාවක් හා ඇය අසලින් වාඩි වී සිටි තරුණයා ඇයගේ පුතු යැයි සිතිය හැක.එහෙත් දිනුෂිගේ ඇස් නතර වීමට හේතුව වූයේ එය නොව එම තරුණයා අත වූ වෝකින් ස්ටික් එකය.

දිනුෂිගේ සිතේ මහත් අනුකම්පාවක් පිරෙන්නට විය 

අනේ පව් ඒ මල්ලි 

සමහර විට ආමි එකේ කොල්ලෙක් වෙන්න ඇති

ඔව් ඒ කොල්ලගේ පෙනුම නම් ආමි එකට තමා ගැලපෙන්නේ.

අපේ රට වෙනුවෙන් යුද්දේ කරලා මොකක් හරි වෙලා වෙන්න ඇති මේ වෝකින් ස්ටික් එකක් තියෙන්නේ.

පව් කකුලක් කපලද දන්නේ නැහැ 

ඇයි දෙයියනේ අහිංසක මිනිස්සුන්ටම මෙහෙම වෙන්නේ?

බලන්න ඒ තරුණ ජීවිතයක් නේද?

ඒ මූනේ තියෙන අහිංසක පාට යට මොන තරම් දුකක් ඇද්ද

දහසක් සිතුවිලි එම තරුණයා දෙස බලා දිනුෂි සිතන්නට ගත්තා ය.ඒ අතර බොරු කකුලක්ද දමා සිටින්නේ යැයි ඇය උවමනාවෙන් සොයා බැලිය.එහෙත් ඩෙනිම් කලිසම සපත්තු දෙක දක්වා දික් වීමෙන් කිසිවක් දැකගත නොහැකි විය.ඇයගේ සුපරික්ෂාකාරී බැල්ම එම තරුණයාද දුටුවා.තමාගේ සුපරික්ෂාකාරී බැල්ම ඔහු දුටු බව දිනුෂි ද දැනගත්තා 

එහෙත් ඇය සිතෙන් සිතමින් 

ඒ මල්ලි දැක්කා මං එයා දිහා බලනවා කෝකටත් වැඩිය බලන්න හොඳ නැහැ නැත්තම් එයා හිතාවි මම එයා දිහා අනුකම්පාවෙන් බලනවා කියලා 

ඔව් ගොඩක් ආබාධිත ආමි කොල්ලෝ කැමති නැහැ ඔවුන් දෙස අනුකම්පාවෙන් බලනවට

එලෙස සිතුවත් ඇය නැවත හොරෙන් මෙන් එම තරුණයා දෙස බැලුවේය ඔහු මවත් සමඟ විටින් විට කතා කරන දේවල් වැඩිය පැහැදිලි නැත.එහෙත් දිනුෂි උවමනාවෙන් කතාවට ඇහුම් කන් දෙන්න උත්සහ ගත්තේ ය.

කොල්ලු පිටිය හන්දියෙන් බස් රථය නැවතුවේ බසින අයට බැහැගන්නත් නගින අයට නැගගන්නත්ය එවිට අර තරුණයා අසල සිටි කාන්තාවද නැගිට්ටේ ය ඇය නැගිට අර තරුණයා අත වූ වෝකින් ස්ටිකය ඇයගේ අතට ගෙන ඇය බසයෙන් බහින්නට විය ඇය අසල සිටි තරුණයාද ඇයව අල්ලාගෙන බසයෙන් බැස්සාය.

දිනුෂිගේ සිතේ මැවුනා වූ සියල්ල වැරදුනේ ය වෝකින් ස්ටිකය තරුණයාගේ නොව ඔහුගේ මවගේ ය.

                                                                   -නිර්මාණයක් පමණි

________________________________________________

ප/ලි 

මෙම නිර්මාණයට පාදක වූයේ මම සහ මගේ මව ඇස් වාට්ටුවේ සිට කොල්ලුපිටිය බලා යන අතර අතරමඟදී නැග ගත් තරුණියක් සැරින් සැරේ මගේ මවගේ වෝකින් ස්ටිකය රැගෙන සිටි මා දෙස කිහිප වරක්ම ඉතා උනන්දුවෙන් බැලීම නිසා ය.

එම තරුණිය මා හට මල්ලි යනුවෙන් සිතු බව  මා සිතුවේ  බොහෝ තරුණියන් මාව දුටු සැනින් මට මල්ලි කීම නිසා බවද සලකන්න එහෙත් ඇය එවෙලේ මා දෙස බලා වෙන යම් දෙයක් සිතුවාද යන්න මා නොදනී.ඇයගේ නම සැබෑවටම දිනුෂි නොවන අතර  එය මා විසින් උපකල්පනය කර පරිකල්පනය වී යෙදවුවක් බවද සලකන්න.සැබෑ නම මාද නොදන්නෙමි.

මාගේ මවගේ පාදයේ ආබාදයක් හේතුවෙන් ඇය වෝකින් ස්ටිකයක් දුර ගමන් වලදී භාවිතා කරන බවද සලකන්න!