93 එල්ලෙන සියල්ල රඹුටන් ද? 18 +

*uck you!

පේනවනේ පවුල් පිටින් අපිට මෙහෙම කියද්දී අපිත් දීගෙන බලනවනේ මුන්ගේ ෆිල්ම්?.
මම ඇත්ත සිද්දි ලිව්වම කට්ටිය කියනවා මම මඩ ගහනවලු මගේ කලින් ලිපියේදී හැමෝම එහෙම කිව්වා මානවක හැර හරි නම් මට බැන්නත් එක්ක "අර ගෑල්ලමයා පව් එයාට එක එක ඒවා කියලා අහුවෙන්න එපා" කියලා.



අදත් ඇත්ත කතාවක් කියන්න ආවේ ඒකත් මඩක් ද දන්නේ නැහැ හැබැයි කතාවේ ප්‍රධාන චරිතය මගේ යාලුවෙක් මිනිහගේ නම අංජු.
මෙයා ටිකක් කොටයි සම වයසේ මිතුරන් එක්ක බලද්දී ඒක නිසා පොඩි එකෙක් වගේ තමා පේන්නෙත්.මේ යකා ඒ/සි කෝස් එකක් කරනවා.එතන ඉස්සරහ කඩේ ඇන්ටි කඩේ ඉතුරු වෙන මාළු පාන්,රෝල්ස් වගේ ඒවා මූට දෙනවා කාපන් පුතේ කියලා.මූත් නිකන් හම්බෙන ඒවා නිසා ඕවා හොඳට දෙසා බානවා ආයේ වෙන එකෙක්ට කෑල්ලක් වත් දෙන්නෙත් නැහැ.ඒ මදිවට ඇවිල්ලා දවසක් මටත් කිව්වා සීන් එක.එදා ඉඳං මම මූට මාළුපාන් කියලා කියන්න පුරුදු වුනා.හැබැයි මම ඌට වඩා අවුරුද්දක් වැඩිමල් කියලවත් බලන්නේ නැහැ මූ මාළුපාන් කියපු ගමන් හොඳ කුනුහබ්බයක් කියනවා මල පැනලා.


නිකන් හම්බෙන මාළුපාන්,රෝල්ස්,බනිස් කාලා බුවාගේ බඩ දාලා මොකාගේද වගේ.මම ඉතින් හැමදාම උදේට දුවනවනේ ඒක දන්න මූත් එනවා කිව්වා මා එක්ක දුවන්න යන්න.මමත් ඉතින් දැන් තනියම යන නිසා මූට හා වරෙන්කො කිව්වා.මූත් එනවා දැන් මා එක්ක උදේ පාන්දර 5ට නැගිටලා දුවන්න යන්න.


මම දුවන්න යන්නේ අපේ පැත්තේ තියෙන බන්ධානගාරේක පිට්ටනියට මේක ටිකක් ලොකුයි ඒ කියන්නේ පොඩිමත් නැහැ කියන එක.මම ඕකේ වට දොළහක් එක පිට දුවනවා.අංජු නම් ඉතින් වටයක් දුවනවා වටයක් ඇවිදිනවා ආයේ ටික දුරක් දුවනවා නවතිනවා ඔහොම ඔහොම යාන්තමින් වට පහක් හති දාගෙන දුවලා මම එනකන් බලන් ඉන්නවා.


මගේ වට දොළහ දුවලා ඉවර වෙලා ආයේ ඇවිදගෙන වටයක් යනවා නැත්තම් කකුල් දෙකට හොඳ නැහැ.මම ඒ වටේ ඇවිදගෙන යද්දී ඔන්න මූත් එනවා මගේ පස්සෙන්.


ඒ වටෙත් ගිහින් ඉවර වුනාම එක්සයිස් කරනවා,අපි ඒකට යොදාගත්තේ ඔය පිට්ටනියේ කෙලවරක තියෙන බංකුවක්.ඕක උඩ දිග ඇඳිලා ව්‍යායාම් ටිකක් කරනවා.පළවෙනි දවස් දෙක තුනේ අංජුට මම කියලා දුන්නා ඊට පස්සේ මෑන්ම වැඩේ අල්ලගත්තා.මිනිහාට බඩ අඩුවෙන එක්සයිස් එකක් මම කියලා දුන්නා.

මේ ව්‍යයාමේ

ඔන්න දවසක් අපි ඔහොම දුවලා දුවලා බංකුව පැත්තට එද්දී එදා ස්පෝට් කරන්න ඇවිල්ලා හිටියා පාන්දරින්ම ආමි එකේ අයියලා දෙන්නෙක්.මේගොල්ලෝ සමහරක් දවස් වලට එනවා හැබැයි අපි කවදාවත් කතා කරලා නැහැ.ඒ මදිවට මුන් දෙන්නගෙන් එකෙක් බංකුවේම වාඩි වෙලා ඉන්නවා.


මම ලඟට ගිහින් අයියාට කිව්වා
අයියේ පොඩ්ඩක් අපිට මෙතන දෙන්න පුලුවන්ද එක්සයිස් කරන්න ඕන කියලා.


අනේ මේ ආමි බුවාත් ටක් ගාලා බෑග් දෙක තුනත් අරන් ගහක එල්ලලා බංකුවට ටිකක් එහායින් හිටගෙන අපි දිහා බලන් හිටියා.මම ඉතින් ඉස්සෙල්ලාම හැමදාම කරන ව්‍යායාම් දෙක තුන කරලා අංජුට දුන්නා බංකුව.ඔන්න මූත් දැන් හාන්සි වෙලා ඔය උඩ රූපේ තියෙන ව්‍යයාමේ කරන්න ගත්තා.මෑන්ට ඕක තනියම කරන්න බැහැ ඉස්සරහින් කව්රු හරි කකුල් දෙක අල්ලාගත්තේ නැත්තම්.මොකද උඩට එසවෙද්දී මුගේ කකුල් දෙක උඩ යනවා.ඉතින් මුගේ කකුල් දෙක අල්ලගන්න වුනේ මට තමා හැමදාම.එදත් දැන් මම කකුල් දෙක අල්ලන් ඉන්නවා.


මම ඔය ව්‍යයාමේ විසි පාරක් හෝ විසි පස් පාරක් විතර කරනවා.ඒත් මේ යකාට පුළුවන් 15ක් වගේ තමා.
ඔන්න පළවෙනි පාර කරා පොඩි කෙඳිරියක් ගාගෙන දෙවෙනි පාරත් ආපහු පහලට ගිහින් ඔලුව උස්සගෙන උඩට ආවා.ආමි එකේ බුවත් දැන් බලන් ඉන්නවා අපි දිහා දැන් අංජු තුන වෙනි පාරටත් උඩට එසවෙනවා ටික ටික කෙඳීරියකුත් ගාගෙන ඒත් සමඟම බඩ බඩාස් ගාගෙන අංජුට මහා හඩින් වාතයක් පිටවුනා.මට හිනාගියා ඒ වුනාට ආමි බුවාත් බලන් ඉන්න හින්දා මම හිනාව තද කරගෙන හිටියා.ආමි බුවා දිහා මම බැලුවේ වත් නැහැ.අංජුත් ලැජ්ජාවේ ආපහු ව්‍යයාමේ කරනවා.ඒත් එක්කම මට මාළුපාන් වල ස්පිරිට් එක එන්න ගත්තා හප්පා සුවඳ 


මාළු පාන් සුවඳත් ආපු නිසා මට බකස් ගාලා මහා සද්දෙන් හිනා ගියා.මට හිනා ගියා විතරයි ආමි බුවාත් බකස් ගාලා හිනා වෙන්න ගත්තා අනිත් පැත්ත හැරිලා.මට නම් නවත්ත ගන්නම බැහැ ඔය වගේ ලොකුවට හිනා යන සීන් එකක් වුනාම.ඒ වෙලේ අංජුගේ කළු මූණ දාඩියටත් එක්කද මන්දා හොඳටම රතු වෙලා තියෙනවා මම දැක්කා.


පස්සේ අපි එද්දී මූ සුපුරුදු පරිදි මට කුණුහබ්බ දෙක තුනක් කිය කියා ආවා."සික් බලපන්කො අර අයියාත් හිනා වුනානේ උඹේ හක හකේ හින්දා" කියාගෙන මූ මූණ නරක් කරන් තමා ගෙදර ආවේ.ඊට පස්සේ දවස් දෙකක් යනකන් මෑන් ආවේ නැහැ දුවන්න.
____________________________________________________


කෝ යකෝ 18+ කතාව?




මේකත් අංජුම කියපු කතාවක් තමා හිනා ගියේ නැත්තම් මට බනින්න එපා අංජුට බනින්න.මොකද මේ කතාව කියලා ඉවර වෙලා හිනා වෙච්ච එකම පුද්ගලයාත් අංජුම තමා.


ඔන්න දවසක් අංජුගේ මාමා කෙනෙක් රඹුටන් කඩන්න ගහකට නැග්ගලු මේ ගහ තියෙන්නේ පාරට කිට්ටුවෙන්මලු.ඉතින් මාමා කාරයා සරමක් ඇදගෙන හිටියා වුනාත් ශෝටක් දාගන්න කම්මැලි වෙලා එහෙමම තමා ගහට නැගලා තියෙන්නේ.ඒ වෙලේ පාරේ ඇන්ටි කෙනෙක් යනවලු සාරියක් ඇඳගෙන අතේ මුදු කරේ මාල කනේ කරාබු වගේ රත්තරන් බඩු පුරෝගෙන.


එවෙලේ මාමා කාරයට කට තියන් ඉන්න බැරුවට මූ ටිකක් හයියෙන් ගහ උඩ ඉඳගෙනම කිව්වලු දිලිසෙන සියල්ල රත්තරන් නොවේ කියලා 


අර පාරේ ගිය ඇන්ටි මේක ඇහිලා උඩ බලලා එහෙමම බලාගෙන ඉඳලා මහා හයියෙන් කිව්වලු එල්ලෙන සියල්ල රඹුටන් නෙවේ කියලා.


ඔන්න ඕකලු ඈ 18+ කතාව :D
ඕක කියලා ඉවර වෙලා අංජු නම් හිනා වුනා බක බක ගාලා