78 අභිරහස් කාර් හොරා

හෙලෝ රැන්ඩි පුතා ඔයා දැන්ම ගෙදර එන්න මෙහෙ ලොකු ප්‍රශ්නයක් වෙලා!

ඒ මොකක්ද අම්මා තාත්තට අසනීපයක්වත්ද?

නැහැ පුතා ඊට වඩා ලොකු ප්‍රශ්නයක් ඔයා ඉක්මනට ගෙදර එන්න.

හරි අම්මා මට තව එක නඩුවක් තියෙනවා කතා කරන්න ඒක ඉවර වුන ගමන් මම එනවා.



ලිලියන් තම නීතිඥ පුතු ඇමතුවේ තම පුරුෂයා සතු වූ වසර 30 ක් පමණ පැරණි මයිනර් වර්ගයේ කාර් රථය අතුරුදහන් වීමෙන් කලබලයට පත් වීමෙන්ය.රැන්ඩිත් තම මවගේ කලබලකාරී ඇමතුම නිසා තරමක් තැති ගැනුනේ සිහිය ඉතාමත් අවුල් වූ තම පියාට අසනීප වී ඇතිදැයි කියා.නමුත් මව පියාට කරදරයක් නොවුනා කියා පැවසීම නිසා ඔහු ටිකක් සන්සුන් වී ඊළඟට තිබුණ නඩුවත් කතා කොට ඉක්මනින් ගෙදර ගියේය.

රැන්ඩි තම කාරය නිවෙසට ඇතුල් කරනවාත් සමඟම ලිලියන් සිදු වූ ඇබැද්දිය විස්තර කිරීමට දිව එමින් රැන්ඩි කාරයෙන් බැසීමටත් පෙර සිදු වූ දෙය කීවෝය.

පුතා බලන්නකෝ ඊයේ රෑ ගරාජ් එකේ නවත්වලා තිබ්බ තාත්තගේ මයිනර් එක නැහැනේ.මම පොලිසිත් ගිහින් ඇන්ට්‍රියක් දැම්මා.අල්ලපු ගෙදර මිස්ට සිල්වා කිව්වා ඊයේ රෑ අපේ ගරාජ් එකෙන් වාහනේ  කවුද අරන් යනවා දැක්කා කියලා.

නැහැ? මිස්ට සිල්වා දැකලද කාර් එක එළවන් ගිය මිනිහව?විශ්මයට පත් රැන්ඩි තම මවගෙන් විමසුවේය.

නැහැ පුතා එයා කළුවර නිසා ඇතුලේ හිටිය කෙනාව දැකලා නැහැ.

හරි අම්මා කලබල වෙන්න එපා අපි කාර් එක හොයාගමුකෝ මම දැන්ම ඉන්ස්පෙක්ටර් හැරිස්ට මේක දන්වන්නම් එයා අපිට උදව් කරයි.මම ගිහින් මිස්ට සිල්වාවත් පොඩ්ඩක් හම්බ වෙලා එන්නම්.

තම බිරියත් සමඟ වෙනම නිවසක පදිංචි වුනු රැන්ඩි මවවත් පියාවත් බලන්නට පැමිණියේ සතියකට දෙතුන් වතාවක් පමණි.ඔහුට සමාජයේ හොඳ සබඳතා ඇති නිසා ඔහු මේ කාරණයෙන් එතරම් කලබලයට පත් නොවිය.එහෙත් ඔහුගේ සිත තුල දැඩි වේදනාවක් විය.ඔහුගේ ළමා කාලයේ පියාත් සමඟ නැති වූ කාරයේ ගමන් ගිය හැටි.මාළු බාන්න ගිය හැටි එකින් එක රූප වශයෙන් මැවෙන්නට විය.

අල්ලපු ගෙදර පදිංචි මිස්ට සිල්වාව මුණගැහිමට ගිය රැන්ඩි ඔවුන්ගේ දොරේ ඇති බෙල් එක නාද වෙන බොත්තම එබිය.පැරණි කාලේ පියානෝ වාදනයක් මෙන් තරමක් මිහිරි සංගීත රාවයක් ගෙයි ඇතුලෙන් ගලා යන්නට විය.මොහොතකින් දොර විවෘත විය.

මේ අපේ රැන්ඩි පුතානේ කාලෙකින් දැක්කේ යි පවසමින් විවෘත වුනු දොරෙන් මිස්ට සිල්වා එලියට පැමිණියේය.

ඔව් අන්කල් පහුගිය දවස් ටිකේ අම්මලාව බලන්න ආවත් අහල පහල අයව හම්බවුනේ නැහැනේ.ඒක නෙවේ අංකල් මම මේ ආවේ ඊයේ වෙච්ච දේ ගැන පොඩ්ඩක් කතා කරන්න.

ඔව් පුතා ඊයේ ඔයාලගේ තාත්තගේ මයිනර් එක නැති වෙලා නේද?

ඒකනේ අංකල්! අංකල් රෑ දැක්කලු නේද කාර් එක අපේ වත්තෙන් එලියට යනවා?

ඔව් පුතා මම දැක්කා රෑ කාර් එක එලියට යනවා ඉඳලා හිටලා ලිලියන් ඕක ඩ්‍රයිව් කරන නිසා මම එවෙලේ එච්චර ගණන් ගත්තේ නැහැ මම හිතුවේ එවේලේත් ලිලි කඩේකට යනවා ඇති කියලා කෑම ගේන්න.

කමක් නැහැ අංකල් මම දැන් පොලිසියට යනවා අම්මත් උදේ ඇන්ට්‍රියක් දාලා තියෙනවා.ඒ වුනාට මම දන්න කෙනෙක් ඉන්නවා අපරාධ අංශයේ එයාට කියලා මොකක් හරි කරගන්න පුළුවන්.

ඕකේ සන් මම දෙවියන්ගෙන් ඉල්ලනවා ඔයාට ඒ පරණ කාර් එක ඩැමේජ් නොවී හම්බ වේවා කියලා.

තැන්ක්ස් අංකල් මම එහෙනම් ගිහින් එන්නම්.

පුතා තේ එකක්වත් බිව්වේ නැහැනේ නිකන්ම යනවා පොඩ්ඩක් ඉන්නවද මම ඇන්ටිට කියන්නම් තේ එකක් හදන්න කියලා.

නෝ තැන්ක්ස් අංකල් දැන් මට ඊට වඩා වැදගත් පොලිසියට යන එක.

__________________________________________________________________________________

හෙලෝ  මිස්ට රැන්ඩි ආෆ්ටර් ලෝන්ග් ටයිම්.

යෙස් මිස්ට හැරිස් ආෆ්ටර් ලෝන්ග් ටයිම් මම මේ ආවේ මිස්ට හැරිස්ගෙන් ලොකු උදව්වක් බලාපොරොත්තුව.

ඔෆ්කෝස් මිස්ට රැන්ඩි ඔයාට උදව් නොකර මම කාට උදව් කරන්නද අනික ඔයා මට කරලා තියෙන දේවල් එක්ක බැලුවොත් මගෙන් ඔයාට ඕන කරන්නේ පොඩි උදව්වක් වෙන්න ඕන.

නැහැ හැරිස් මට ඕන කරන්නේ ලොකු උදව්වක්.

කියන්න රැන්ඩි ඕන උදව්වක් කරන්නම්.

මිස්ට හැරිස් මගේ තාත්තට තිබ්බා ටිකක් පරණ මයිනර් කාර් එකක් මේක මන් පොඩි කාලේ ඉඳන්ම තිබ්බ අපේ පවුලේ වාහනය.ඒත් බලන්නකෝ ඊයේ රෑ කව්රු හරි මේක හොරකම් කරලනේ ගරාජ් එකේ නවත්වලා තියෙද්දී.

හරිම අපරාධයක්නේ රැන්ඩි,ඔයාට දැන් කාව හරි සැකද මේ සම්බන්දව?

නැහැ හැරිස් ඊයේ රෑ මේක ගෙනියද්දි අම්මා නිදියන් ඉඳලා තියෙන්නේ තාත්තා නම් ඉතින් දන්නවනේ එයාට ටිකක් කල්පනාව අඩුයි.ඒ වුනාට අපේ අල්ලපු ගෙදර ඉන්න මිස්ට සිල්වා නම් දැකලා තියෙනවා රෑ කාර් එක අපේ ගේට් එකෙන් එලියට යනවා.

ඉතින් මිනිහා දැකලා නැද්ද ඩ්‍රයිව් කරපු කෙනාව?

නැහැනේ හැරිස් එයා හිතලා තියෙන්නේ අම්මා එවෙලේ එලියට ගිහින් කියලා.

හරි රැන්ඩි ඔයා කිසි දේකට සැලෙන්ඩ එපා මම මට පුළුවන් උපරිමේ කරනවා.ඔයා ඇන්ට්‍රි එකක් දාන්න ඉතිරිවා මම බලාගන්නම්.

අම්මා උදේ ඇන්ට්‍රි එකක් දාලා මෙහෙට ඇවිත් ආයේ මමත් එකක් දාන්න ඕනද?

නැහැ එහෙනම් ඕන නැහැ මම තව පැයකින් එන්නම් ගෙදරට බලන්න මට ටිකක් ප්‍රශ්න කරන්න ඕන අර කිව්ව මිස්ට සිල්වාගෙන්.

ඔකේ හැරිස් එහෙනම් මම යන්නම් මම හිතනවා ඔයාට පුළුවන් උපරිමේ මන් වෙනුවෙන් කරයි කියලා.

අනිවාර්යෙන්ම රැන්ඩි ඔයා යන්න මම එන්නම්.

____________________________________________________________________________________
කව්ද කාර් හොරා? ඉන්ස්පෙක්ටර් හැරිස් සමඟ එක්වී  රැන්ඩිගේ ක්‍රියාන්විතය!,හා එම ක්‍රියාන්විතය නිසා ඔවුන්ට නියම සොරා සොයා ගැනීමට හැකිවේවිද?,කාර් එක ඔවුන්ට හමුවෙයිද? දැනගන්න ඉතිරි කොටස හෝ කොටස් දෙකෙන්.