107 අද්භූත ඇමතුම!

හෙලෝ  චතුරංග 

ආහ් කසුන් කියපන්

මොනවද බන් මේ උඹලගේ තාත්තා ඇවිත් ඊයේ අපේ ගෙදර මට බැනලා ගිහින් තියෙන්නේ?

අනේ සොරි බන් මං තාත්තා එක්ක රණ්ඩු වුනා.මම උඹව ආශ්‍රය කරනවට තාත්තා එක එක ඒවා කිව්වා මාත් බැන්නා අන්තිමට තාත්තට මල පැනලා කොහෙද ගියා.මම පස්සෙයි බන් දන්නේ ඒ ගිහින් තියෙන්නේ උඹලගේ ගෙදර කියලා.

ඒ වුනාට බලපන්කො බන් අපේ ගෙදර ඇවිත් උඹලගේ තාත්තා කැත විදියටනේ මට බැනලා ගිහින් තියෙන්නේ.
මම එවෙලේ ගෙදර හිටියෙත් නැහැ අපේ ගෙදර මිනිස්සු මොනාද බන් මන් ගැන හිතන්නේ?.

අනේ සොරි බන් අයි ඇම් රියලි සොරි මචන්.මට ඒකට සමාව දියන් ආයේ කවදාවත් මෙහෙම දෙයක් වෙන්නේ නැහැ.

හරි කමක් නැහැ බන් ඒත් මට දුක උඹලගේ තාත්තා මම නැති වෙලේ අපේ මල්ලිට බැනලා ගිහින් තියෙන්නේ බන්.එයා කියලා තියෙන්නේ මම උඹව එක්කන් බොන්න යනවා කියලා.උඹම කියපන් මම කවදාවත් උඹව බොන්න එක්කන් ගිහින් තියෙනවද කියලා?.

නැහැ බන් නැහැ උඹයි මායි එදා කොළඹ ගිහින් එද්දී මම උඹ ගියාට පස්සේ ගෙවල් ගාව එකෙක් එක්ක බියර් එකක් බීලා ගෙදර ගියේ බන් තාත්තා හිතන්නේ උඹ එක්ක ගිහින් මම බිව්වා කියලා.

හරි අවුලක් නැහැ ඒ වුනාට ආයේ ඔහොම දෙයක් වුනොත් මම බනිනවා උඹලගේ තාත්තට මට මුකුත් කියන්න එපා හරිද?.

හරි බන් ආයේ එහෙම වුනොත් උඹ බැනපන් මට අවුලක් නැහැ.මම තාත්තා එක්ක තාම කතා කරන්නේ නැහැ බන්.එයාට පිස්සු බන්.

හරි දැන් උඹ කොහෙද ඉන්නේ චතුරංග?

මම දැන් එළියේ බන් ඉන්නේ.

කෝ දැන් තාත්තා?

ඔය කොහේ හරි ඇති බන් මොනවා හරි කර කර.

මම වෙලාවක එන්නම්කෝ උඹලගේ ගෙදර.මම අද බන් ගෙදර ආවේ ඊයේ නයිට් එකත් කරලා.එතකොටයි මල්ලි කිව්වේ උඹලගේ තාත්තා ඇවිත් කෑගහලා ගියා කියලා.

හ්ම්ම් උඹ අනිවා වරෙන්කො අපේ ගෙදර.කොහොමත් උඹට එන්නම වෙනවා.

ඒ මොකද මචන්?

නැහැ නැහැ බන් මම ෆෝන් එක තියනවා බායි.

මොහොතකට පසු කසුන්ගේ දුරකථනය නාද වේ.

හෙලෝ!

හෙලෝ මේ කසුන් ද කතා කරන්නේ?

ඔව් කසුන් තමා ඔය කවුද?

කසුන් මම චතුරංගගේ මාමා.

ආහ් මාමේ කියන්න ඇයි කෝල් කරේ?

පුතා චතුරංග නැති වුන එක දන්නවද?

මොකා චතුරංග නැති වුනා? ඒ කොහොමද?

ඊයේ චතුරංගගේ තාත්තා ඔයාලගේ ගෙදර ආපු වෙලේ චතුරංග එල්ලිලා මැරිලා පුතා.මට චතුරංගගේ අම්මා තමයි කිව්වේ පුතාට මේක කියන්න කියලා.

මොනවා චතුරංග ඊයේ ද නැති වුනේ එතකොට අද කතා කරේ ක..කවුද?