67 අභිරහස් කාර් හොරා හම්බවුනෝ..කතාව ඉවරා...යි

පළමු කොටස
දෙවන කොටස
තෙවන කොටස
ස්තුති කතාව

කාර් රථයත් වෑන් රථයත් මුහුණට මුහුණලා විය.හැරිස්ටත් රැන්ඩිටත් වෑන් රථයේ රියදුරු අසුනේ සිටි පුද්ගලයාව පැහැදිලි ලෙස පෙනෙන්ට විය ඒ වෙන කව්රුවත් නොව ඒ ඩේවිඩ් ය.

ඩේවිඩ් වෑන් රථයේ ඇක්සලේටරය සැරින් සැරේ පාගයි.වහා ක්‍රියාත්මක වුන හැරිස්ද බොඩිය තැලුණ කාර් රථය නැවත පණගන්වා රේස් කරේය.වාහන දෙක මුහුණට මුහුණලාය.ඩේවිඩ් වෑන් රථය අද්දනවාත් සමඟම හැරිසුත් කාර් රථය අද්දන්නට විය.වාහන දෙක අධික වේගයෙන් මුහුණට මුහුණ පැමිණ හැප්පුනාය.

මයිනර් එකේ බොනට් එක කුඩු වී ගියාය.හැරිසුත් රැන්ඩිත් දොර පියන් හැර බොහොම අමාරුවෙන් එලියට බැස ගත්තේය.ඔවුන්ට ලේ ගලන තුවාල පෙනෙන්ට නොතිබුනත් ඇඟේ පතේ තැල්මවල් ඇති බව හැසීරීම් වලින් පෙනේ.ඔවුන් අමාරුවෙන් වෑන් රථය වෙත ගොස් එහි දොර ඇර බැලුවේය.ඩේවිඩ් සිහි මුර්ජා වී රියදුරු අසුන මතම වැටි සිටියි.


පොලිස්තානය වෙත අමතා තව කට්ටිය ගෙන්වා ඩේවිඩ් ව පොලිස් රැකවරණ යටතේ රෝහල් ගත කෙරුණි.රැන්ඩි පොලිස් කාර් රථයක බොනට්ටුව මත වාඩි වී ඉන්ෂුවරන්ස් එකෙන් පැමිණ මයිනරය ඇදගෙන යන සැටි බලා සිටියේය.ඔහුගේ හිතට සැනසීමකි වාහනය සතියකින් දෙකකින් යථා තත්වයට පත් කොට ගත හැකිය.
මේ හැම දේකටම ස්තුතියි හැරිස් ඔයා මන් වෙනුවෙන් ජීවිතේ පරදුවට තිබ්බා.

අත ඇරලා දාන්න රැන්ඩි මම කරේ මගේ යුතුකම පොලිස් නිලධාරියෙක් හැටියට.

මම කොහොම ස්තුති කරන්නද මන්දා හැරි ඔයාට.ඔයා හෙට රෑට අපේ ගෙදර කෑමකට එන්න.

හොඳයි යාළුවා මම එන්නම් හෙට  දැන් ටිකක් රෑ වෙලා ඔයා ගෙදර යන්න,මහන්සිත් ඇතිනේ සටන් ජවනිකාවකටත් මුහුණ දීලා ඔහු සිනාසෙමින් පවසයි.



ඔහු මට දැන් ගොඩක් මහන්සියි ආහ් බඩත් ගිනියි නිදිත් මතයි රැන්ඩිත් සිනා සෙමින් පවසයි.
____________________________________________________________________________________

ගෙදර නොගොස් තම මහගෙදරට ගිය රැන්ඩි එහිම නිදියගන්නට විය.උදෑසන 9ට පමණ රැන්ඩි ස්ටීවන්ගේ පියා ජේම්ස් ඔහු අසලට පැමිණ ඔහු ඇහැරවිය.

පුතා පුතා නැගිටින්න මට කියන්න දෙයක් තියෙනවා.

තම පියාගේ බාධා කිරීම නිසා ඇඟමැලි කඩමින් නැගිට සිටි රැන්ඩි තාත්තා කියන්නට යන්නේ කුමක්දැයි බැලුවේය.

පුතා මම අපේ කාර් එක පෙරේදා අරන් ගියා ටවුමට එතැන තිබ්බ අර චන්ඩි ඩේවිඩ්ගේ පාක් එකේ කාර් එක නවත්වලා මම මාකට් එකෙන් බඩු වගයකුත් අරන් කාර් එක අමතක වෙලා පයින්ම ගෙදර ඇවිත් නිදියගත්තා එවෙලේ මට කාර් එක ගැන මතක් කරන්න ඔයාගේ මමිවත් ඇහැරලා හිටියේ නැහැනේ.අනේ බලන්නකෝ පුතා ඊයේ දවසෙම මට ඕක කල්පනාවක් වුනේ නැහැ.ඉතින් මම අද උදේ ගිහින් බලද්දී ඒක එතන නැහැ.ඔයාට ඒක හොයාගන්න පුළුවන් වෙයිද??