36 අඩන හැම කෙල්ලම අහිංසක නැහැ!!!!!

ඈහ් වැලන්ටයින් එකත් ලග එනවනේ ඒක මතක් වෙද්දීත් ආදරේ එපා වෙනවා අෆ්ෆා!!!.ඒ මොකෝ දන්නවද??? බූට් බූට්.




මටත් සෙට් වුනානේ කෙලි පොඩ්ඩක් දැන් කාලෙකට උඩදී.එයාගේ නම පවනි එයා මුලින්ම මගේ හොද යාලුවෙක් හැටියටයි ආශ්‍රය කරේ.හැමදාම කෝල් කරනවා මැසේජ් කරනවා.මිස් කෝල් ගහනවා හරියට මගේ ගර්ල් ෆ්‍රෙන්ඩ් වගේ.


ඒත් මගේ හිතේ එහෙම අදහසක් තිබ්බේ නැහැ ඇත්තටම.එයාව මට හම්බ උනේ ක්ලාස් එහෙකින්.හම්බෙලා වැඩි දවසකුත් නැහැ මාස 6ක් විතර ඇති.ඒ ටික කාලෙට තමා මෙයා මාත් එක්ක ගොඩක් ෆිට් වුනේ.


දවසක් එයා කෝල් කරපු වෙලේ කිව්වා එයාගේ බෝයි ෆ්‍රෙන්ඩ් එයාට බැන්නා කියලා.මට ඉතින් ඕවයින් වැඩක් නැහැනේ.ඒත් මං ඉතින් ඕවා ගණන් ගන්න එපා කියලා කිව්වා ඇර වෙන මුකුත් විස්තරයක් වත් ඇහුවේ නැහැ.


ඊට පස්සේ එයා වැඩියෙන්ම මා එක්ක කතා කරේ එයාගේ බෝයි ෆ්‍රෙන්ඩ් එයාට සලකන හැටි.එයාව සැක කරනවලු,එයාට බනිනවලු ඔය වගේ දේවල්.මං දන්න තරමින් නම් පවනි නරක කෙනෙක් නෙවේ.එයාට හිටියෙත් එක පෙම්වතෙක් විතරයි.ඒ වගේම අහිංසකයි.වැඩිය දැගලිලි තියෙන කෙල්ලෙකුත් නෙවේ.


ඔන්න දවසක් මෙයා කෝල් කරලා කියනවා ඉකි ගගහා අඩ අඩ එයාගේ බෝයි ෆ්‍රෙන්ඩ් එක්ක තිබ්බ හැමදේම ඉවර කරාලු,එයාට බැන්නලු 


බලන් ගියාම දෙන්නා රණ්ඩු වෙලා කොහොමින් හරි ඇෆෙයාර් එකත් කඩාගෙන.අනේ මන්දා මං ඉතින් මක්කක් කොරන්ඩද??? මං දන්න වචන අරවා මෙව්වා කියල දැන් පවනිගේ හිත හදනවා.මටත් වෙන වැඩ නැහැනේ.


ඔහොම ඔහොම දවස ගානේ පවනි කෝල් කරනවා.හැමදාම අතර මගදී අඩනවා.මටත් මේක දැන් මලම ඇනයක්.ඒත් ඉතින් මුකුත් කියන්ඩත් බැහැනේ.පව්නේ පවනි (ඔන්න එහෙම කිව්වේ වලත්ත කමකට හෙම නෙවේ හොදේ ).
ඔන්න දවස උදා වුනා මෙයා එදත් කෝල් කරා.දැන් කියනවා එයාට ජීවිතේ ලොකු පාළුවක් දැනෙනවලු,තනි කමක් දැනෙනවාලු.මැරෙන්න හිතෙනවාලු  


එහෙම කිව්වම ඉතින් මං කිව්වා ''පවනි එහෙම කියන්න එපා අනේ.ජීවිතේට ප්‍රශ්න එනවා එව්වට මුණ දීලා ජීවිතේ සතුටින් ගත කරන්න.අනික ඔයාට මාත් ඉන්නවනේ කියල කිව්වා.(මාළුවා නහින්නෙත් කට නිසානේ.)


එහෙම කිව්වම මෙයා කිව්වේ නැතෑ ''එහනම් නිශාන් ඔයාට පුලුවන්ද මගේ තනිකම නැති කරන්න??.ඔයා දන්නවද මට හම්බුන කොල්ලෝ අතරින් ඔයා තමා මට හම්බුන හොදම කොල්ලා මං මාර විදියට ඔයාට කැමතියි ඔයාට ඒක කවදාවත් තේරිලා නැද්ද  මන් ඔයාට පන වගේ ආදරෙයි.ඔය මගේම වෙන්නකෝ'' කියලා ඉකි ගහනවා.


මළා මට හිතාගන්න බැහැ දැන් මං මොකද කියන්නේ කියලා.මං එවෙලේ ගොළු වුනා.ඒත් එක්කම එයා 4න් එක තිබ්බා.


දැන් මං දස අතේ කල්පනා කරනවා.කෙල්ල ඇඩු කදුලෙන් කිව්ව හින්දා මං හිතුවා කෙල්ල අවංක හිතෙන්මයි මේක කියන්නේ කියලා.ඒත් මට ලව් ඇෆෙයාර් එකක් ඇති කරගන්න උවමනාවක් ඇත්තෙම නැති හින්දා මං ආයේ කෝල් කරලා කිව්වා  ''පවනි ඔයා හොදට හිතලා තීරණ ගන්න මොකද මේවා සෙල්ලම් නෙමේනේ ඔයාට මට වඩා  හොද කොල්ලෙක් හම්බෙයි.එතකන් ඉන්න'' කියලා.


මෙයා කියනවා ''නැහැ නැහැ නිශාන් ඔයා තරන්නම් හොද වෙන කෙනෙක් හම්බෙන එකක් නැහැ.ප්ලීස් මට කැමති වෙන්න මට ඔයා නැතුව බැහැ''කියලා අඩන්න ගත්තා.


මං ආයෙත් ගොළු වුනා.පවනි අඩනවා.මං කතා නොකලාට එයා දන්නවා මං අහන ඉන්නවා කියලා.එයාගෙන් අඩන එක හැර වෙන සද්දයක් නැති හින්දා මං එක පාරට කිව්වා හරි කියලා.


:/ දැන් ඔන්න දවස් ගානක් ගෙවිළලු හොදේ පවනි දැන් මගේලු අපි පෙම්වතුන්ලු. හත් හිලව්වයිලු.
තනියෙන් හිටපු මටත් දැන් කෙල්ලෙක් ඉන්නවාලු.


ඔය අතරදී මං ක්ලාස් යන එක නැවැත්තුවා.ඊට පස්සේ මං වෙන කෝස් එකක් කරන්න ගියානේ.ඒක නිසා මට පවනිව හම්බෙන එක අඩු වුනා.


ඒත් කෝල්ස්,මැසේජ් නම් අඩු වුනේ නැහැ.මෙයා මට පන වගේ ආදරෙයි.ඒ ආදරේට මං ආදරේ නොකර කොහොමද??ඔන්න ඔතනදියි මට වැරදුනේ.මාත් එයාට පන වගේ ආදරේ කරා.මටත් එයාව නැතුවම බැරි වුනා.එයා මගේ මුළු ජීවිතේම වුනා.මං ඒ ආදරේ ගොඩක් සීරියස් ගත්තා.ඉදලා හිටලා හම්බුනත් එයා මගේ හිතේ දවස තිස්සෙම හිටියා.


අපි අනාගතය ගැන ගොඩක් හීන මැව්වා.මොන තරම්ද කියනවා නම්.බැන්දට පස්සේ ගෙවල් හදන ඒවා,කරන රැකියා.තව තව අරවා මේවා අෆ්ෆා මතක වෙද්දීත් දැනටත් ඇඩෙනවා.


පිට පැන්නද මන්දා.ඔහොම කාලේ යද්දී මෙයාව මට හම්බෙන එක හොදටම අඩු වුනා.ඒත් එක්කම අර කලින් තිබ්බ කෝල්ස් මැසේජ් රින්ග් කට් ඔය ඔක්කොම ටික ටික අඩු වුනා.අනේ මන්දා මට හිතාගන්නත් බැහැ.


ඒවා අඩු වුනත් මං කවදාවත් හිතුවේ නැහැ තිබ්බ ඒ සෙනෙහෙ නම් පොඩ්ඩක්වත් අඩු වෙයි කියලා.හ්ම්ම් ඒකත් එයා අඩු කරා.ආදරයක් ගැන හිතුවේ නැති මාව ආදරේ නැමැති ලස්සන පාරාදීසය පෙන්වලා අතර මගදී මාව අත හැරලා යන්න ගත්තා ඒකයි මට දුක.


එයාට මං කෝල් කරද්දී ෆෝන් එක ආන්සර් කරන්නේ නැහැ.මැසේජ් වලට රිප්ලයි නැහැ.ඔය වගේ දේවල් වෙද්දී මට හිත වාවන්නේ නැතුව ගියා.අන්තිමේදී මං බැන්නා මේකටද මට ආදරේ කරේ කියලා.එයා ඒ මොනවටවත් පිළිතුරු දුන්නේ නැහැ.මායාවක්‌ වගේ නිකන්ම අතුරු දහන් වුනා.අන්තිමට එව්වා මැසේජ් එකේ තිබ්බේ. ''nishan mata dan hithenawa man oyata adare karala oyage hitha ridduwa.mata sama wenna man hodata hithuwa.api denna galapenne naha.eka nisa api wenwena eka thama hoda.oya hodin inna mawa amathaka karanna.mata aye dilanwa hambuna eya magen samawa illuwa.mata eyawa ona.man oyatath wada eyata adare kara.mawa amathaka karanna'' හෆෝයි ඔන්න ඔහොම දිග කෙටි පණිවිඩයක් තමා අන්තිමේදී නිකමෙක්ගේ හිත රිද්දවන්න ආවේ.එයා කිව්වා වගේම මං එයාව අමතක කරේ නැහැ. මට ඒක කරන්නත් බැහැ.


ඒත් දැන් මං එයාට සමාව නම් දෙන්නේ නැහැ.ඔන්න ඔහොමලු ගොඩක් කෙල්ලෝ.අනේ මං ඒ කෙල්ලගෙන් පලිගන්න නම් ගියේ නැහැ.ආදරේ කරපු හිතින් කොහොමද වයිර කරන්නේ??.ඒත් ආදරේ කියන කටුක අත්දැකීමට මම අදත් බයයි.


එදා අඩලා මට ආදරෙයි කිව්ව කෙනා වෙනස් වුන හැටි මට මාරම පුදුමයි.කවදාවත් ඔයාලත් කෙල්ලෙක්ගෙ කදුලකට අහුවෙන්න එපා.