75 හාවගෙයි ඉබ්බගෙයි 2012 වර්ෂන් එක!

කලින් වල් කතාවක් ලියලා හැමෝම කිව්වේ කලින් අහලා තියෙනවා,ඔබා මාමා ලියලා තිබ්බා,අන්තිම පේලියේ තිබ්බා වැනි දුක හිතෙන වදන් ය.ඒ අතර සෙන්නා කීවේ මා අසාර්ථක බවය.ඒ අතර කාන්තාවන්ට එපා කියලත් ඔවුනුත් එය කියවා ඔප්පු කරේ කොච්චර එපා කිව්වොත් ගෑනුන් හට ඒ දේ කිරීම අත්‍යවශ්‍ය බවයි.දැවිල්ල කෑමක් කෑවට පසු සීනි ටිකක් කටේ දාගැනීම සාමාන්‍ය මිනිසුන් අතර සාමාන්‍ය දෙයකි.එම නිසා මමද කලින් වල් කතාවේ තිබු අදහිරිය දනවන කොමන්ට් පසෙක ලා ඔවුන්ට නැවතත් ''මා මෙය කලින් අසා ඇත'' යන වග කියවා නොගන්නට මගේම නිර්මාණයක් පල කරන්නෙහිය.එය ඕනෑම දරුවෙකුට හා අග්නි වැනි බබී කෙනෙක්ට වුවද අනෙකුත් බ්ලොග් සහෝදරියන් බබිලටද කියවා රස විදිය හැකි කතාවකි.




එය නම් මෙසේය
දිනක් හාවෙකු නියරක් දිගේ පැමිණෙමින් සිටියදී හදිස්සියේම නියර අයිනේ සිටින ඉබ්බෙකු දුටුවා ය.ඉබ්බා දුටු හාවා අතීතේදී මෙන් ඉබ්බාගෙන් මෙසේ ඇසුවේ ය.


හාවා : ඉබ්බෝ අපි රේස් එකක් දුවමුද?


ඉබ්බා : අපෝ බැහැ හාවෝ අපි දෙන්නා රේස් එකක් දිව්වොත් අනිවා මමනේ දිනන්නේ.
(ඉබ්බා හාවාව අඩු තක්සේරු කොට කතා කරෙහි ය )


හාවා: හරි එහෙනම් ආයෙත් දුවලා බලමුද? මොකද මේ මම ඒ පරණ හාවා නෙවේ.මොකෝ කියන්නේ?


(හාවට තවත් සෙකන්ඩ් විය නොහැකි )
ඉබ්බා :හරි හාවෝ අපි දුවමු.


දෙදෙනා කතිකා කර ගත් පරිදි නියමිත වෙලාවට අහවල් තැනට මේ දෙදෙනා රැස් වූහ.


හාවා:ඔන්න ඉබ්බෝ මං තුනට ගණන් කරපු ගමන් අපි දුවමු ඈ.


ඉබ්බා: ඕකේ මචන්


හාවා:එකා..යි දෙකා...යි තු..තුනා....යි




තුනා..යි කියූ සැනින් දෙදෙනාම දුවන්න පටන් ගත්තා ය.හාවා ඊයක් මෙන් ඉදිරියට ඇදෙන්න වූ අතර ඉබ්බා 2GB ෆයිල් එකක් ඩවුන්ලෝඩ් වෙනවා වගේ හිමින් හිමින් ඉදිරියට ඇදෙන්නට වුනා.


මෙලෙස දෙදෙනා දුවමින් යන විට ඉබ්බාගේ යාලු ගෑල් ළමයා මගදී මෙය දැක වහා සැලසුමක් ක්‍රියාත්මක කරේ හාවාව පරදා තම පෙම්වතාව ජයග්‍රහණය කරවන්නට ය.ඒ අනුව ඉබ්බි එවෙලේම ක්‍රියාත්මක වී ඉදිරියට ඇදෙන හාවට ඉගි බිගි පා ඔහුව මායමකට රවට්ට ගත්තේ ය.කාන්තා මායමකට හසු වූ හාවා ඉබ්බිගේ පසු පස යන්න වුනු අතර මෙම සැලසුමෙන් ඉබ්බාට ඉදිරියට යාමට මග සැලසුනි.ඉබ්බි පසු පස ගිය හාවාව කාමරේකට දමා ඔහුට බෙලි ඩාන්ස් එකක් දමා පෙන්වන්නට ඉබ්බි සමත් වූ හ.ඉබ්බි බෙලි ඩාන්ස් දමද්දී හාවා කබරේ ඩාන්ස් දැමිය.කබරේ ඩාන්ස් ගැන ඔබ හට හිතා ගත හැක යයි සිතමි.


හාවා කබරේ ඩාන්ස් දමන අතර ඉබ්බා සැහෙන්න දුරක් ගිය බව දැනගත් ඉබ්බි හාවා අමතමින්
ඈ බොල රට හාවෝ තෝ ආව නේද මෙතන මනමාල කමේ?.ඒ මදිවට මගේ ඩාලින්වත් පරද්දන්න හිටු පරයා


කියා බැන වදිමින් ඉදල් කොටයක් ගෙන හාවට ගසන්නට පටන් ගත්තේය.ඉදල් පාරවලින් බේරීමට පිටු පස දොරින් එලියට පැනගත් හාවා නිරුවත් ශරීරෙ පිටින්ම කැලා වැදුනි.මේ අතර ඉබ්බා සෑහෙන දුරක් ගොස් හමාරය.පිටුපස දොරින් පන ගිය නිරුවත් හාවා වෙනත් මගක් ඔස්සේ පලා ගොස් නැවත රේස් එක මතක් වී සෑහෙන වෙලාවකට පසු හරි ට්‍රැක් එකට එන්ටර් වුනි.එම මග ඔස්සේ ඉබ්බා දැන් සෑහෙන දුරක් ගොස්ය.හාවා සැතපුම් ගණනාවක් පිටුපසිනි.


උත්සාහය අත් නොහල හාවා දහිරිය ගෙන දිගටම දිව්වා ය.අහෝ විපතකි හාවට  ජරමර අස්සේ බරකරත්තය   ඔහුගේ පරණ කැච් එකක් වන හාවියක්  එම මග ඔස්සේ හාවට විරුද්ද පසින් පැමිණි හ.හාවාට සැගවීමට වත් වෙලාවක් නැත ය.


හාවා දුටු හාවී:
ආ.....මේ ඉන්නේ!
කොහෙද වල් හාවෝ මෙච්චර දවසක් හැංගිලා හිටියේ?මං එස්.එම්.එස් කීයක්‌ නම් එව්වද එකකටවත් රිප්ලයි කරාද?ඒ මදිවට මං කෝල් කරාම මගේ කෝලුත් කට් කරනවා හිටුකෝ..


කියමින් ලග තිබු වැටකින් මුගුරක් ගලවා ගත්තේ හාවට පහර දීමටය.


අසරණ වුනු හාවා:
අනේ ඩාලින් අහන්නකො රිප්ලයි කරන්න ෆෝන් එකේ බැලන්ස් නැහැ රත්තරන් ඒකයි රිප්ලයි නොකළේ.කෝල් කට් කලේ නැහැ ෆෝන් එකේ ලෙඩක් එන කෝල්ස් නිකන්ම කට් වෙනවා මේ ඇත්තමයි මගේ කුක්කු කැටේ.
අහන්නකෝ මං කියන දේ ප්ලීස්...


හාවා කියූ දේ කනකට නොගත් හාවී ඇති තරම් හාවට පහර දුනි.පහර දී බිම දමා අතේ තිබු හෑන්ඩ් බෑගයෙන් ද දමා ගසා එහි ඇතුලේ තිබූ පනා,මේකප් භාන්ඩ වැනි දේවලිනුත් අම්බානක ලෙස පහර දී හාවී යන්න ගියේ ය.


හාවිගෙන් දරුණු ලෙස පහර කා සිහි විසල් වී සිටි හාවට සිහිය පැමිණියේ පැය කාලකට පමණ පසු ය.
මෙතෙක් වෙලා තනිව දිවූ ඉබ්බා හැරී බැලුවේ ය.හාවා පෙනෙන තෙක් මානෙක නොවිය.දිනුම් කණුවට තව මීටර් 2කි.


බඩ ගාගෙන එකට පැමිණි ඉබ්බාට ද දැන් අම්බානක ලෙස මහන්සිය.හාවා ඈත එනවා පෙද්දී මං දිනුම් කණුවට යනවා එතකන් මෙතනින් පොඩ්ඩක් වාඩි වෙලා ඉන්නවා සිතූ ඉබ්බා එම දිනුම් කණුවට නුදුරු තැනකින් හිද ගෙන ගිමන් හරින්නට ගත්තා ය.නොබෝ වේලාවකින් ඉබ්බාටත් නොදැනීම ඉබ්බාට නින්ද ගියේ ය.


කාන්තාවන් දෙදෙනුකෙන්ම දරුණු ලෙස පහර කා කිහිලි කරුවකින් ඇවිදිමින් හාවා තරගය ගැන අදහස අත් හැර තිබුණි මන්ද දැන් ඉබ්බා අනිවාර්යෙන්ම තරගය දිනා ඇති බව ඔහු සිතුවා ය.එලෙස නමුත් ඉබ්බාට සුබ පතන්නට තීරණය කල හාවා කිහිලිකරුවෙන්ම දිනුම් කනුව වෙත සෙමින් සෙමින් ආව ය.මෙලෙස පැමිණෙද්දී ඉබ්බා ගොරව ගොරව නිදි බව දුටු හාවා දෙවරක් නොසිතා දිනුම් කනුව වෙත ගොස් තරගය ජය ගත්තේ ය.


ඔන්න ඔහොමලු මා විසින් රචිත ඉබ්බගෙයි හාවගෙයි අලුත් වර්ෂන් එක.දැන් ඉතින් කාටවත් කියන්න බැහැ මේකත් අහලා තියෙනවා කියලා.


ගෑනු මායම් වලට හසු වී කාන්තාවන් දෙදෙනුකුගෙන් ගුටිත් කා තරගය ජයග්‍රහණය කල හාවට මාගේ ප්‍රණාමය!
මෙතරම් අවස්ථා ලැබිලත් අලස වුනු ඉබ්බාටද පාඩමක් ඉගෙන ගත හැකිය එනම් ඉතිහාසේ කුමක් වුවත් දෛවයේ නැත්තම් කිසිම දෙයක් උරුම නැති බව ය.