52 මටත් ඉන්නවා දැන්!

මටත් දැන් රත්තරන් පාඨකයන් 100 ක් විතර ඉන්නවා ලිපියක් පළ වුනාම ඒකට අනිවාර්යෙන්ම කොමන්ට් 20ත්,30ත් අතර ප්‍රමාණයක් ලැබෙන අතර කොමන්ට් නොලැබුනත් බුකියෙනුත් අනිවාර්යෙන්ම එක ලිපියකට හිට්ස් 20ක් විතර ලැබෙනවා.කොහොමත් එක ලිපියකට නම් මගේ දුප්පත් බ්ලොගේට හිට්ස් 150ත් 200ත් අතර ලැබෙනවා.
ඉතින් ලැබෙන කොමන්ට් අනුව පාඨකයෝ 100ක් විතර ඉන්නවා.ඉතින් සතුටුයිනේ

ඒත් අද කියන්න ඕන ඒක නෙවේ මේ සදහා නොමඳ සහයක් ලබාදෙන බුකියෙන් සෙට් වුන කෙනෙක් ගැන දෙයක්.එයා ඉන්නේ බ්‍රසිලේ කාගේ හරි ස්ටේට් එහෙක එයා දාලා තිබුණ කොමන්ට් එක අනුව මං රිප්ලයි කරලා අන්තිමට එයා මා එක්ක ගොඩාක් යාලු වුනා.එයා කාන්තා පාර්ශ්වයේ කෙනෙක්.ලැබෙන මොන දේ වුනත් මගේ වෝල් එකට ශෙයා කරන්න අමතක කරන්නේ නැති මෙයා මට විශේෂයි මොකද මට වෙන රටක  යාළුවො කව්රුවත් නැහැනේ.
මෙයා හරිම ෆුල් ජෝලියේ ඉන්න කෙනෙක් හැටියට තමා මං දකින්නේ.මට හරියට ඉංග්‍රීසි බැරි වුනත් මං කියන ඒවා එයා තේරුම් ගන්නවා,එයා කියන සමහර ඉංග්‍රීසිත් මට නොතේරුනාට මං ට්‍රයි කරලා තේරුම් ගන්නවා.සමහර වෙලාවට එයා අහන දේවල් වලට උත්තර දෙන්න ඉංග්‍රීසි වචන මං දන්නේ නැති වුනාම ඒවා මං සිංහලෙන්ම ටයිප් කරලා යවනවා ඒ වෙලාවට එයා හිනා මූණු දාලා එයාගේ භාෂාවෙන් මටත් එවනවා.ඒත් මගේ වෙලාවට ක්‍රෝම් එකේ ඒ භාෂාව ට්‍රාන්ස්ලේට් වෙනවා.ඔයාලගෙත් වෙනවද දන්නේ නැහැ නැත්තම් මොකක් හරි ඇඩෝන් එකක්ද දන්නෙත් නැහැ.

එකේ පිහිටෙන් එයා කියන ඒවා ට්‍රාන්ස්ලේට් කරගෙන මං ඒවාට දන්නා ඉංග්‍රීසියෙන් උත්තර දෙනවා,ඉතින් එයා හිතන්නේ මං බ්‍රසීල භාෂාව දන්නවා කියලා.මං කොච්චර කිව්වත් පිළිගන්නේ නැහැ.එයා මගෙන් අහනවා වෙලාවකට මං සිංහලෙන් ගහලා යවන ඒවා වලට මේ රවුම් අකුරු නම් හරි ලස්සනයි ඒවා ඉන්දියාවට සම්බන්දද කියලා?.

මං පුළුවන් විදියට එයාට තේරුම් කරා.එයත් අනිත් අයට වඩා මාව හුගක් තේරුම් ගත්ත කෙනෙක්.එයා බ්‍රසීලේ විශ්ව විද්‍යාලයක කථිකාචාර්යවරියක්.එයාගේ ප්‍රියතම චරිතේ චේ ගුවේරා! චේ ගුවේරා ගැන බ්‍රසීලේ මිනිස්සු මාර උනන්දුයි.චේ වෙනුවෙන් හදපු සිංදු යු ටියුබ් වීඩියෝ මගේ වෝල් එකට අනිවා ශෙයා කරනවා.

මං වැඩිය දේශපාලන ඒවා ගැන ලියන්නේ නැහැ.එක පාරක් බන්ධුල සර්ට පිළිතුරු දෙන්න ගිහින් මාව සුදු වෑන් වලින් උස්සනවා කියලා තර්ජන ආවා.ඒත් දැන් මං බය නැහැ.මට දේශපාලනේ ගැන ලියලා සුදු වෑන් ස්ටාට් වෙද්දීම බ්‍රසීලේට පැනගන්න පුළුවන් සුදු වෑන් එහෙට ඔට්ටු නැහැ හරිය?.ඉල්ලන පරක්කුවට බ්‍රසීලේට යන්න ටිකට් එක එවනවා කියලා මට ෂුවර්,එයා එක දවසක් කිව්වා එයාට මාව හම්බවෙන්න ආසයි කියලා.මං කිව්වා මට නම් දැන්ම බ්‍රසීලේට එන්න බැහැ කියලා,එයා කිව්වා කමක් නැහැ එයා ලංකාවට ආපු දවසක මාව හම්බෙන්නම් කියලා.එයාට මං අපේ ගෙදර ලෑන්ඩ් නම්බරේ දුන්නා කෝඩ් එකත් එක්කම.එයා ලංකාවට එන්න හදද්දී මට කෝල් කරයි.

අපි බුකියට ගියාම හෝම් පේජය තුල ගොඩාක් දකින්නේ සිංහල ස්ටේට්,සිංහල වදන් ඇතුලත් පින්තූර වගේ ඒවානේ.එයාලගේ ග්රූප් එහෙකට මාව ඇඩ් කරලා තිබ්බා,ඒක වෙනම ලෝකයක් වගේ.අර නොතේරෙන භාෂාවන් වදන්,රූප එව්වා මෙව්වා මාර විදියට,එයා ඊයේ පෙරේදා එයාගේ මිනිබිරියට මාව සජෙස්ට් කරලා දැන් ඒ මිණිබිරියත් මා එක්ක හෙන ෆිට්.තව තව එයාගේ යාලුවන්ට මාව සජෙස්ට් කරනවා මේ දවස් වල.මට දැන් බ්‍රසීලේ අම්බානක යාළුවො ඉන්නවා.

මෙච්චර කියපු එයාගේ නම කිව්වේ නැහැනේ එයාගේ නම තමා ක්‍රිස්ටිනා මැටුවාක්‌

එයාගේ වයස අවුරුදු 60යි

ලංකාවේ විසි අටේ තිහේ අක්කලා වගේ නෙවේ මෙයා ඊටත් වඩා ෆුල් ජොලියේ ඉන්නේ.එයා දවසක් මට කිව්වා බ්‍රසීලයන් සම්පූර්ණයෙන්ම පිස්සෝ ගණන් ගන්න එපා කියලා,(brazzilian are totaly crazy!)

එයාට මගේ ඉංග්‍රීසි නොතේරුණත් මට එයාගේ ඉංග්‍රීසි නොතේරුණත් අපි හොද යාළුවො.මනුෂ්‍ය කමේ නාමයට මිතුරුකම නමිනුත් අර්ථ දක්වන්න පුළුවන් ඒ අතින් ක්‍රිස්ටිනා උපරිම හොද යාළුවෙක්.ඒ වගේම මගේ ආදරණීය බ්ලොග් සහෘදයන් ටිකටයි මං ලියනක් බලන් ඉදලා මේ පැත්තේ එන බුකියේ මිතුරන්ටයි මාගේ අනෙකුත් පාඨකයන්ටයි බෙහෙවින් ස්තූති වන්ත වෙනවා.තෑන්ක්ස් ආහ් මේ පැත්තේ දිගටම ආවට කට්ටියටම මීට‍ පස්සෙත් එන්න හරිද.